رسول الحب

بسم الله الرحمن الرحيم
معذرتاً للجميع عن طول الغياب

يا رسول الحب خبر من تمكن بي صوابه = خبره بلي تشوف وعطني المكتوب منه
قله الأيام عندي بعد غيبتكم تشابه = ضاع عمري والليالي ما ترد إلي خذنه
دمع عيني بعد فرقاكم مثل وبل السحابه = والسنين العوج ما ترحم ولا فيها محنه
يا غزال الريم لا تشره على نسل الذيابه =حدته غبر السنين وبالليالي خاب ظنه
ما لقى فالحلم روح ولا لقى فالعلم ثابه =صارت الهقوات حلم وغابت الحيلات عنه
ما تعود يترك الواجب ولا رزقه هبابه =من خلقه الله على الدنيا وفن الطيب فنه
ويا وجود وجد من خلوه فالميدان لآبه = بعد ما صابه عقيد القوم والعجلات جنه
اتركوه عيال عمه في يدين اهل الطلابه = وصاح بعلا الصوت والعيرات قفن وتركنه
وهلت العبّره من عيونه على فقد المهابه =وحامت العقبان فوقه والذيابه وكدنه
وجّرها ونه وقال الموت جابتني اركابه = والضواري شم ٍالريحه وجن يدورنه
محرياتٍ بالغنايم والهوى يطرق ثيابه = سمعن أصوات الهبايب في ثيابه يطرقنه
واهجم ٍفوقه وذاق الموت في زهرة شبابه =والجوارح كل عرق ٍمن عروقه مزعنه
راح عمري مثل عمره في ليالينا نهابه =لسنين يلوعنه والروابع يشغلنه
ما حصلي من هويت وزادت اللوعه صبابه =والغزال اللي هواني ما قويت اخلف مظنه
فـي غيابه كـم تمنينا نشوفه في غيابه =لكن الأيام شحن في وصاله وبعدنه

صح لسانك يابن جربان قصيدة بكل معانيها
جزله من جزل تقبل مروري المتواضع
دمت بوووووووود

يا هلا والله وألف مرحبا بشاعرنا الكبير ابن جربان

منور المنتدى الليلة يا ولد العم وعسى عمرك طويل

ونتشرف ونسعد ونستمتع بقراءة هذه الرائعة والتي

أتت كبلسمٍ ناجع على جروح الظما وطول البعد

لا هنت ولا هان غاليك وعسى عمرك طويل

أخوي

صالح بن مستور

مرورك الكريم أسعدني

لاهنت

صح لسانك يابن جربان

حين تحضر إيه الغائب فإنا نرتوي حتى الثماله

هطلت كالمطر و أحييت فينا ما حسبنا انهُ مات

اهلابك شاعرا تجلى بنصٍ بعث الدفء في عروقي

رغم برد نجد القارس

سلمت أخي حمود وسلم نبضك و إحساسك

فقط طلب من أخوك أن لا تطيل الغياب علينا

فنحن نشتاق ونشتاق حتى قتلنا الشوق

فلك كل الود

بن جريان
من طول الغيبات جاب الغنائم
وانت عز الله جيت بالغنائم جيت بهذه القصيدة الرائعة
التي تساوي قناطير الذهب صح لسانك وبيض الله وجهك
قلت فاجزلت ونظمت فابدعت الله يعطيك العافية ولاعدمناك
وتقبل تحياتي

صح إلسانك يا أبن جربان

بيض الله وجهك يابن جربان

طولت يالغالي بتواجدك وبالقصيده

صح لسانك ولاهنت

يا مرحباااا مليوووووووووووون

الله يلوم اللي يلومني فيك يا خال

عز الله جبت الغنايم والكسايب بعد الغياب يالذيب

صح لسانك وبيض الله وجهك