إِحباط هَالوُقتْ يِملىَّ ليْ عَناوُينيْ !!

.

إحباط هالوقت يملى لي عناويني=وانا اتلفت واشوف الياس قدامي ،،
إي والله إني تعبت وضاقت سنيني=وفـ أول نهاية طريقي ضاعت أقدامي
مليت يا واقعٍ ما عدت تعنيني=حتى ولا عاد تعني شي أحلامي ،،
كم مد قلبي قبل لا أمد بيديني=وعضيت قلبي قبل لا أعضه ابهامي
وكم كان رشدي على غيي يوديني=يوهمني إن الكثير من العطا : سامي ،،
وكم قلت بكره تهون .. وهانت بعيني=أيام عمري .. إذا هي فعلاً أيامي
مرات أحس. إني أكره كل ما فيني=لا شفت ما حولي الا باقي حطامي ،،
مدري من اللي بصدري كان يرميني=بس الأكيد إنها تحديداً سهامي
كم شلت في خاطري جرحٍ يسليني=كم طاح من عيني أصدق دمع وأعوامي ،،
أفنيتني ما دريت إني بــ أغنيني=للضيقة اللي تقول لفرحتي : نامي
أحاول أكتب جروحي قبل تمحيني=والحبر : دمي بعد ما جفت أقلامي ،،
أفكر إني أسافر بي واخليني=أبعد عن الناس واتوحد مع آلامي
يا ما أكذب الناس .. يا ما أصدق عناويني=طعناتهم تنقلب ضحكات قدامي

لِـ/ شَاعرهَا . . زايِد الروُيسْ

صح لسان من قالها وتسلمين يابعدي عَ النقل المتميز كعادتك

كلَ الشكر لكِ سارونة

		المشاركة الأصلية بواسطة : زهرة الكرز اقتباس
	صح لسان من قالها وتسلمين يابعدي عَ النقل المتميز كعادتك كلَ الشكر لكِ سارونة

هَلا وَ غلا زهرتنَا . . يسلَّمْ قلبكِْ وَ روُحكْ الشُكر لتواصلكِ
وَ حضوُركِ لا عدمتكِ يَ وُرد

صح لسان الشاعر
وانتقاء رائع ي ساره
تسلم يداك ويسلم ذوقك

أفكر إني أسافر بي واخليني
.... أبعد عن الناس واتوحد مع آلامي
يا ما أكذب الناس .. يا ما أصدق عناويني
.... طعناتهم تنقلب ضحكات قدامي
×
×
الله عليك ياسارتنا
قصيدة أكثر من رائعة
سلمتِ حبيبتي والله يعطيكِ العافية : )

صح لسان قايلها ولاهنت ي الغالية ع النقل المميز

..

ياسارة الغيد
قصيده جزله
ولكن
(كن جميلا ترى الوجود جميلا)
(والدنيا قدامك وليست خلفك)
(ارجو ان ارى منك قصيده يملاها التفائل والامل)
(لاهنتي يابنت الاجواد)
((تحياتي))

يا هلا والله بمشرفتنا
سارة الغيد
واختيارك العذب الجميل لهذه القصيدة الرائعة
طبت وطاب ذوقك وشكراً لك

قصيدة أكثر من رائعة 
تسلمين ي سارة

نص بمفردة مخملية الانتقاء
رغم كل الاحباط والالم واليأس الا
ان مسائى كان ممتعا برفقة هذا المتصفح
سارة ومساءك كله خير وراحة