آخر 10 مشاركات |
مختارات | قال تعالى: {فَمَن نَّكَثَ فَإنَّما يَنكُثُ عَلى نَفسِهِ} |
|
||||||||||||||||||
مساحة خاصة للغربي وحروفه
اتمنى من الاداره السماح لي بفتح هذه الصفحه
واغلاقها لحفظ بعض القصايد والابيات فيها الغربي
|
25 Nov 2007, 06:42 PM | [ 2 ] | |||||||
نائب المشرف العام
|
من عندي مسموح يطول العمر وبالعكس سعداء جداً لتخصيص زاوية نجد من خلالها قصائدك العذبة والجميله التي نستمتع بها دايماً |
|||||||
|
||||||||
25 Nov 2007, 06:59 PM | [ 3 ] | ||||||||
شاعر
|
مشكويابو عابد والله يعطيك العافيه
وانا لو لا الله ثم تشجيعكم ووقفكم بجنبي كان ما قدرت اوصل شي ويعود الفضل لله اولاً ثم لمنتديات الشدادين الذين وقفوا بجانبي في كل شي وشجعوني وزادوني ثقه واستطعت ان اتجرى بينهم واسجل ماروه باعينهم مع اني لم اقدم شي إلى الان وكل هذه اعتبرها بدايات ولا انا ماصرت شاعر لين الحين اترككم مع القصايد اولاً ثم الابيات ثانياً تحياتي الغربي |
||||||||
25 Nov 2007, 07:00 PM | [ 4 ] | ||||||||
شاعر
|
قصيده بعنوان احساس شاعر يالله ياللـي تعلـم السـر والغيـب=ياواحـدٍ كـل العـرب يعبـدونـه
يالواحـد اللـي عالـمٍ بالمكاتيـب=ومنزل غيثك مـن اعلـى مزونـه تفرج لقلب فيـه مثـل اللواهيـب=قلـبٍ تزايـد كـل ليلـة طعونـه قلبٍ يمـوت ولا تجيـه العذاريـب=لكـن همـه حـال دونـي ودونـه همِ قوي ياناس وعلاجـه صعيـب=ودواه ماكـل الـعـرب ياجـدونـه والحال جايه فـي زمانـه تسابيـب=والقلب مـن همـه تقطـع ركونـه الصقر يشلع صيدتـه بالمخاليـب=والراس عزّه دايمـاً مـن متونـه ياكثـر ماعديـت روس المراقيـب=وجريت صوتي والعرب يسمعونـه من قوّ صوتي صار ما يعوي الذيب=واليا سكـت قلبـي تزايـد غبونـه وياكثر ماراحت طـروش ومناديـب=يقـرون خطّـي ميـر مايفهمونـه يقلون وش بك دايماً حالـك تعيـب=حتى الجـواب الزيـن مايكتبونـه مير افهمونـي ياطـوال الأشانيـب=الرجل عقله في المواقـف يصونـه ماكـل شـيٍ ينوخـذ بالمشاعيـب=إلاّ إذا وصلـت لـحـد المهـونـه قصيدتي مادارهـا الشـك والريـب=احساس شاعر والعـرب يعرفونـه شاعر بيوته كـل أبوهـا بترتيـب=وبيتٍ علـى سيسـان مايهدمونـه شاعر حصل له في زمانه تعاذيـب=وفي كل ليلة جالـسٍ مـع جنونـه اصيح وأسكت وأرفع الصوت وأهيب=وأصخر بيوت الشعر وأعزف لحونه أطلع جبل وانزل مع الوادي شعيـب=وأخيّـل البـرّاق وأعـرف مزونـه كم واحدٍ منـا عظامـه مصاويـب=كله سبـب هـرجٍ بـدو ينطقونـه والسيف ماينفـع بليـا مقاضيـب=لـو الملـوك ونسلهـم يحملونـه وعلمٍ عليه شهـود مافيـه تكذيـب=لـو الخلايـق كلهـم يرفضـونـه لكـن يادنيـا كفـايـه تلاعـيـب=خليتـي اعصابـي عليـك مغبونـه في كل يومٍ تشرق الشمس وتغيـب=اقـول جانـا بالسعـد والمعـونـه واثر الليالـي ماورهـا ولا طيـب=خلت قلـوب النـاس دوم محزونـه دنيـا تقلـب ماوراهـا مكاسيـب=مــرٍ تبكيـنـا ومــرٍ حنـونـه تمشي وتاخذ فالرجـال العواطيـب=والمـوت عـدٍ كلهـم يـاردونـه ماعـاد ينفعنـا كثيـر الهنـاديـب=والموت دربٍ مـاش لفـات دونـه |
||||||||
25 Nov 2007, 07:04 PM | [ 5 ] | ||||||||
شاعر
|
قصيده غزليه وتتكلم عن نفسها اخذي وعد مني وابي منك ميعاد=نبقى على طول الليالي حبايـب
حبك بقلبي قـام يابنـت يـزداد=يزداد في طول الليـال الغرايـب بجيك لو انك وراء كـل الابعـاد=ويصير قلبي من قليبـك قرايـب دامي بجنبك كل ساعاتي اعيـاد=مرتاح لو كثرت علي المصايـب اسهر على طيفك والاجواد هجاد=ودموع عيني فوق خدي سكايب ودي على شوفتك يابنت الاجواد=مدام قلبـي يالغـلا فيـك ذايـب انا على صوتك وهمستك معتـاد=وسوالفك تبري العظام الصوايب قالت اخذ مني وعد يابن شـداد=منساك لين انحط بين النصايـب منساك حتى لو هرج كل حسـاد=اللي يحبون الحكـي والعجايـب قلبي على شوفتك ياعيـد منقـاد=واحسب على جيتك كل الحسايب لكن عجل بالسفـر كانـك جـاد=يم الرياض ونجد سوق الركايـب قلت المسافه بيننا سيفهـا حـاد=بجيك لو حتى تجيلـي سبايـب واسج بك في ديرهٍ غيـم وبـراد=فيها المخايل والمطر والهبايـب واكتب لك ابياتٍ جزيلات وجـداد=ونرقى على رؤس الجبال النوايب نسهر على نور القمر بين الاسياد=ونعدد نجوم السماء في السرايب بفكارنا نرقى على روس الاشهاد=ومن التعب نرتاح فوق السحايب اخذي وعد مني وابي منك ميعاد=نبقى على طول الليالي حبايـب |
||||||||
25 Nov 2007, 07:10 PM | [ 6 ] | ||||||||
شاعر
|
قصيده محزنه بعض الشي البارحه دنيـاي ضاقـت عليـه=وجريت ونه من ضلوع خفيـات
جريت ونه مـن ضلـوع خفيـه=وخلت دموعي فوق خدي غزيرات دنيـاي ورتنـي الحيـاه الشقيـه=دنياي ساقتني لـدرب المتاهـات مسكت كاس احزانها فـي يديـه=وشربت من مر الليال الخطيرات دارت علي بدون ذنـب وخطيـه=وخلتني اسهر تالي الليل مابـات دنياي لعبـت فـي لعبـه قويـه=ثم اطرحتني في دروب صعيبـات ودموع عيني كل صبـح وعشيـه=هليت دمع العين من كثر الاهـات مغبون في دنياي ياهـل الحميـه=واهمومي اكبر من جبال السروات والعين ماتمسـي الليـال الهنيـه=والليا غفت جتها ضروب قويـات الجن تالي الليـل تسـري عليـه=بالضرب ولا تستلمني بصيحـات هاذي ثمان شهور والحـال هيـه=مافادت الغربي كثيـر العلاجـات حلمت كنـي فـي ديـارٍ خليـه=وحولي جبالٍ نايفـات طويـلات من عقب ذاك الليل والنفس اذيـه=والحلم هذا زارني عشـر مـرات الحزن سوا وسط صدري قضيـه=ولاهوب رايح لو بدعت الجزيلات راحت حياتي بين هـاذي وذيـه=وانا صغير وشلت كـل الثقيـلات والموت خير امن الحيـاه الشقيـه=وكم واحـد وده بموتـه ولامـات يالله عجلنـي لــدرب المنـيـه=عجل بها ياللي رفعت السمـوات واختامهـا منـي سـلام وتحيـه=والله يهدينـا لـدرب الهـدايـات |
||||||||
25 Nov 2007, 07:14 PM | [ 7 ] | ||||||||
شاعر
|
يامنكرٍ حبي خـلااص انكرتـك قصيده قديمه وهي ثالث قصيده قلتها من بدايتي في الشعر يامنكرٍ حبي خـلااص انكرتـك=الله لايرجـع زمـان جـابـك
بالله شيلي اسمي مـن ذاكرتـك=خلاص انا مليت كثـر غيابـك حلفت لـك بالله ثـم اوعدتـك=وسهرتلي كم ليل لجـل عتابـك خليت دربي ثم رحـت بدربـك=وتركت ربعي كلهـم باسبابـك ابحرت في حبك وانا ماشفتـك=وفي كل يوم كنت احسب حسابك واليوم خنتينـي وانـا ماخنتـك=ومن دون قلبي شفت قفله بابـك مادام عفتينـي ترانـي عفتـك=كسرتي الخاطر بـدرب جابـك خلااااص روحي بعدمافارقتـك=عيشي حياتك والسنيـن كتابـك وانـا برافـق بعـد مارافقتـك=اهموم قلـبٍ حزنهـا متشابـك انا لي الله والصبر في اوقاتـك=وانتي عسى ربي يزيد حسابـك يقولها الغربي بعـد صدماتـك=بموت ورجلي ماوطت في ترابك كنت امدحك واتشرف بمعرفتـك=واليوم ابي فرقاك قبـل عتابـك ماني براجـع بعـد ماخليتـك=لو كان اشوفك تنطليـن ثيابـك روحي عسى الله يسرع بخاتمتك=خلااااص انامليت كثر غيابـك |
||||||||
25 Nov 2007, 07:17 PM | [ 8 ] | ||||||||
شاعر
|
مشاكل الدنيا يالله يامعبـود منشـي السحـايـب=تجعل لنا فالامـر خيـر وخيـره
ونـك تكافينـا دروب النشـايـب=وتلطف علينا في السنين الخطيـره اشوف دنيانـا تصـف المصايـب=وتقسى علينا في الليـال الاخيـره من بعد ماكنـا نسـوق الركايـب=ونخاوي اهل الطيب في كل ديـره كثرت همومي واصبح الراس شايب=وانـا صغيـر والمشاكـل كبيـره والحال تعبت دون ذنـب وسبايـب=والعين صارت كل ليلـه سهيـره والحظ عـود يـم راعيـه خايـب=والرجل خطوتها بدربـي قصيـره وجروح قلبي مثل ذاري الهبايـب=طعناتها مثـل السيـوف الشطيـره كثـرت عليـه والليالـي غرايـب=وتفجرت في القلب مثـل الذخيـره تعصف بي رياح الدهر والنوايـب=وارحل مع الغربه وحالي كسيـره كتمت سري عن جميـع القرايـب=ودرو عنه والوقت بيـح سريـره قالو لي اصبر في الزمن والمصايب=ويجيك من رب العباد الف خيـره واقول حالي صار فيهـا شوايـب=عيني بصيره والايـادي قصيـره الموووت شفته في زمان العجايـب=العمر يركض والمصايـب كثيـره هاضت هجوسي ثم سقت الركايـب=وطبيت في وسط البحور الغزيـره وصلاه ربي عـد ذاري الهبايـب=على النبي عد المـزون المغيـره |
||||||||
25 Nov 2007, 07:22 PM | [ 9 ] | ||||||||
شاعر
|
قصيدهٍ ودعتها وهي تتكلم عن الفراق وما اصعب الفراق الله مـن هـم بقلبـي بنـا بيـت=كله سبب فرقـا الـذي ودعتنـي
ودعتها والقلب به نـااار كبريـت=وهموم قلبي من عنـاي احرقتنـي ياما سهرت من الليـال وتعنيـت=من بعدها كـل الليـال اسهرتنـي وياما رقت في حلو نومي وفزيـت=والليا ذكرته قمت اهوجس واغني حبيتها من كـل قلبـي وعزيـت=قلبي بعـد ماروحـت واتركتنـي ياما بعدها صافي الدمـع هليـت=بفراقها كثـر الهمـوم اجرحتنـي عساه يرجع كل ذا اللـي تمنيـت=يرجع بعد سود الليالي اغدرتنـي دارت بنا الدنيا بعد مـا تحديـت=واخذت نظر عيني وانا خسرتنـي راحت وخلتني بدربي بعد جيـت=فارقتهـا وهـي بعـد فارقتـنـي قضت معي فتـره وفيهـا تهنيـت=وضاقت علي الارض يوم اودعتني في خلقتي ماقد بها الكون حبيـت=مثله لكن منـه الليـال احرمتنـي ومن خلقتي ماقد عليهـا تقاسيـت=جتني بطيبه خاطـري واكسبتنـي نظمت من بالي من الشعر كم بيت=ارفـع بيوتـي دايمـاً وارفعتنـي اكتب بيوت الشعر واقـول ياليـت=الله يسعدها مثـل مـا اسعدتنـي واختامها همي بقلبـي بنـا بيـت=كله سبب فرقـا الـذي فارقتنـي |
||||||||
25 Nov 2007, 07:38 PM | [ 10 ] | ||||||||
شاعر
|
دقات قلبي خواطر وليست قصيده دقات قلبـي واقفـه بانتظـارك=تكتب قصيده حب سويتها فيـك دقات قلبٍ صار يطـرد سرابـك=يمشي على دربك ويتبع خطاويك قلبٍ بكلمه حـب قـام وعنالـك=بيموت في دنياه ماهو بناسيـك قلبٍ برغم الحزن والهـم شالـك=شالك بوسطه يوم كـلٍ مجافيـك قلبٍ يمـوت ولا يـدور بدالـك=ويرتاح لامن شاف زولك وطاريك قلبٍ يحبك حـب بالحيـل هالـك=والياء رحلتي قام يصرخ يناديك مشـــاركة في الوجدان والمشــــاعر وتعبير عما في الخــاطر من همســـات .... وليس مجـــرد كلمـــات تقال كما يقولها العشـــاق دون إعطائها حقها المنــشود... برجـع واكملهـا ولانـي بـتـارك=بكتب حروف الحب واقولهـا فيـك
انت الذي روحـي وقلبـي حلالـك=وانت الذي في خاطري صرت ابديك وانت الذي فكـري يناظـر خيالـك=على رمال الحـب بانـت مواطيـك سبحت انا في موج بحـرك وجالـك=واصبحت احبك واعشقك حيل واغليك بالله شيلي الحزن من وسـط بالـك=ثم امسحي دمعتك باطـراف اياديـك |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مساحة خاصة بعالم الطفولة ( صور وحكايا ) | حجازية الهوى | القسم العام | 60 | 11 Jun 2011 12:12 AM |
إهداء للغربي | عبدالعزيز مسلط | شيلات ومحاورات وقصائد شعراء بني الحارث | 16 | 17 Oct 2010 12:33 AM |
اهداء للغربي | المشعلي | بوح التصميم وخدمات المصممين | 17 | 10 Mar 2010 01:00 AM |
باركوا للغربي | عيد الشدادي | الترحيب والتهاني | 51 | 15 Apr 2009 11:41 AM |
أدوات الموضوع | |
|