رد بن جربان على قصيدة بن مهرس في مدح الجرابين

بسم الله الرحمن الرحيم

مساكم الله بالخير

أعزائي أعضاء ومشرفين منتدنا العزيز على قلوبنا هذا ردي على قصيدة ابن مهرس الذي

قالها في آل جربان

يا قاف فيصل يا كبير العناوين = يالمادح الممدوح غال الذخيره
خوالك الظفران والجد أميرين = ساس المراجل والكرم أنت أميره
ابوك رباكم على المنهج الزين = و سرتوا على نهجه وسرتوا مسيره
وراع الهروج العوج عنّه مقفين = خله مع الوادي يسرح حميره
وترى النميمه من طبوع المساكين = والله ما يسوون حبة شعيره
لا ناشد ٍ عنهم ولا قايل منين = و رديت سيفي دونهم في جفيره
وحنا هل الطاله ونسل الميامين = نسل الرجال اهل الدها والبصيره
شيخان فعل وفالمواقف شجيعين = واللي يغط النور عينه ضريره
ويا فيصل الاجواد تزرع بساتين = ويعلم الاجيال ناس ٍ خبيره
ولآد مهرس للمعادي عمى عين = هم عزوت المنظام وأم الضفيره
ذباحه الحايل كعام المعادين ‎ = اهل السيوف الامعات الخطيره
كسابت الامداح بين المثارين = عون الرفيق وستر عيب القصيره
كبار الفعول مزبنين المجلين = روس الرجال اهل الثنا والبريره
يهدون الانفس لا غدى العلم علمين = وسيف المراجل في يديهم مصيره
لاصاح صياح الضحى يا شدادين = تجيك دقلات السبايا مغيره
عليهن الفرسان مثل المجانين = ضياغم ٍ ما يقبلون الكسيره

أخوكم / حمود بن عبدالله بن جربان الحارثي

ابن جربان بيض الله وجهك

على الرد الجميل والقصيدة الراائعه

لاهنت يالنشمي

ابن جربان

صح لسانك يالذيب وما عليك زود

وأنتم عيال عم وما فيكم قصور

وبيض الله وجهك يالنشمي.

:؛:



صــح لسانكـ مدد بلا عدد ..

قصيدة رائعة من شاعر مبدع ..

سلمت يمناك ..



:؛:

صح لسانكــ ملايين وما قصرت والله

سلمت يداك ويعافيك ربي ولك كل الشكر

ودي ووردي

لاصـاح صيـاح الضحـى يـا شداديـن
تـجـيـك دقـــلات الـسـبـايـا مـغـيــره
عليـهـن الفـرسـان مـثـل المجـانـيـن
ضـيـاغـم ٍ مـــا يقـبـلـون الكـسـيـره


والله ونعم الرجال

وصح لسانك ياحمود مدد..

ابدعت في الرد .. مثل العاده

كل الود

والنعم والله بالمادح والممدوح

وما قصرت يا ابن جربان في ردك على شاعرنال فيصل بن زايد

وما هي غريبة بين عيال العم مثل هذه المشاعر الطيبة

ومن المفترض يا ابن جربان أن تضع رابط القصيدة التي

قمت بالرد عليها حتى يسهل وصول الأخوان إليها دون بحث أو عناء

أخوي

عبدالله الشدادي

مرورك الكريم أسعدني

ولاهان راسك

أخوي

الغالي

الامير

مرورك وطلاعك شرف لي ولاهان راسك

ويـا فيصـل الاجـواد تـزرع بساتيـن
ويـعـلـم الاجـيــال نــــاس ٍ خـبـيــره

الله الله يا خال
شاعر جزل وعلومك كلها غانمة وتنومس وما فيك شك
لا عدمناك يا سنايدي وتستاهلون أكثر يا الجرابين ولكم منزلة خاصة في القلب