يا المطيري تعال

السلام عليكم ورحمة الله وبركاته

ارحب بالشاعر الكبير ابو عماد المطيري

حياك الله ياشاعرنا

واستلم

يامرحبا عد مالاحت بروق الخيال=اقولها لرجال وخاطري قالها
يابو عماد المطيري طال عمرك تعال=والسالفه ياسند ياطول موالها

الله الله يالغربي صح لسانك واستلم

دام البقا يالمرحب عد مبدا الهلال = من خاطر لانصاء الجزلات غنالها
يالغربي اللي تنادي جيت ياهم الال= والسالفه حط معدالك ومعدالها

صح ألسنتكم سيرو ونحن نتابع وفقكم الله

هلابك يابو عماد وصح لسانك

ابنشدك ياسند وانت انتبه لسوال=ليش الفرس يالسنافي طاح خيالها
الفارس اللي منول يرتكي لثقال=يقلون بقعاء عليه تعقد حبالها

سمعت علمك لكنه يالولد في الظلال =واللي بليا دلايل مالك ومالها
الفارس اللي منول مرتكي لايزال =لعل حملة ردي الحض يشتالها

		المشاركة الأصلية بواسطة : خيال الشدادين اقتباس
	صح ألسنتكم سيرو ونحن نتابع وفقكم الله

خيال الشدادين

صح بدنك ولاهنت على التواجد وسعداء بمتابعتك العطره ,

تحياتي وتقديري

العلم مثبوت يالصاحب بليا جدال=مير الحمول الثقيله تبرك جمالها
حنا نشجع جميع مطير في كل حال=لكن قصةٍ ولد..ميز.....يرثالها

الله الله استلم لاهنت,

القول ياصاحبي مايثبت المستحال =ماهي بقصة علي ؟ يالقرم وامثالها
انكان تشجيعكم ياعيد قيلٍ وقال = شجع ولكن منته مخلف اجبالها

حنا نشجع ونعشق من يجيب الجزال=ونعجب براعي اللحون وبدعة امثالها
الله يخليك ياسلمان قرم الرجال=كلمتك محدٍ يعارضها ويبرالها

طيب طيب يالقرم,

الدلو ماينجذب لاصار ماله حبال = عسى قناة العرب ماشوش ارسالها
هلة مزون السماء ياعيد والسيل سال = مانقرن الثابته باللي يورالها