صباح الخير يا بدر

حياك الله يابدر
مما يسعدني اللعب معك

سلام الله على بدر ٍ شلع نوره لنا كشاف= اسوقه من هجوس ٍ مابعد قيمت ماطرها
على شفك وفي صفك لتقييمك بدون إجحاف = حزامك فالملاقا قوة ٍ لابد ذاخرها

يابدر شفتك ظمن المتواجدين
قلت فرصه الليله نلعب معك
طاروق مناوره اختبار قدرات
المعلم امام تلميذه المتربص
هههههه

ارحب ياتركي دوبي ادش المنتدى وشوف موضوعك بعد قراءة رسالتك


عطني دقيقتين وياتيك الرد

		المشاركة الأصلية بواسطة : تركي الشدادي اقتباس
	حياك الله يابدر مما يسعدني اللعب معك سلام الله على بدر ٍ شلع نوره لنا كشاف= اسوقه من هجوس ٍ مابعد قيمت ماطرها على شفك وفي صفك لتقييمك بدون إجحاف = حزامك فالملاقا قوة ٍ لابد ذاخرها

هلا يامرحبا ترحيبةََ منها تروح انصاف=تشيلك للسماء وتنزلك في جوف قافرها
على روس الملا شاعر واعز الصف والميقاف=ولاني بحاجتك والملعبه تظهر نوادرها

صَباحُ مُشرِقْ بِ وَهج شمسُ سَاطِعة جِداً
وَ لهيبُ قافيةٍ مَرسوُمةٍ بإتزانٍ وَ جمالْ

تُركي الشداديْ
عدوُ المناقيد بَدر

صّحت الألسنة وَ طابتْ القوافي
واصِلوُا وَ نحنُ هُنا مُتابعين .

حيّيكم و حيّ يومكم

وآصلوا .. و متابعين لكم أكيد

يا هلا والله وألف مرحبا بشاعرنا الكبير
أبو سلمان
والله يحييك اليوم ودوم
والله يحيي شاعرنا العزيز بدر

ومما يسعدنا كثيراً عودة المحاورات للمنتدى من جديد
وأنتم خير رجال يقومون باعادتها وفقكم الله

صحت السنتكم
وبانتظاركم دائماً

		المشاركة الأصلية بواسطة : بـدر الشدادين اقتباس
	هلا يامرحبا ترحيبةََ منها تروح انصاف=تشيلك للسماء وتنزلك في جوف قافرها على روس الملا شاعر واعز الصف والميقاف=ولاني بحاجتك والملعبه تظهر نوادرها

يدوم لك البقا والبحر ماينقص منه مغراف = كريم ٍ بالعطايا مايحسب وش خسايرها
يابحر العنكبوتيه بدا الرجال منك يخاف= مايامن غدر درع الجنب لو غاص بصرايرها

		المشاركة الأصلية بواسطة : علي القحطاني اقتباس
	حيّيكم و حيّ يومكم وآصلوا .. و متابعين لكم أكيد

هلا وغلا ياعلي
شرف لنا متابعتك

		المشاركة الأصلية بواسطة : ! سارة الغيد ! اقتباس
	صَباحُ مُشرِقْ بِ وَهج شمسُ سَاطِعة جِداً وَ لهيبُ قافيةٍ مَرسوُمةٍ بإتزانٍ وَ جمالْ تُركي الشداديْ عدوُ المناقيد بَدر صّحت الألسنة وَ طابتْ القوافي واصِلوُا وَ نحنُ هُنا مُتابعين .

مراحب سارة الغيد
صح بدنك

		المشاركة الأصلية بواسطة : السلطان اقتباس
	يا هلا والله وألف مرحبا بشاعرنا الكبير أبو سلمان والله يحييك اليوم ودوم والله يحيي شاعرنا العزيز بدر ومما يسعدنا كثيراً عودة المحاورات للمنتدى من جديد وأنتم خير رجال يقومون باعادتها وفقكم الله صحت السنتكم وبانتظاركم دائماً

البقا يابو عبدالله
الله يسعد ايامك
ويخارجنا من بدر