للذي يبحث عن وظيفة أو دخل ثاني

بالنسبة للحديد وجمعه فقد أصبح أكثر الشباب حتى في الهجر
والقرى يجمعونه ويبيعونه
وفي المدن أيضاء قبل عدة أيام كنت أنظر مع النافذة وحضر
شخص سعودي على سيارة نقل ونزل معه كرسي ومخطاف
حمل بها عدداً من علب البيبسي وبعض قطع الحديد
وبعد عشر دقائق حضر أخر وبنفس الطريقة ولكنه لم يجد شيء
وهو واقف حضر عمال وأخذوا في جمع الكراتين وحملوها في سيارتهم

:::

شكراً بتال

		المشاركة الأصلية بواسطة : بتــــــال اقتباس
	التجارة في نظرهم شطارة

وفي عيوننا يازين الخفارة

		المشاركة الأصلية بواسطة : بتــــــال اقتباس
	الأجانب لايحتقرون أي عمل مادام يدخل لهم مكسب وأرباح :

ونحن نقول أن هذا هو الصح ولكن ....؟

		المشاركة الأصلية بواسطة : بتــــــال اقتباس
	* / الذين يجمعون الحديد أي نوع , حتى البراميل الفاضية والمطعوجة , حتى الشينكوات التي ترمى في نفايات ومحرقة البلدية .. المطلوب فقط سيارة دنه + نفس طويل .. أحد الوافدين مكسبه يوميا لا يقل عن 300 ريال .. بعدين الحديد ياخذه مجانا من الشوارع ومحارق البلديات ويباع والسوق زين جدا وغير مكلف .. * / عمال بلديات لا يدعون علب البيبسي والسفن وغيرها يجمعونها في خياش شعير حتى تكون حمولة سيارة دنه .. وكذلك الجرايد والكراتين الممزقة والاقمشة الممزقة ثم يبيعوها وتدخل لهم مكسب لا باس به وما خسروا من جيوبهم شيء بل يجدون من يساعدهم ,, الله يرزقهم .. جد ونشاط ..

وأنا أعرف واحد الله يستر عليه يجمع الحديد والكراتين وأكثر من ذلك بل يعبي الوايت الصغير اللي مصدي من كل جهه من أقرب بزبوز في المطار وينتظر تعبئته 12 ساعة وهو جالس بالعمل في أحد البوابات وإذا إنتهاء الإستلام راح لحي بريمان أو السامر وباع الوايت بـ 60 أو 70 ريال وهو وش بيخسر إذا باع بـ20 ريال المهم لو تدري كم في رصيده راح تقول قم بس قم هههه
هذا الرجل يملك في رصيده أكثر من 20 مليون ريال هذا الرصيد قبل ثلاث سنوات وكل من يسكن حي بريمان يعرفه ويمكن متقسط سيارة من هالعسكري ....
ولكن هالإنسان مبتلى بالطمع وأمور الله يعافيه منها ويغفر له ولنا
..............................................
المهم تبيني أروح ألقط علب ببسي من البراميل وأنقز من حاويه إلى حاويه مثل جاكي شان وأقعد أناحر الحجات والبنقاله ....أبشر ولايهمك ؟؟؟
أنا معك في شراء الخرده بالجمله من حبايب الشعب (البقاليه) وبيعها على شركات إعادة التصنيع ..لكن المناقز من حاويه إلى حاويه ...فهاذي الله لايحدنا عليها ...
وبعدين تعال من وين أجيب لي ددسن وأقل واحد بخمسة آلاف ريال ...لاتقول سهله إذا تبغانا نعتمد على أنفسنا ..فيه حل وهو
أنك تتسلف أو تقسط هالخمسة آلاف على دفعات ومن 500 ريال كل شهر هذا إذا لقيت واحد يسلف أو يقسط عليك كرتون تايد ..
ياحبيبي البنقالي يسوي عمايله هذا بسيارة الكفيل اللي نايم عند مرتوه أو حرمته أوبسيارة المؤسسة أو الشركة أو حتى سيارة الحكومة وهذا يدل على أن البنقاليه يشتغلون في الحكومة ههههه
بسيطه يجي البنقالي بواسطة أخوه أو ولد عمه النشمي واللي ماأخذ من ولد عمه أي شي بس 10 آلاف ريال عمولة تشغيله في مطار الملك عبدالعزيز الدولي في جده واللي تشتغل فيه كناس وتحصل على سيارة (تي بوي )والتي تعني (قهوجي) بس البنقاله من البطره ماعاد يقول أنا قهوجي يقول أنا تي بوي عند مستر ....
وهو مره كويس يعطيني سياره وبنزين بلاش وبيت في سكن حق مطار وكولوا مزبوط بس مدام في بنقلاديش إنشاء يجي واحد شهر أنا كلم مدير هو سوي واسطه يجي مدام .....
ومنها يشتغل حتى لو تبي كداد خطوط أو تاكسي وتوصيل مشاوير لأي كائن حي لأي مكان في السعودية ....سعودي مخ خربان ..هتا تراب في فايده ....
المهم أن الشب الوسيم وسيم لو صحي من النوم والشاكوش شاكوش لو غسل وشو كل يوم ...

		المشاركة الأصلية بواسطة : بتــــــال اقتباس
	* / في أسواق الخضرة الكرتون الفاضي الصغير بريالين والكبير بخمسة وكلها مجمعة من عند المحلات ,, أكلف ما عليه يروح في الددسن أو الدنه للمحلات والسوبر ماركات أو براميل البلدية ويجمع من هذ الكراتين ,, هذا كرتون موية , وذا كرتون حفايظ أو شنبوات أو مطهرات أو كراتين حليب مجفف .. المهم يجمع له كم كرتون ويجلس عند سوق الخضار ورزقه يجي له .. والرازق في السماء والحاسد في الارض ..

في سوق الخضار صاحب المحل (بنقالي) واللي يبيع سعودي
والله العظيم وإذا تبي تشوف الشي هذا بنفسك تآمر أمر تعال
وشوف ....(صلعت حمزه تكوي الأهلي ).....
وتبيني أبيع كراتين .....ثاني يوم وأنت مديون حق ترضيه خمسه أو سته آلاف بسبب بنقالي ينقز في حلقك ويخليك تضارب وأنت
من أبرد الناس وأوسعهم بالاً ...وإذا عدت الأمور تمام خسران خسران لأن جارك البنقالي يكسب نص ريال تكفيه وتغنيه ولكن أنت مكسب ريالين مايسد جوعك ليوم واحد غير قيمة البضاعة الفاسده خخخخخخخخ...ويانار شبي من ضلعي حطبكي ..

		المشاركة الأصلية بواسطة : بتــــــال اقتباس
	* / نفايات الاسلاك والكيابل واستخلاص النحاس منها فيه رزق ,, لكن سمعنا بظاهرة سرق الكيابل من البيوت الجديدة والمحلات .. وهذا كسب محرم لا نريده ..

أنت وينك أدور لك يازين ...ذهب ذهب آلاف مؤلفه ياشيخ تعيش كنق King .....
كيابل شيئ جنان وآخر التضحيات وصرخات السرقه للكيابل عندي ...قبل أسبوعين وفي أحد الليالي الملاح في جده عروس السرقات ..وكلكم تعرفون مشروع تطوير مطار جده الدولي
والتطوير يبغاله هدم المباني القديمه والحفر لتأسيس الصالات الجديدة وتحت الصالات وبعد الهدم وش يطلع لنا ؟؟؟
أكيد ماراح يطلع لنا فول وتميس ...خخخخ
كيابل عريضه ووزنها بالآلاف ويمكن تصل لمئات الآلاف إذا سرقت أكبر كمية ممكنه وعلى برى يا باشا وتبني أحلامك هناك..
المهم أن في أحد الليالي السوداء لأثنين من الحبيايب (البقاليه الأكارم) مستأجرين جمس موديل 2007 اللون أسود ومغسلينه أحلى تغسيل وتلميع حتى أنك ممكن تضبط شماغك إذا ناظرته ...ماشاء الله تبارك الله ..
طبعاً بنقالي مستأجر جمس بحوالي ألف أو أكثر مش معقول يازلمه
المهم أنهم سارقين هالكيابل اللي يوصي بها الدكتور ثلاث مرات باليوم وحاطينها بآخر كرسي بالجمس وطبعا الجمس مافيه أحد جالس خلف السائق يعني مثل الجمس الحوض وطالعين به من المطار وأنكشفوا أخيراً ..كيف ..وش دراني ..
وجابوهم لشرطة المطار وأنا شفتهم بعيني وكان ودي أن موضوعك في وقتها كان أجيب لك الصورة ...وبعدها بيوم طلع وراهم 18 بنقالي ...وياحبني لك دون كل المخاليق

		المشاركة الأصلية بواسطة : بتــــــال اقتباس
	* / أشوف بعض العمال الوافدين بدأوا يدخلون معارض السيارات والنقل الثقيل ويشترون ويبيعون بمكاسب لا بأس بها مثل سيارات قديمة أو حراثات ويحاولون تصديرها لبلدانهم , ويذكرون فيها مكاسب مغرية .. * / بعض الوافدين والذين يعملون في حراجات المزاد شرق الرياض وغيره يحجز عدة سيارات في المعرض ويوقفون المزاد ثم يأتي المواطن فيجد المزاد متوقف , فيقول الوافد ( وهو بالطبع موظف عند صاحب المزاد ) فيقول اختر اللي تبي وانا ابيعك اياها ,, فعندما تقع رغبتك على سيارة يقول راعيها حادها بمثلا 19000 ريال والنقل والتأمين 800 ريال وعمولة المكتب 1000 ريال . وعند الكتابه ياخذ منك ألف ريال ويضعها في الدرج وياخذ منك 19800 قيمة السيارة والنقل والتأمين .. ولا يسجل في الايصال إلا مبلغ 19000 ريال فقط .. ليه ؟؟ يقول عمولتنا والتأمين ما تسجل في الوصل .. وافهموها !! يعني الألف في جيب الوافد , والسيارة ملك المعرض له 19000 ألف .. والسؤال هل صاحب المزاد يعلم ؟ أو اخدمني وسو اللي تبي ؟؟ الله المستعان في هذ الحالة المتضرر المواطن فقط ..

صاحب المزاد هو هالبقالي ....وياقلب لاتحزن
وأقول شي بس ما تعلم ...أكبر هامور للرخام في جده بنقالي .. أسأل عنه وخلك من كلام الشركات ..وأبشرك صار مستثمر وليس عامل ....والله أعلم يمكن صح يمكن خطأ بقول قائل ..

		المشاركة الأصلية بواسطة : بتــــــال اقتباس
	* / بطاريات السيارات التالفة تباع الواحدة منها بعشرة ريالات ,, والجميع يرمونها في الزبالة وغيرنا يجمعونها .. * / علب الحبر حبر الطابعة نرميه وغيرنا يشترها العلبه بخمسة ريالات ويقوم بتعبئتها بعشرة ريالات تقريبا ويبعها علينا بثلاثين ريال .. الله يرزقهم . * / يا زين مشروع التمر خذ ( من أو منين أو أكثر فله ) من القصيم أو الاحساء ونظفها وعطها مكبس راعيه ثقة لا يسرقها ويعطيك بداله شين .. ثم وزعها على من تعرف من أصحاب المحلات وحط عليها استيكر تمر أو فلان ورقم جوالك وإذا جاز للمشتري سوف يتصل بك ويحجز للسنة الجاية وتكون كونت لك زباين .. * / سوق الغنم مهوب شين المضاربة فيها أحسن من الاسهم اشتر بنقص خمسين ريال وبع بمكسب خمسين ريال ويارب لك الحمد ,, تبي واحد يقوم مبكر ويعرف الاسنان والدفيع والحيل والمتابيع .. واللي يقتنص التيوس بسعر رخيص ويبيع على اهل المطاعم ومطابخ المندي يبشر بمكاسب خيالية ... * / احذر تربي جمال واسأل مجرب تاكل ولا منها مكاسب حاشي في السنه تبيعه بعد سنه بالف وخمسمية وغلى امه ماكله خلال سنه الحمال وسنة الرضاع عشرة أضعاف قيمة الحاشي .. وبصراحة اللي يربون الجمال يربونها هوايه فقط مولعين فيها وغلا خسارة في خسارة ..

مازلنا في التلقيط ......
المهم موب شين التمر وبيعه ولاالغنم ماهي بشينه...

		المشاركة الأصلية بواسطة : بتــــــال اقتباس
	* / لو كان معك ددسن حوض وجلست في سوق خضار لتوصيل مقاضي المشترين لوجدت فيها خير كثير.. قولوا ما شاء الله ( واحد يقول بلسانه وأنا اسمع .. دخلت قيمة سيارتي النيسان ابوغمارتين ثلاث مرات ما شاء الله ) المطلوب : قم مبكر + خلك وسيع بال .. وابشر بالخير .. * / إشتر فان هونداي تسعة ركاب أو 14 راكب ..واتفق مع 6 مدرسات أو أكثر نقل داخل الرياض بـ500ريال لكل واحدة في الشهر .. أو إلى مدارس خارج المدينة بـ 1000ريال واحمد ربك على النعمة .. المطلوب : ملصق فيه كنيتك أبوفلان + رقم جوالك + فان بالتقسيط + نوم مبكر واستيقاظ مبكر علشان ما تنعس في الطريق وتقضي على حياتهن .. والله يرزقك ويستر عليك ..

ماهي بشينه .........
ولكن البنقالي مايركب معك لو تلحس السماء ....
روه سعودي همار ...حقيقة ..وأنا مجرب ..وياقلب لاتحزن
مالنا إلا المجاراه في الأسعار والمجاراه في الكلام ولازم تطلع خشمك برى السياره عشان تشم هواء نقي وإلا حتى هواء محرقه ..أرحم من رائحة فمه الزكيه والمُطعمه بالتنبول اللي لونه أحمر ..رح شف أقرب حارس عماره وناظر اللون الأحمر اللي يغطي فمه الجميل ..
أو روح لأقرب ...المهم أقرب بنقالي وتغنى بجمال حركات فمه حينما يعلج ويجتر التنبول بكل ثقه وكبرياء ويلوح بيديه الكريمه ويقول للحاضرين (صديق غسل سياره )
ههههههههههههههههههههههههههه

		المشاركة الأصلية بواسطة : بتــــــال اقتباس
	* / لماذا المجازر الملاحم في يد الوافدين .. مهوب عيب ..؟!!! * / لماذا لا نجد خبازا سعوديا .. مهوب عيب ..؟!!! * / لما لا نجد حلاق سعودي .. مع ان السوق زين ..؟!!! * / الخياطين ليه اجانب ولا نجد سعوديين ..؟!! لماذ نعيب على من يقوم بها من السعوديين؟ مع أننا نجد من السعوديين حمانا الله واياكم من يتاجر بالمحرمات مخدرات - دخان - مجلات تحمل صور عارية - محلات فيديو تروج مسلسلات فاسدة - محلات ستريو غناء ورقص محرم - وغيرها ...... اللهم اكفنا بحلالك عن حرامك وبفضلك عمن سواك التواصي بالخير مطلوب والنصيحة لكل مسلم جمعنا الله وياكم في مستقر رحمته .. اخوكم في الله بتــــال

أفلقني إذا شفت أحد بالمحلات هاذي <<هذا زمان
وأبشرك موجودين كلهم ...
حلاقين ..خبازين ...
لكن جزار وخياط ماشفت إلا والله فيه خياط ضيعت أسمه ومايقولون خياط يقولون (مصمم ) أزياء والظاهر أنه هو اللي صمم أزياء حفل الجنادرية العام اللي فات أو اللي قبله ...
والليموزين كان عيب والآن الكل يفخر أنه يعمل في ليموزين والجوع يخلي الواحد يشتغل ويقول (الناس بتأكلني عيش ) ...
والله يوفقنا وإياكم لما يحبه ويرضاه

أخي ناصر
أسعدني مرورك
شكراً

[QUOTE]

		المشاركة الأصلية بواسطة : نواف الشدادي اقتباس
	وفي عيوننا يازين الخفارة

الخفارة طولت و النوم جاني
والعريف المستلم طبق عليه
هههههههههههههههههه
والله أخوي نواف ان الخفارة أحسن مليون مرة من الطيحه بدون عمل

		المشاركة الأصلية بواسطة : اقتباس
	المهم تبيني أروح ألقط علب ببسي من البراميل وأنقز من حاويه إلى حاويه مثل جاكي شان وأقعد أناحر الحجات والبنقاله ....أبشر ولايهمك ؟؟؟

مجار عليك يا ابن عمي
إن شاء الله ما نوصل لهذه المرحله
تامر على الرقبة يا بنيوسي

		المشاركة الأصلية بواسطة : اقتباس
	وبعدين تعال من وين أجيب لي ددسن وأقل واحد بخمسة آلاف ريال ...لاتقول سهله إذا تبغانا نعتمد على أنفسنا ..فيه حل وهو أنك تتسلف أو تقسط هالخمسة آلاف على دفعات ومن 500 ريال كل شهر هذا إذا لقيت واحد يسلف أو يقسط عليك كرتون تايد ..

يا نواف ولد عمنا عنده معرض بعد القاع في اليمين تراه يقصد سيارات ودبابات
وما يقصر إن شاء الله
دعايه للمعرض
ههههههههههههه

		المشاركة الأصلية بواسطة : اقتباس
	بسيطه يجي البنقالي بواسطة أخوه أو ولد عمه النشمي واللي ماأخذ من ولد عمه أي شي بس 10 آلاف ريال عمولة تشغيله في مطار الملك عبدالعزيز الدولي في جده واللي تشتغل فيه كناس وتحصل على سيارة (تي بوي )والتي تعني (قهوجي) بس البنقاله من البطره ماعاد يقول أنا قهوجي يقول أنا تي بوي عند مستر .... وهو مره كويس يعطيني سياره وبنزين بلاش وبيت في سكن حق مطار وكولوا مزبوط بس مدام في بنقلاديش إنشاء يجي واحد شهر أنا كلم مدير هو سوي واسطه يجي مدام .....

يا رجال الله يفكنا من البنقاليه إللي شاغلينك
هههههههههههه

		المشاركة الأصلية بواسطة : اقتباس
	ومنها يشتغل حتى لو تبي كداد خطوط أو تاكسي وتوصيل مشاوير لأي كائن حي لأي مكان في السعودية ....سعودي مخ خربان ..هتا تراب في فايده ....

طيب يا نواف الخطوط فيها رزق
تحمل من الطايف للرياض الراكب ب( 120)
و 5*120=500
وتاخذ لفه على العليا
# والله إنها ترد الروح #
وتريح و اليوم الثاني تحمل من الرياض لجدة
لأنه على ما اعتقد عملك بجده
طبعا الراكب ب(150)
5*150=750
يعني في يومين تطلع
500+750=1250
طلع منها 200 ريال للبنزين
50ريال طوارئ
ههههههههههههههههه
يصفا معك 1000 ريال في يومين مهيب احسن من الجلسه بدون عمل
ترى محاكيك كان راعي خطوط
هههههههههههههههه :drive1:

[

		المشاركة الأصلية بواسطة : اقتباس
	FONT=Comic Sans MS]في سوق الخضار صاحب المحل (بنقالي) واللي يبيع سعودي [/FONT] والله العظيم وإذا تبي تشوف الشي هذا بنفسك تآمر أمر تعال

أنا أعرف واحد طلع كامري آخر موديل بعد سنه من العمل بالحلقة

		المشاركة الأصلية بواسطة : اقتباس
	كيابل شيئ جنان وآخر التضحيات وصرخات السرقه للكيابل عندي ...قبل أسبوعين وفي أحد الليالي الملاح في جده عروس السرقات ..وكلكم تعرفون مشروع تطوير مطار جده الدولي الله يغنينا بحلاله عن حرامه أجمعين والتطوير يبغاله هدم المباني القديمه والحفر لتأسيس الصالات الجديدة وتحت الصالات وبعد الهدم وش يطلع لنا ؟؟؟ حلاقين ..خبازين ... لكن جزار وخياط ماشفت إلا والله فيه خياط ضيعت أسمه ومايقولون خياط يقولون (مصمم ) أزياء والظاهر أنه هو اللي صمم أزياء حفل الجنادرية العام اللي فات أو اللي قبله ...

روح بنده وتحصل شباب سعودي يشتغل خباز و غيرها......
بصراحه أخوي نواف أسعدني مرورك أنت وجميع الأخوان و الأخوات
تحيــــــــــاتي
بتـــــــال