شهداء الوديعة

يااله الكون لا جتك الوديعه=في ذرا رحمتك تجزيها الجناني
الشهاده قسمة ابطال الوديعه=وان بغى الباغين مافاد الجناني
الشهيد محمد مبارك بريعه=بايع روحه ليا بار الاناني
والعريف سعيد هادي هو تبيعه=للفدا بادي وللوقفات داني
ودوسري المجد فهد وله شريعه=ساسها التوحيد واخلاص وتفاني
ولسعيد بن علي ذمّه وبيعه=مانقضها في ميادين الطعاني
نخبة النخبه لهم صيت نذيعه=تشهد الاحداث واشهد يازماني
الاجل مايمهل العمر وربيعه=والقدر واقف بدرب المودماني
والعدا يلقون ردّات شنيعه=تلتقيهم دون تحقيق الاماني
سنّة القانون بأرجانا طبيعه=الشهيد يعز ويهون الجباني

ماقصرت ياسفير وصح لسانك =’(
والله يرحمهم برحمته شهداء عند ربي والشهداء جنة ربي تنتظرهم =’(
كان الله في عون ذويهم والله يلهمهم الصبر والسلوان =’(

هلا بك يا شاعرنا العزيز
أبو فهد
والله يحييك اليوم ودوم

نسأل الله لهم الرحمة والمغفرة
والله يلهم ألهم وذويهم الصبر والسلوان
وصح لسانك يا شاعرنا

		المشاركة الأصلية بواسطة : سوكراَ اقتباس
	ماقصرت ياسفير وصح لسانك =’( والله يرحمهم برحمته شهداء عند ربي والشهداء جنة ربي تنتظرهم =’( كان الله في عون ذويهم والله يلهمهم الصبر والسلوان =’(

امين
وتسلمين ياسكّره
مع شكري وتقديري

		المشاركة الأصلية بواسطة : السلطان اقتباس
	هلا بك يا شاعرنا العزيز أبو فهد والله يحييك اليوم ودوم نسأل الله لهم الرحمة والمغفرة والله يلهم ألهم وذويهم الصبر والسلوان وصح لسانك يا شاعرنا

مرحبا بك يالسلطان
والقادم افضل باّذن الله