قصييدة في الشيخ(دخيل الله بن هلال الشدادي)

بسم الله الرحمن الرحيم
السلام عليكم ورحمة الله وبركـاته
هذهـ القصيده من الشاعر مطلق دوخي الحارثي في الشيخ :
(دخيل الله بن هلال الشدادي الحارثي)
الذي مثـل بن الحارث في الكرم خير تمثيل..!

يـالله انا طالبك صبح وعشيه =طالبك يالله بحسن الثباتي
تغفر ذنوب مسجلتٍن عليه =وتمسح السيئات وتزيد احسناتي
بعدها سلام مني والتحيه =ياشبيه اعلى جبل في النايفاتي
واذكر الموقف لكم ياأهل الحميه =لان عمر العبد تاليه المماتي
جيت ابن هلال ابي منه الهديه =ابو سعد راعي العلوم الطيباتي
لاعطى المحتاج يجزل في العطيه =مثل ماهل المطر واسق النباتي
والطلب شاص(ن)يلف الحارثيه=يسبق البراق قبل العاصفاتي
لاعطى القعقاع مايعرف نويه =كـنه الي في المسيل مطيراتي
ماعليه الا الدريول مع خويه=سارحين الصبح من قبل الصلاتي
ناصي الي ضيفته ذود ورعيه=من خيار القوم ابن عمي عزاتي
والقبايل تعرفه وصى وصيه=من حداه الوقت دونه لايباتي
نعرفه في العلم له وقفه قويه=مايهمه لويسوق المبهلاتي
ان قضالي لازمي زبن الونيه=وان تعذر ترى علمي ثباتي
بـأختم الاقوال في سيرة نبيه=النبي الهاشمي زين الصفاتي

(وسلامتكـــم)

صح لسان الشاعر
ويستاهل دخيل الله
وتشكر على إيراد
القصيدة

النشمي الحارثي بيض الله وجهك ونعم بالمادح والممدوح ونرغب ان تزودنا من شعر الشاعر مطلق بن دوخي
تحيتي لك

صح السانه وبيض الله وجه ونعم بالمادح والممدوح
لآهنت اخوي

ملاحضه بسيطه على وزن هذي

=طالبك يالله بحسن الثباتي
=وتمسح السيئات وتزيد احسناتي
=وان تعذر ترى علمي ثباتي

تحيتي

[caution][read]

صح لسان الشاعر

قصيده جزله ويستاهل دخيل الله

وإلى الامام يستاهلون الشدادين

[/caution
[/read]][you]

صح لسانك يا أبو دوخي وابن هلال يستاهل المدح ونرجوا من الله ان يشفيه ويرده لعياله بافضل حال
اخوك الشاعر سعود معيش الشدادي

رحم الله أبا سعد
واسكنه فسيح جناته

وصح لسان الشاعر
ابن دوخي
وتسلم يا النشمي