قصيدة للبنات المستعجلات على الزواج

لا تحسبين العرس توفـي وكتكـات =ولا تحسبينـه تويـكـس والا بونـتـي
ولا تحسبين العرس كيكة وطرطـات =وصلـة قطعتيهـا ووصـلـة بلعـتـي
ولاتحسبين العرس تصفيق واصوات =وانت علـى صـوت الغطاريـف همتـي
ولاتحسبين العرس كوشـة ولمبـات=وانـت كمـا الطـاووس فيهـا جلستـي
ولاتحسبين العرس احلام في الشات =يـامـا بنيتيـهـا ويـامـا هـدمـتـي
ولا تحسبين العرس روحة وجيـات =هيـا اقضبـي بيتـك عسـى مانهبلتـي
ليلة سعيدة وانت احلـى الجميـلات =تشخـص عيـون النـاس اذا حضرتـي
واللاينر)حطيـه بــلا زيــادات =لا يـخـرب المكـيـاج اذا دمـعـتـي
والمسكرة)تحتاج لطـف ومـدارات =حتـى يـبـان الـزيـن اذا رمشـتـي
والاسبريه )رشيه حتى البصيـلات =يمسك شعـرك زيـن لـو كـان زدتـي
وترى(المحدد)فن يحتـاج رسمـات =يبـان رسمـه زيــن اذا ابتسمـتـي
العـرس يابنيـة ماهـو شعـارات =تفنـى مراسيـمـه وتبقـيـن انـتـي
ويبقى شريك العمر راعي الطويلات =هـذا هـو العـرس حقيقـه عرفـتـي؟
اول نصيحة لـك حفـظ الصلـوات =صلي العشـا والفجـر فـي كـل وقـتِ
وفي ليلة العرس الموفـق بالـذات =ادعـــي الـكـريـم إذا سـجـدتـي
والتعري لاترضين عند الكوفيـرات =ولبسـك يملـى العـيـن اذا لبسـتـي
واللي على زوجك تحرضك مـرات =ارجـوك شوتيهـا شـوتـت بلنـتـي
والصبر في العشرة حتى على فتات =ياماحـلا فعلـتـك يـومـك صبـرتـي
واذا حفظت السـر مـع المـدارات =زوجـك تـرى فـي عيونـه كبـرتـي
والسوق يعني هاه وقت الضرورات .=والاتـرى زوجــك يــدور لمفـتـي
زيدي الغطاية وكثري في العبايـات =والله يـرضـى عـنـك اذا ستـرتـي
اوصيك بالكبسـة وكثـر اليدامـات =حتـى لوانـك مـن سببـهـا متنـتـي
وخلي الرجيم اللي فشلتي فيه مرات =سـويـه مــرة واحــدة لا ولـدتـي

قصيده فكاهيه رواائعه
الف شكر غاليتي على اختيارك
لاتحرمينا من جديدك القااادم


كل الود

مشكور اخوي الشعابي على مرورك واطلالتك الجميله

مشكوره على القصيده الجميله ........

		المشاركة الأصلية بواسطة : ترج واقصر الهرج اقتباس
	مشكوره على القصيده الجميله ........

الشكر موصول لك اخي ترج وأقصر الهرج

الله يرزق كل بنت ولا تحرم احد

		المشاركة الأصلية بواسطة : ابو جاسم اقتباس
	الله يرزق كل بنت ولا تحرم احد

امين الله يرزق الجميع بنات وشباب

اشكر مرورك أخ ابو جاسم

العـرس يابنيـة ماهـو شعـارات ....تفنـى مراسيـمـه وتبقـيـن انـتـي

ويبقى شريك العمر راعي الطويلات ....هـذا هـو العـرس حقيقـه عرفـتـي؟

اول نصيحة لـك حفـظ الصلـوات ....صلي العشـا والفجـر فـي كـل وقـتِ

وفي ليلة العرس الموفـق بالـذات ....ادعـــي الـكـريـم إذا سـجـدتـي

والتعري لاترضين عند الكوفيـرات ....ولبسـك يملـى العـيـن اذا لبسـتـي

الله يرزق لك وحده بالزوج الصالح المستقيم

الله يعين والله يساعد
الدنيا ما تجي بالتساهيل يا أم بدر
القصيدة جميلة
ولكن ينقصها فقط التنسيق
شكراً لك

فوكاهيه

والزواج إذا كان بين الزوجين سعيد فالوزن يزيد و وإذا كان عكس ذلك الفوزن ينقص والتوفيق بيد الله