>(( بتلا ))<

إلى رفقاء الدرب الاعزاء،
بندر أبن مشحان ومحمد خراص الشدادي...
إلى العزيز عايض عمران...
لأزالت الذكريات.. تطوف في سماء خيالي..ثمان سنوات..وجذوة الشوق حيه..تخبو ولأكن لاتموت!!


" بتلا "

عزي لقلبٍ كزه الهاجس يابوعمران كز=تزوره الذكرى ليا جن الظلام وتفجعه
لامن بغيت أسلى مع السالين وأنسى الشوق فز=وأرتاع مثل اللي تقزيه الحلوم المفزعه
اليا تذكرت الحبيب اللي على نفسي يعز=مفارقه.. عسى الزمان اللي خذاه يرجعه
ساعة مشى في شارع التحرير عن غيرة فرز=يميزه ثقله ولونه والعباة وبرقعه
ومزبور ردفينه و نهدٍ فوق صدره مرتكز=نافر.. ولو ماتربطه تل اللباس وقطعه
يوم التفت لي.. دون غيري.. قلت لابد أنتهز=فرصة أعجابه وأفتنه واهرج معه
قربت منها قلت اكيد الظبي من اهل الملز!=ضحكت وقالت ويل "بتلا" من كلامٍ تسمعه
أنا "قطريه" يابعد عمرٍ لبس لك كل بز=من الحرير وجاك يمشي في سكون وفي دعه
تكفى تروف بروح منهو في غرامك محتجز=شفتك قبل ليلة وقلبي طار من بين أضلعه
القلب جاك أن كان يالنشمي عليك المعتنز!=تعال نبحر في سفين الشوق من دون أشرعه
وقضيت معها أحلى ليال العمر في راحه وعز=أيام مثل الحلم عشناها ومرت مسرعه
شربت كاسات العسل واطعمت حبات الكرز= مابين شطّ النيل والجيزه وسور المزرعه
وآخرعهدها ليلةٍ فالقاهره..أرض المُعِزّ=وهذي ثمان سنين من لحظة وقفت أودعه
هزت كياني وقفته في لحظة التوديع هز=بيديه يسمح دمعتي وبيدي أكفكف أدمعه
وين انت يالعراف تقرا الكف وتعد الخرز=ياليت تخبرني عن الفتان صان العهد والا ضيعه؟

سعود أبن سليمان

صح لسانك اخوي سعود ،،

ابدعت وامتعت القصيد ،،

لا تحرمنا جديدك ،،

صح لسانكـ أخوي سعود

لا هنت يالنشمي على القصيدهـ

		المشاركة الأصلية بواسطة : اقتباس
	وين انت يالعراف تقـرا الكـف وتعـد الخـرز=

ممكن تعطيني عنوان عرافك ولا عليك أمر

صح لسانك ملايين يابو سليمان

مبدع ومدهش كالعاده

اقول انت فعلاً رائـــــــــــــــــــــــــــــــــــــــــــــــ ــــــــــــــــع

تحياتي

		المشاركة الأصلية بواسطة : ابوراكان اقتباس
	ممكن تعطيني عنوان عرافك ولا عليك أمر صح لسانك ملايين يابو سليمان مبدع ومدهش كالعاده اقول انت فعلاً رائـــــــــــــــــــــــــــــــــــــــــــــــ ــــــــــــــــع تحياتي

أه يابوراكان أه...ليته يصدق معي مره وأعطيك عنوانه!!!

صحت أبدانك ... وجودك أروع!!!

		المشاركة الأصلية بواسطة : سيف الشدادين اقتباس
	صح لسانكـ أخوي سعود لا هنت يالنشمي على القصيدهـ

سيف الشدادين..
صحت أبدنك..وياهلا!!!

		المشاركة الأصلية بواسطة : #شموخ# اقتباس
	صح لسانك اخوي سعود ،، ابدعت وامتعت القصيد ،، لا تحرمنا جديدك ،،

#شموخ#
صحت أبدانك ومشكورة على المرور!!

سعود
الله يكون بعونك وانا اخوك
صح لسااانك لا كلام على القصيده

ما شفت ذكرأبن مشحان إلا حن القلب للذكريات القديمة يا أبو طارق

هذا الرجل من الرجال القلائل الذين يستحقون كلمة رجل بلا أدنى شك

له من التقدير في قلبي ما لا يكون لأحد غيره .

إن شاء الله أقدر أخليه يسجل معنا في المنتدى رغم إن لي شهور ما سمعت صوته

[line]

أبو طارق يا حبني للقوافي المتميزة والكلمات المنتقاة بقوة

هكذا يكتب الشعر وإلا فليسكت الشعراء .

غبت أيام افتقدناك بها فما لبثت أن عدت بهذا العقد الفريد من الدرر

صح لسانك ولا هنت يالنشمي وبيض الله وجهك.

اليا تذكرت الحبيـب اللـي علـى نفسـي يعـزة = مفارقه.. عسى الزمـان اللـي خـذاه يرجعـه
ساعة مشى في شارع التحرير عن غيرة فـرز = يميـزه ثقلـه ولـونـه والعـبـاة وبرقـعـه

صـــح الســـانك مليوووووووون


وضنتــي ان قـــلبك خضــر يأبــو سلمـــان