قصيدة مفرح بن قيعان في الفويه وقبائل آل هشام يام

- قصيده مدح بني واهب وذكر شيخهم الفويه من ال هشام يام

القصيده يقال انها لابن قيعان السنحاني من قحطان قبل 400 سنه

وذكر ال هشام يام حامين حدود نجران من صوب قحطان �� .

يا الله ملتهم يا رازق الطيرا=تسرح جواع وتضوي قدهي شباعي
يا كافل الرزق للرايش وللهايش=يا معتلي فوقنا يا سامع الداعي
لا قبل علي الوحا ثم وفي مكتوبي=وحطيت تحت الثرا في مقطع القاعي
فن ليس لاعاد لي إلا ما جبته ايدي=ما يشعب الصرخ منه والتلماعي
يا من نديبي تبتل فوق بنت ارك=تسرح من بلادنا حل التشفاعي
من ليل ثاني تنصيها بني واهب=قوم قروم لهم في المدح مجزاعي
انص الهشامي صليب الراس ابو ناصر=من هيبته ما يبور الذيب بالراعي
في كل وادي له ظمام وتجباله=الكيل ياتي لهم من كل زراعي
والبدو تاتيه بالهزه وبالجزه=وأهل القوافل تجيه بكل الانواعي
حبيت مدحه ولا له عندي طمامه=ظمامنا كل مفتوق ومبراعي
منها شعتنا القبايل في قبالتنا=نذبح ونُذبح نقا في رد الأطماعي
في طارفة يام فن يام دعاة الله=مثل الزعيري يتعب كل قراعي
منهم هشام كفى الله شر صرختهم=لي سمعوا الصوت فزعوا كنهم سباعي
كنهم فهود ليا شافت الجمله=تحدها على الوعر عجلات وسراعي
تر هم ليام كما القنديل في الظلما=درع على الطارفة ماهو بينزاعي
لولاه كان اختشرنا تمر نجراني=حمر الوعي ما نقلها كل هملاعي
مثل اليزيدي نقل جوره وناكدهم=وردوا له الكيل بالصغار والصاعي
يا الادمي لي جمعت المال في الدنيا=تروح منها الرعية ساقة الراعي
وان كان ذليت من عمد يجي صمد=شف تاليتك الذلاف وخرقةٍ باعي
دون الخوي ما نخش الروس ونخيل=الا بيوم عتاق الخيل شراعي

قصيدة رائعة من شاعر متمكن
ويستاهلون آل الفويه وشيخهم
وما قصرت أخوي ابن يام وعساك على القوة

قصيدة ابداعية يا أبو يامي
احسنت اختيارها والله يعطيك العافية
ومشكور جزيل الشكر على تواجدك
المميز معنا ونتمنى أن نشاهد مشاركاتك
في بقية أقسام المنتدى

صح لسان الشاعر قيعان
ما قصر ويستاهلون يام ورجالهم كل خير