طلب رعد الجبوب لِهجاء الشعراء

ليه ليتك ما اخترتيني

بالعكس انا ماني شاعر

ولا ادري الا السلطان اخوي حاط لي لون الشعراء

بسبب طلبك الي نزلة فيه قصيدة

وسويت اللقب بالفوتوشوب وقلت ركبه

ولا انا ماني شاعر

قصدي ليتني ما اخترتك تدلل لأنك اخترتني ع طول و بـ 16 بيت بعد لا و هجاء

هههههه الحال ضايق و الشعر فايق

ما تجي هذي

و بالنسبة لحكاية شاعر يمكن انت ما تبي اللقب لكن انت فعلا موهوب بالشعر ما شاء الله و اخوي أبو عبدالله تاخر بتلبيسك البشت الأزرق

يعني لا تنحرج

و لا تقاطعني ما أبي فواصل بكتب هجاء فيك

ردي لأخوي رعد الجبوب

يا رعد افهم كلامي و لا ترفرف بيد حَنًى = لا ني حست و لا هربت و الصراحة بك تمير
هذي إيدي به اعيدي كلمتي و الخير عنًا = و ان تبي جِن و حكاوي عندك الغربي أسير
و الهجاء ما هو بثوبي لا و لا حتى يتثنًنى = عودي ناعم من أساسه ما يلوق بها الهجير
لا حسدتك من كلامك لا و لا حتى نتجنًى = أدري بك بالشعر فلته و انت املاكك حصير
شاعر و موهوب صاير كيف ما تبغى تمنًى = بالفتات الشعب يرضى هذا هو ! دخان غير
بس لا تمدح بذاتك خلًها و احنا نتعنًى = دندنة حرف و حرافة لكن احذر لا تغير
يا هو كنز الشعر جالك موهبة حظك تِسنًى = امسكه يخدم لدينك مو تباهي به ضرير
و لا تنادي هالجنون اللي ترزك فوق دنًى = إلاً لسعادة مستواكم يمكن تحطك وزير !

لا هنت أخوي رعد .....الله يحفظك .......شاكرة مرورك الكريم و عمت مساءً

هون حنى ماسرانا هون حنى زد دفنى=ودك ان الصبح يصبح بس انا جالس خفير
ولأخر الفجر المسمى ودك انى=مايروح الليل كله لاقليل ولا كثير
اكسر الطاروق واهجي من يحاول يمتحنى=لعنبوه الشعر كاسرني ولابلقى جبير
ابك هذا الليل كله شاربن مما سقنى=ماوراي الا المنام ولا امامي مستجير
فر ياراسي وشن الحرب شنى=مالقيت الا هديل وربك الوالي نصير

نكمل ولا بترقدين

الله يعطيك العافية اخوي رعد

طيب انتظر ردي

دمت بخير

وش دفنت الليل كنًا و شهو سرك لا تِونًى = صدك النوم و جفاك المشكلة دايم تصير
أما في حكاية مُرادك و شهو يعني كيف تِمنًى = ما فهمت القاف مدري و شهو مقصد هالامير
مهنتك تكسر خواطر و بالبيوت اللي تغنًى = هذي أفكار الطفولة لازمه و انت الأسير
لكن الهم امتحنًا لا تركنا و لا سِقنًا = شكلي بنظم لي بيوتٍ أرتجي فيها القدير
و انت ساعدني نسطٍر أجمل بيوتٍ تغنًى = نذكر لأرزاق ربي يمكن تصير و أصير

صح لساااااااااااااااااااااااااااااانك
ياالغربي قصيدة جزله من شااااااااااااااعر جزل
وبيض الله وجهك


تحيـــــــــــــــاتي لك ياغربي

بنهاية المطاف أشكر جميع أخواني الشعراء من عقًب و من رد منهم الغربي و رعد

و من حضر و لا هنت أخوي سلطان الشدادي ع الحضور

دمتم بحفظ الرحمن

صح لسانك

ياهديل واعتذر عن انقطاع البث المباشر البارح

طفى الشبكه السلطان ورقدت

مشكوره

هههههههههههههههههههههههه والله إني ضحكت وأنا والله ماني يم الضحك
كفيتوا ووفيتوا يا الثلاثة ولا هنتوا
ومثل هذه المواضيع والقصائد نتسلى بها ونطرب ونحب نقرأها
لا تحرمونا من تكرارها أكثر وأكثر
لكن المرات الجاية غيروها مدح أو أي شيء غير الهجاء