مداهيل الحرف

ياحي مدهالك وياحي طاريك=وياحي حرفٍ تبدعه يابن زايد
اسال عسى المولى بلطفه يعافيك=ياللي تجيب امن الجزال الشرايد
فيصل ولد زايد ولاحدٍ بناسيك=من بعد شعرك مانريد القصايد
انت الوحيد اللي تنومس مباديك=ولا البقيه علمهم صار كايد
الشعر والاوزان والجزل تدعيك=وانته لها يالقرم مبدع ورايد
ياصاحبي نفخر بحضرة معاليك=نسل الشيوخ امتعبين الشدايد
علمك ينومس كل من يستمع فيك=ياشوق من لبست حزام وقلايد
حطيت لك في صفحة المجد توبيك=وانته من اللي جودهم دوم سايد
يافيصل الجزلات دايم تباريك=تنصاك يافيصل بسلم وعوايد
شاعر بني شداد مافيه تشكيك=واللي مكذب يستمع للفرايد
شعرٍ جزيل وفيه حرفه وتكتيك=ماهوب شعر المهزله فالجرايد
قلبي يابو زايد يعزك ويغليك=والحب والتقدير بالحيل زايد
يافيصل اسمع وش يقوله محاكيك=عيد الشعر لجزال الافكار صايد

.
.
عيد الشدادي

ياحي مدهالك وياحي طاريك=وياحي حرفٍ تبدعه يابن زايد
اسال عسى المولى بلطفه يعافيك=ياللي تجيب امن الجزال الشرايد
فيصل ولد زايد ولاحدٍ بناسيك=من بعد شعرك مانريد القصايد
انت الوحيد اللي تنومس مباديك=ولا البقيه علمهم صار كايد
الشعر والاوزان والجزل تدعيك=وانته لها يالقرم مبدع ورايد
ياصاحبي نفخر بحضرة معاليك=نسل الشيوخ امتعبين الشدايد
علمك ينومس كل من يستمع فيك=ياشوق من لبست حزام وقلايد
حطيت لك في صفحة المجد توبيك=وانته من اللي جودهم دوم سايد
يافيصل الجزلات دايم تباريك=تنصاك يافيصل بسلم وعوايد
شاعر بني شداد مافيه تشكيك=واللي مكذب يستمع للفرايد
شعرٍ جزيل وفيه حرفه وتكتيك=ماهوب شعر المهزله فالجرايد
قلبي يابو زايد يعزك ويغليك=والحب والتقدير بالحيل زايد
يافيصل اسمع وش يقوله محاكيك=عيد الشعر لجزال الافكار صايد

.
.
عيد الشدادي




صح لسانك يابو عبيد وبيض الله وجهك

والله لا يهينك ويبارك فيك يا سنايدي

وأنت وشعار الشدادين الله يعطيكم العافية كافيني من جهة الشعر

وأنا أعتبر نفسي متوسط بين شعراء الشدادين الافذاذ

وهذي أبيات بسيطة رداً على قصيدتك واعذرني على القصور

،

،

يا عيد ما خليت لي شي واجاريك = ولاني بحولك يا وسيع البنايد
أنت الذي بالشعر محد ٍ يناحيك = وبالجزل وقت مشمرخات السنايد
تآمر على الجزلات وتقول لبيك = ولا قد عصاك القاف يا ابا العوايد
وعسى خبول الشعر تفدا مواطيك = اللي غدوا للشعر ذنب ونكايد
غاروا على الساحة سوات الصعاليك =وشبوا على موروث اهلنا الوقايد
ياليتهم لدوا النظر في قوافيك = وتعلموا وشلون نظم الفرايد
يا عيد يا جعلي مع الناس ما ابكيك = والله يديمك للشعر دوم قايد
وأسلم سلمت من الغثاء والتهاليك = ولاني بحولك يا وسيع البنايد

يا محمد أصبر لا بدا لك عقايب= وذي سنة الدنيا تقلب تقلاب
سج الركاب وعد روس الرقايب= وخلك صبور ولا تراخا للاصعاب
وأنا حزامك في نهار الطلايب= وعقّب صبي ٍ عن بني عمه يغاب
لو ان بقعاء سمها دوم رايب= وإلها على غبن الرياجيل هنداب
يقطعك يا دنيا الشقاء والمصايب=غدارة ٍ تلعب بعكفان الاشناب
عينت ابن ضيغم مقدي النجايب= والزير عينته وابو زيد وذياب
طوتهم الأيام تحت النصايب= ما كن فيها جالهم فعل واسباب
ولا أحد ٍ على الدنيا مريح ٍ وطايب=والرابح اللي للولي تاب وآناب

خلك على كسب العلا صيرماني= والطايله ما تستوي لرعيب
اقدم ترى الذلات ما تدفع القدر= واللي كتبه الله لزوم ايصيب

قلبي يحب الطيبين اجمعيني=لو هم من الصيعر وبلدان الاجناب
وألا الردي يا مال قطع الوتيني= حتيش لو إنه من الربع الاقراب

المراجل ما تهيا بالتمني والحكايا= كود من جرب وذاق الحاليه والحنظليله

أنا ليا غنيت ماني بهايب=امسند ٍ راسي على الاد شداد
ولا أقول غير الحق والحق صايب= واصون قافي عن مزرّي ونقاد

مملكة عامره بالابداع والتميز ان شاء الله
تسعدنامتابعتك أخوي
ولاهنت

فيصل
بيض الله وجهك شاعر وفارس
وجعلت هذا المتصفح يلتم بكل القصائد الجزلة
من شخصكم الكريم وهذا ليس مستغرب منك
انت اهله والعلوم سوى في القصيد او
السوالف نستفيد منها ويستفيد غيرنا
واصل مشوارك ياابن مهرس
يشهد الله سررت بماشاهدت وتابعت
وفقك الله

سلمت اناملك التي خطت هذه الحروف ....ننتظر منك الكثير من الابداعات في مجالات الشعر الاخرى..