بسمي وبسم الشعر دقه وجله

بسمي وبسم الشعر دقه وجله
وبسم الرواما واسمنا ي الشدادين

وبسم الفخر والعز في كل مله
جينا بصف مثل صف المصلين

جينا لبو فارس يشرف محله
جينا مجي غاالي عند غالين


جينا لعز مطير للعز كله
جينا من ابعيدن وكنا قريبين

للي علا فوق النجوم المطله
والي ملى من يعرفه كامل العين

والي ملك بين الكنوز الادله
خلى رصيده بين في قلوب بملايين

مثل ابن ضمنة مكسب مانمله
واللي بقى لطيب مثله قليلين

يامطير بعد الله ضلو بظله
عز الله إنه كفو سقم المعادين

انتم سحابه غيثكم في سجله
والي يعرفه زين مايجهله زين

مآ يشبه إلا البن في كل دله
الي تساق بمجلسن يقضي الدين

حمر النوظر بالثلاث المهله
ثلاث في التاريخ ماهي ب ثنتين

عدو كم يموت في وسط غله
ونصير كم تاجه على الرآس تاجين

وحنا بدون اقصور ومن دون خله
ومن دون شك يدخل من الشياطين

حنا لسان الحق عن كل زله
والنور صوب أقدومناا دايم ايبين

حنا دوا للبعض من كل عله
وحنا عما عين العدو والعدوين

والي نبيه بكل سطوة نتله
لو أن من دونه ملوك وسلاطين

وحنا اذا فزنا العدو مانذله
نكفخ بطيب أفعالنا ب الجناحين

والله يبارك لجلك العمر كله
وتعيش رمز للكرم والكريمين

هلاومرحبابك شاعرنا والله يسعدك وشكرلك لجديدك

يعطيك العافية
يا أبو نايش
والله يجمّل حالك ويزيّن حالك
على طيب تواجدك وصح لسانك

صح لسانك
ولا هنت أخوي
كل الشكر والتقدير

صح لسانك ويا هلا بك يا ابن نايش
والله يبيض وجهك ويعلي قدرك
تواجدك مشرف وحضورك
يبيض الوجه