آخر 10 مشاركات |
مختارات | اصبِرْ لكُلِ مُصيِبةٍ وتَجَلَّدْ، واعْلَمْ بأنَّ الدَّهْرَ غيرَ مُخَلَّدِ |
|
||||||||||||||||||
تغطي يآبنت قدامك سعودي !!
السلام عليكم ورحمة الله وبركاته اخوتي بناقش معاكم ظاهره متواجده ومنتشره وهي ظاهره يابنت تغطي ... قدامك سعودي عادة العين أصدق من الأذن وهناك العديد من المشاهد التي تلفت الانتباه خاصه حينما نسمع مقولة !! تغطي يابنت هذا سعودي!! لماذا ؟!! الموضوع صريح ويتحدث عن واقع نعايشه بعض من هذه المشاهد : المشهد الأول فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال مثله مثل اللي دخل وتغطي يا بنت سعودي. المشهد الثاني إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت المشهد الثالث بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وتغطي يا بنت سعودي. المشهد الرابع مجموعه من الفتيات في أحد المجمعات أو في أي مكان ودهم يسألون عن شي صادفوا شخص لابس جينز وقميص لو سمحت يرد سمي آوه آآآآسفين وتغطي يابنت هذا سعودي < طلع سعودي. المشهد الخامس بخارج المملكه تنزع الحجاب وتحرر في لبسها ولكن عندما تعود تلبس حجابها وتستر وكأن لها رب في السعوديه ورب خارج السعوديه وهذا قمة التناقض . وغيرها من المشاهد كثير طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث مع أجنبي بعكس أن هي تحدثت مع سعودي !! ولانريد التحدث عما يحصل في سياراة الليموزين (( التاكسي )) لأنها وبكل اسف غنيه عن التعريف وفي الأخير أنا لأأقول أن هذه المشاهد تحصل في مجتمعنا السعودي كله ولكنها تحصل في أغلبه وهناك إضافه مهمه : وهي انه في بعض المحلات خصوصا الماركات يكون اللي يبيع فيها اجنبي سوري او لبناني او مصري لو طلبت منه البنت غرض بيقول كرمال عيونك او على راسي من فوق او من عيوني البنت هنا وش بتسوي اكيد بتسكت او تبتسم طيب تخيلو ان اللي يبيع سعودي وقال من عيوني يالغاليه او انتي تامرين امر اش بتكون ردة فعل البنت ؟؟ منقوووول
|
22 Jun 2011, 09:32 AM | [ 2 ] | ||||||||
عضو متميز
|
رد: تغطي يآبنت قدامك سعودي !!
مــوضوع رائع وانا كثير شفت بعيني العينات ذي تكشف قدام هندي ولا تكشف قدام سعودي يا بنت (ولد البلد اولى من الهندي) مدري وش يحسون فيها الي يسون زي كذا !!! |
||||||||
|
|||||||||
22 Jun 2011, 09:41 AM | [ 3 ] | ||||||||
شاعر
|
رد: تغطي يآبنت قدامك سعودي !!
ابو سعود انت قصتك قصه وش دخل اولى الله يكون بعونكم سعودي اذا سوى شي راح يعلم اما الهندي لا يخاف ويسكت |
||||||||
|
|||||||||
22 Jun 2011, 11:25 AM | [ 4 ] | |||||||
عضو متميز
|
رد: تغطي يآبنت قدامك سعودي !!
المشهد الرابع مجموعه من الفتيات في أحد المجمعات أو في أي مكان ودهم يسألون عن شي صادفوا شخص لابس جينز وقميص لو سمحت يرد سمي آوه آآآآسفين وتغطي يابنت هذا سعودي < طلع سعودي. ههههههههههههههههههه وربي موضوع رااااااااااااااايق حيل خصوصا ذا المشهد عموما الموضوع يرجع للوازع الديني تشكوراتي بنوته |
|||||||
|
||||||||
22 Jun 2011, 11:42 AM | [ 5 ] | ||||||||
مراقب عام
|
رد: تغطي يآبنت قدامك سعودي !!
نعم هذا حال هالزمان السعودي له عينين والأجنبي له نصف عين هذا نظرهن وفكرهن الناضج وان الأجنبي عمره في بطن امه تسعه اسابيع والسعودي له تسعة اشهر وان السعودي كامل عقله وألأجنبي متخلف العقل هذا نظرتهن للاجنبي وان السعودي يخبر الدولة بكل شيء والأجنبي يكتم كل شيء بس يمسك عليها صور ويهددها بها وهذا عندهن بسيط وحسايف من جيل هالزمان الدين قل والعقل خف والنظر طال واللبس قصر وضيق واتضحت كل مفاتن الجسم فمن حق حتى الكلب ان يطمع وينظر بدون تردد لأنها تخلت عن شرعنا الذي يحث على الستر بعيداً عن التبرج لهذا تخلين عن دينهم فتخلى الله عنهن حتى يلقين فضيحتهن فمن يشيل الماء بعد كسر كاسه والعار بعد ان ذاعت اخباره اللهم استرنا حيين وميتين ياحي ياقيوم. |
||||||||
|
|||||||||
22 Jun 2011, 11:48 AM | [ 6 ] | ||||||||
|
رد: تغطي يآبنت قدامك سعودي !!
موضوع رائع جداً الله يعطيــكــ العافيه يــا شداديه والعزليه تحياتي |
||||||||
|
|||||||||
22 Jun 2011, 12:02 PM | [ 7 ] | ||||||||
|
رد: تغطي يآبنت قدامك سعودي !!
بدآيه .. أحب أن آذكر قال الرسول صلى الله عليه وسلم " لافرق بين اعجمي ولاعربي إلا بالتقوى " يعني لا فرق بين السعودي والاجنبي .. صح أن السعوديين أغلبهم مفصولين من الخدمه فيجب على البنت .. أن تآخذ حذرها من السعودي والاجنبي لآن الرجال رجال في الأخير يعني لازم تكون به حدود في كل شي وهذا ماهوب مبرر عشان البنات يكشفون لغير السعودي لأنه هذا حــرآم هذا مالــدي .. وموضوع هام وهادف تشكرين عليه .. حفظك الله |
||||||||
|
|||||||||
22 Jun 2011, 01:43 PM | [ 8 ] | ||||||||||||||||||||||||||||
عضو متميز
|
رد: تغطي يآبنت قدامك سعودي !!
اكشفي قدام ولد ديرتك وش بيضرك فيه يعني يعني الهندي مسوي انه على نياته ويقولك (كلاس مافي مسكل انت اكسف انا مافي علم بابا) ترى والله مهب لـ سواد عيونك يسكت الهندي .. ! وبعدين هي جت على ابو هنود انا بنفسي شفت بعيني البنت تمشي كاشفه لكن لا شافت واحد لابس ثوب وشماغ على طول من غير ابوها او زوجها يقولها تتغطى من حالها فاهمه الوضع وهنا اضع استفهام ؟؟ ليه حنا بنأكلك مثلنا يوم تتغطين قدمنا ؟؟ لي عودة اذا استدعاء الأمر ( فيس وده يكمل بس خايف يأخذ حظر) |
||||||||||||||||||||||||||||
22 Jun 2011, 02:02 PM | [ 9 ] | ||||||||
|
رد: تغطي يآبنت قدامك سعودي !!
مشكوره اختي شداديه على الموضوع القيم والهادف انا والله يثبتني دايم اسافر والحمدلله ما عمري فتشت عباتي ولا غطوتي هناك بس بصراحه اتضايق مره من الاجانب هناك لاني اكون لابسه نقابي او برقعي الرجال لاصق فيني ويناظرني والله ودي اني جالدته بس وش اسوي <<<<<<<<<على بالهم يحسبوني لابسه قناع تنكر ههههههههه وعلى قولة زوجي روعتيهم ههههههههه |
||||||||
|
|||||||||
22 Jun 2011, 02:11 PM | [ 10 ] | ||||||||||||||||||||||||||||||||||||||||||||||||
|
رد: تغطي يآبنت قدامك سعودي !!
ليش التحامل على المرأة السعودية صدقيني اختي شدادية المرأة السعودية الاصيلة المعتزة بدينها واللي تخاف من الله ماتسويها ابدا لان الرجل في كل مكان رجل هندي سندي سعودي ربما هالمشهد يحدث لغير السعوديات او المتجنسات اما السعوديات لا
مش خوفا من الله ولو كانت تخاف من الله في الداخل ستخاف منه في الخارج ولكن الوازع الديني والتربية الاسرية ضعيفة اذكر احد القصص لاحد السعوديات في الخارج تقول راوية القصة صديقة لي كانت معنا سعودية تدرس بالخارج بالتحديد في استراليا فكانت احيانا تغطي واحيانا تكشف وفي يوم خرجت من احد القاعات وهي كاشفة وعندما ارادت الدخول الى الباص تلثمت تقول انه اتى رجل من بعيد وقال لها ساشكوكِ الى محمد فكانت كلمته كالصاعقة الشاهد في الموضوع ان تتقي الله في كل زمان ومكان شكرا لك اختي شدادية |
||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|