قصيدة موجهه للشاعر تركي بن عبدالله الشدادي

يالله ياللي تعلم السر والغيب=ترحم نفوس شاب راسي بعدها
ياتركي الدنيا حظوظ ومكاتيب=نغزها وهي سريعة جهدها
عينت ربع ينطحون المواجيب=غدت بهم غبر الليالي بيدها
أول ليالينا ضحوك وتعاجيب=وتالي ليالينا كثير نكدها
ياما على الغالي نشق الأساليب=مشاكل الدنيا طويل مددها
أخذت في الدنيا دروس وتجاريب=تبني مبانيها وتطرح عمدها
ياكثر ماعديت روس المراقيب=وجريت ونات كثير عددها
وأونست في قلبي وكبدي لواهيب=ونار بوسط القلب يوقد وقدها
عرفت عدواني وكل الأصاحيب=أهل القلوب اللي كثير حسدها
بتجيرهم سود الليالي مناديب=تمطر سحايبها ويرعد رعدها
واللي منول يفتلون الأشانيب=تعقد لهم شهب الليالي عقدها
من عاش بالدنيا يشوف التعاذيب=كم شيخ قوم حطته في نصدها

هلا يا أبو عيد

قصيده جزله من جزل

تقبل تحياتي

بيض الله وجهك يا أبو عيد وصح لسانك

قصيدتك معبرة في معانيها عن ما نعانيه كلنا

وأنت الرجل الخبير راعي التجارب في هذي الدنيا

وصحيح يا عمي نعيش ونشوف ونتعلم

ويا كثر ما تعلمنا ويا كثر بعد ما نجهل

لكن الله يزينها ويزيل ما في النفوس من تعب

صح لسانك اخوي ابو عيد
قصيده رائعه وجميله جدا
يعطيك العافيه .

أول ليالينا ضحـوك وتعاجيـب + وتالـي ليالينـا كثيـر نكـدهـا
ياما على الغالي نشق الأساليـب +مشاكـل الدنيـا طويـل مددهـا
أخذت في الدنيا دروس وتجاريب +تبني مبانيهـا وتطـرح عمدهـا

اسلوب وتعابير ومعاني

جزل يابو عيد والقصيدة جزلة

كفاك الله شرها وكفانا

صح لسانك يابو عيد وبيض الله وجهك

لاهنت يابو عيد ... صح لسانك ..
معودنا على الجزل طال عمرك ..

بيض الله وجهك يا أبو عيد وصح لسانك

صح لسانك يابو عيد على القصيده

الجميله لاهنت يالنشمي والله يعافيك

بيض الله وجهك يا ابو عيد

ويستاهل ابو غايب ان تسند اليه قصائدك

ننتظر رد ابو غايب بفارغ الصبر