بدون خاطر

السلام عليكم .

اعذروني بنزل بحور القوافي

بعد ما ماتت كتبتة اخر قصيدة

مصدوم ولاني متوقع الي صار
لكن عسى رب المخاليق يرحمها

ماتت بنت فهاد . بعد ان سجنت في قصر حاكمهم هفروت

وتم حرقها بشمع كم عرفت

وها انا اطرح اخر كلمات التي خطيتها من خاطري وليست من الهواجيس
التي كانت تشغل بالي ... خلاص ماتت ماتت ماتت بنت فهاد

بدون خاطر

هذي قصيدة نادرة بالمعاني=لأن المعاني تنفتح عقبها عيون
كتبتها واحساس قلبي عصاني=والهاجس المطنوخ تايه ومديون
عليه من كثر المعاني دياني=ولا يرتضي الرفدة ولو كان مسجون
مغير اجمع خاطرِ جاك عاني=جالك بنبض الحال تاعب ومحزون
ابيك تعذرني وتعذر زماني=وانا من اول نيتي عندك اكون
وافي ولا ولي نفس اكذب مكاني=ولاني من الي لارحل فكر يخون
لي اربع اعوام اتكاسل اواني=وسوالفي كانت من الغيمة مزون
ومرات اسوي شيخ واركب حصاني=ولا رد غير الغزو طايح ومدفون
واليوم من عقب الزعل والهواني=لقيت وسع البال في كف مزيون
افكر بوصفه ولا ادري شبلاني=احدن يوصف بنت حاكم يقولون
وشفيك وش حدك توجه قصيدك يماني=والشام كل اهل الهوى منه يشكون
قلت الغلا وسط الجزيرة لقاني=اعجاب زايد مع لقافات مجنون
جنه . وخضرة . مع كثار الصواني=وقدامي الشعب المساكين يبكون
طعم الغرام الي ذبحني كفاني=معاد لي بمطارد الحب مكنون
قالت وقلنا وابتعدنا ثواني=كنا نحسب ان الرحيل امره يهون
هذا الغرام الي ذبحها خطاني=ماتت من هموم الهوا قبل تدرون
استغفر الله كل ماقلت كاني=ماينجبر قلب(ن) على قلب مرهــون

القصايد انتهت والشعر راح
والقوافي والوزن لها سيد ترجع له

ملاحظة / استغفر كل ماقلت دائم تقال في ابيات كثيرة
وماينجبر قلب على قلب . هذي الجملة مقتبسة كلمة مرهون من عندي

عازف القـوافيَ

الله يرحم بنت فهاد ويسكنها فسيح جناته

ويعوضك خيرٍ منها

لم تمت من الحب بل ماتت من حرق الشموع يارعد

صح لسانك

الله يرحمها ولو اني ماعرفتها بس الظاهر انها شي
غالي ع قلبك
معوض خيير

هههههههههه والله لو تركت المدخل والمخرج
واكتفيت بالقصيدة لكان أفضل
رحم الله موتانا وجميع موتى المسلمين
وألف شكر لك يا رعد الجبوب على هذه
القصيدة الرائعة
وصح لسانك ملايين

الله يرحم بنت فهاد
وانشاله منت مصدوم يا ابو عبدالله
وشكراااا

صح لسانك يا رعد الجبوب
أبدعت لاهنت

صحت ابدانكم

واشكر لكم جميل حظوركم

الله يرحمها ويربط على قلبك يارعد
.................................................. ....

شكرا اعذب احساس

على تعليقك الرائع

تحياتي

صح بدنك وعلا شانك

والله يرحمها ويجبر بخاطرك

شكرا يا رعد