آخر 10 مشاركات |
مختارات | المَكيدةُ أبلغُ مِنْ النَجْدَةِ |
|
|||||||||||||||||
الطيب يأهل الطيب 00 عاشق ومعشوق
الطيب وأهل الطيب عــــاشق و معشـــــوق وهاذي القصيده هديه لكل من لديه غيره على سمعة نفسه اولاً وقبيلته ثانياً 00 --------------------------------------------------------------------------------
الشعــــر لــــه فاتــــل ونـــاقــض وفـــاروق = والسـوق لـه سايـم وشـاري وبايـع واللـــــي ربــــح ببضاعتــــه يمــدح الســوق = والنـاس تطلـب نـادرات البضـايـع يــــــا مدوّر الطيـــب تخيّـر علــــى الـذوق = وأحفظ معك مـن قـول فـارس ودايـع لــــو كــــان بالإرشــــاد والنصـــح مسبــوق = ذكـــرى لعـل لهـا تــرق السمـايـع جــــــواهرٍ معهــــــا شـذى المســــك مرفـوق=ومعهـا التجــارب مثبتـه بالوقـايـع واللـــي لبـــس مـــن جوهر المرجلـــه طـوق = مثلــي مجـرّب والتـجـارب نفـايـع ســـــافرت لـــي طرقــه وطبيـت لـي سـوق = وخاويت فـي دربـي جميـع النزايـع والله خلـــــق فالنـــــاس ميـــــزات وفــروق= النــــاس شتـــى بالشـيــم والطبـايـع أحــــــدٍ علـــى مبــــدأ ولـــه نظــــرةٍ فـــوق = وأحـدٍ كمــــا ثلـجٍ علـى القـاع مايـع ولانـــي وكيــــل آدم علـــى كـــل مخلــــوق = لكـــن أشـــوف بخلـق ربـي نـوايـع أشفـق علــى الطيــب ولـــــي رفقتــه شـوق = غريـــب وإلا مـن قـريـب الجمـايـع وراع الـــردى من دونـــــه البــــاب مغلـوق=بينـــي وبيــن أهـل السفالـه قطـايـع الطيــــب وأهل الطيــب عــاشـق ومعشـوق =والطيـب لــه مبـدأ وحكـم وشرايـع والمــرجله وهبـــه مـــن الـرب ووفــــــوق =والديــن رأس المرجـلـه والطمـايـع والـــرزق من ربي وله فـرض وحقـوق = ومن يطلب أرزاقه مـن الخلـق ضايـع والأخــــذ بــــالأسبـــــاب ثابــت ومـوثـوق = وتوفيـق ربـي هـو خيـار الـذرايـع ولا كـــــل مطــــــرودٍ كمــــا قيــل ملحـوق = قـــــولٍ مبالـغ فيـه لـو كـان شـايـع إن مـــــــا جلبهـا والـــــي العـرش برفـــوق= كثـــر المطـارد مـا يحـوش النفايـع ومــــــن يحســـن النيه مع النـاس مـرزوق = ومـــن يتقـــي ربـه دروبـه سنـايـع والكـــــذب ثـــــوبٍ مــــايجمَّـل ومشـقـوق = ولا ينرفـــي شقـــه بكـثـر الرقـايـع ومــــن لا يحـــط أســـرار قلبـه بصنـدوق =ويجــــوَّد المفتـاح عـن كـل صـايـع يفتــــح علـى نفســـــه مداخــــل وخـازوق = وقناصــة الفرصـه تـزيـد الجـلايـع ومــــن يقــــرب الأنــــذال لا يامـن البـوق = النـذل خايـــن مـا يصـون الـودايـع عقـــــرب ثـــرى وإلا كمـــا نـاب زاروق = لا صـــادف الـغـرات للـسـم زايــع وأحـــذر تــرى النمـــام للشــــر ناتـــــوق = دايـــــم يـقـــرَّب للـشــرار الـولايـع مـــن المكـــارم خـارب القصـد مسلــــوق = وعقلــه لنزغـات الشياطيــن طـايـع وترى الردي شمعٍ على الحيـط ملـزوق =لا أونس حميم الشمـس جـاك متمايـع أحـذف ردي المعـرفــــة حـذف خملــــوق =لا تنـخـدع بــــالزبــرقـه واللـمـايـع عليـــك بــالطيــب ليــا صـرت مزنــــوق =الـلـــي فعــــولـه ***ــــوهـا روايــع يشيــل عنـــك مــــن الصعيبـات طـاروق = ولا يلحــق المنــه جميـل الصنـايـع لامـــن عــن الواجــب هبـــا كــل مزلـوق =يقــــوم بالـواجـب بعـيـــد الرمـايــع والشــارب اللــي سـاعة الضيـق محلـوق =وقت الرخاء ما أحـدٍ يبـي لـه فزايـع خلـه ولــو شفته علــى الوجــه مصفـــوق = ولا تستشـيـــر مجالسـيــن الربـايـع وإن كــان في صدرك قنا الوقت مـزروق =خلـك علـى الشـــده قـــوي البتـايــع واضرب علــى الكـــايد ولا يلحقـك عـوق = وأطلـع سنـــود وخيــر ربـك لايـع والشمس لو غـابت يجي صبح وشـروق =والحق ! ;لـه صيـتٍ مـع النـاس ذايـع يقــــدم عزيــــز الســاس لـو كـان مفهـوق = ويأخـذ عظيمـات المـراجـل قـلايـع وأبليــــس أخـــو مـــره مــربَّـط ومفلـــوق =وفـي كـل يــوم يـزود حـر ولقايــع نركــــي علـــى كبـــده مراقيـــع وحـروق = وعــروق قلبـه مـن وحمنـا مزايــع وصلوا على الهادي عدد ما أرمش الموق = وعسى لنـا مـن جـود ربـي شفايــع وسلامتكم منقوله -- واهديها لمن فية رجوله فقط
|
25 Mar 2006, 06:50 PM | [ 2 ] | ||||||
|
صح لسانك ياشاعر |
||||||
25 Mar 2006, 07:16 PM | [ 3 ] | ||||||||
عضو ألماسي
|
الفرسان صح لسانك تسلم على القصيدهـ يعطيك العافيه تحيتي تواقـ |
||||||||
25 Mar 2006, 07:19 PM | [ 4 ] | |||||||
نائب المشرف العام
|
الهديه مقبوله بيض الله وجهك يابن العم |
|||||||
|
||||||||
25 Mar 2006, 09:46 PM | [ 5 ] | ||||||
|
اخونا الفرسان دائما يفاجئنا بماهو مميز ورائع في حضوره وروعه انتقاءه وابداعه أجدني مأخوذاً بدهشتي وأنا أتصفح أنامل روعتك اللامتناهيه .. من البحر إلى أعماق البحر في الروعة ... وأجدني أحتار هل كيف أختار الجميل من منثورتك وكل ما جادت به أناملك جميل .. وهديتك نتقبلها بسدر رحب وهي من اجمل النصائح التي نحتاج لها في زمننا هذا واشكرك جزيل الشكر وسمي |
||||||
|
|||||||
25 Mar 2006, 10:14 PM | [ 6 ] | |||||||
عضو متميز
|
سلمت يمينك والله يعطيك العافيه وبيض الله وجهك أخوي الفرسان |
|||||||
|
||||||||
26 Mar 2006, 12:00 AM | [ 7 ] | ||||||
|
والله خلـــــق فالنـــــاس ميـــــزات وفــروق= النــــاس شتـــى بالشـيــم والطبـايـع .................................................. ...................أحــــــدٍ علـــى مبــــدأ ولـــه نظــــرةٍ فـــوق = وأحـدٍ كمــــا ثلـجٍ علـى القـاع مايـع
أشفـق علــى الطيــب ولـــــي رفقتــه شـوق = غريـــب وإلا مـن قـريـب الجمـايـع .................................................. .......وراع الـــردى من دونـــــه البــــاب مغلـوق=بينـــي وبيــن أهـل السفالـه قطـايـع
والكـــــذب ثـــــوبٍ مــــايجمَّـل ومشـقـوق = ولا ينرفـــي شقـــه بكـثـر الرقـايـع .................................................. ...ومــــن لا يحـــط أســـرار قلبـه بصنـدوق =ويجــــوَّد المفتـاح عـن كـل صـايـع يفتــــح علـى نفســـــه مداخــــل وخـازوق = وقناصــة الفرصـه تـزيـد الجـلايـع
عليـــك بــالطيــب ليــا صـرت مزنــــوق =الـلـــي فعــــولـه (كلبــــ***ــــوهـا )روايــع "**" واضرب علــى الكـــايد ولا يلحقـك عـوق = وأطلـع سنـــود وخيــر ربـك لايـع يقــــدم عزيــــز الســاس لـو كـان مفهـوق = ويأخـذ عظيمـات المـراجـل قـلايـع هلا ومسهلا فيك اخوي الفرسان تهدي وحنا نستاهل وهديتك رائعه كروعتك اردت ان اقدمها وإذا بها تقدم نفسها ولم يبقى غير التوقف المتكرر للتزود بما تحمله وتسطره سلمت يمينك وتقبل شكري |
||||||
|
|||||||
26 Mar 2006, 12:03 AM | [ 8 ] | ||||||||
عضو متميز
|
أخـ ـوي الـ ـفـ ـرسـ ـا11ن صـ ـح لـ ـسـ ـا11نـ ـكـ قصيدهـ جميله جدا ورائعه .. الف شكر لكــ .. |
||||||||
|
|||||||||
26 Mar 2006, 01:49 AM | [ 9 ] | ||||||||||||||||||||||||||
|
الشحروره صح بدنك ----- وتراك سويتي لنا لخبطه 000 مالها داعي |
||||||||||||||||||||||||||
26 Mar 2006, 01:50 AM | [ 10 ] | ||||||||||||||||||||||||||
|
تواق صح بدنك ومشكور على مروك يالغالي لاهنت |
||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الطيب مايصعب على راعي الطيب | بحر القوافي | المواهب والمحاولات الشعرية | 26 | 15 Dec 2010 04:56 AM |
الطيب ماجابك!! | رونة المزيونة | قصائد مختارة | 10 | 18 May 2009 01:33 PM |
ان جت من الطيب جزاها على الطيب | عيد الشدادي | قصائد مختارة | 7 | 13 Feb 2009 08:41 AM |
الطيب يثمر باهل الطيب | فالح الحارثي | بحور القوافي | 8 | 12 May 2008 06:05 PM |
أزف الطيب لاهل الطيب | عنــ القاف ـاد | بحور القوافي | 15 | 22 Oct 2007 10:48 PM |
أدوات الموضوع | |
|