الشاعر محمد المريري الحارثي

بسم لله الرحمن الرحيم

يدور الزمن ويبين اللاش

والرجال
يبين الكفو واللاش ما بانت
فعوله
وأنا لو تمر اجيال واجيال بعد
اجيال
علومي تجمل مع هل الطيب
والطوله
تراني جمل وأن عودت للحمول
جمال
اشيل الحمل واللاش طاحتبه
حموله
يكفيني اني حارثي والرجال
افعال
وأنا قد هرجي وارفع الصوت
واقوله
بني الحارث بيوم الملاقآ تشوف
اابطال
ولدهم يدوس الموت ياطاه
برجوله
على ارض العدا يوم نزلوها يجي زلزال
نهار اللقى ربعي لهم صوله
وجوله
يجونك جموع اليا احتمى الهوش
ثم تنهال
بروس البنادق تطلب المجد
وتنوله
يجونك جموع أن جيت اوصف تقول جبال
تشوف العدا من فعلهم حيل
مذهوله
يجونك سرايا عسكريه بدون
بدال
بثوب الشرف ياتون وتحقق
بطوله
على الخيل وضهور البعارين كم
خيال
بعارين تطوي الدرب ما هيب
معقوله
وشايبهم اليامنه صاح افزعوا يا
عيال
تجيه العيال تقول مرضى
ومهبوله
بيوم الوطيس الحامي تشوفهم
جهال
يعشقون صوت الحرب لا دقت
طبوله
واذا جا نهار السلم هل حكمه
وعقال
على دين ربي طبقوا سنة
رسوله
بني الحارث معشين ذيب الخلا
الرحال
ثمانين ليله تجبر الكسر
برجوله
ثمانين ليله ضيفهم لين طاب
الحال
فعايل بني الحارث ولا هيب
مجهوله
ومنهو لفاهم ضيف يبشر بطيب
الفال
يحصل نشاما لأقبل الضيف
فزوله
تراحيبهم تبهجه وارحب هلا
تنقال
تراحيبهم للضيف حلوه
ومعسوله
يقلط وينساقله لامن قلط
فنجال
لياما انتهى الفنجال فنجال
ساقوله
واذا هز فنجاله وكرم وراق
البال
سمين الغنم بعد اشقر البن
محصوله
كريمين وأن جا الضيف كنه يجينا
هبال
نحب الكرم ونفوسنا فيه
مشغوله
ولدنا الصغير اللي بعمر الشهر ما زال
يرحب بضيفانه وهو وسط
هندوله
هني الدخيل اللي زبنا وقلبه
ذال
امان الله يغطيه لا شافنا
حوله
ما دام اسمنا جمرة عرب ليه ما
نختال
ونذكر فعايلنا وكلن له
فعوله
وكل القبايل والنعم والنعم
تنقال
اقوله بليا كذب والكذب
وشهوله
ختمت القصيده والنهايه بسوي
ارسال
لمنهو يشك بفعلنا جته
مرسوله

الشاعر / محمد عبدالله مظف المريري الحارثي
وسلامتكم

سالم وغانم وصح لسانك وبيض الله وجهك على هالعصماء ويستاهلون بالحارث
ومن غير قصور ببقية القبائل شاعرنا محمد المريري قصيدتك تستحق الثناء
وتقبل تحياتي

لاهنت على المرور المميز وتقبل تحياتي الـــمــــريــــري

لاهنت ياولد عمي على القصيدة الجزلة اخوك محمد بن مظف المريري الحارثي

بيض لله وجهك يا ابو مظف على المرور المميز تقبل تحياتي الـــمـــــريـــــــــــري

عساك سالم يامحمد وصح لسانك مليون ولايسدون

كفو والله فيك وبربعك وبقبيلتك ومافيكم قصور

ونعم فيكم جميع ...

والكرم والجود والشجاعة للرجاجيل الطيبين مثلك وشرواك

ومافيه تشكيك بقبيلة لها صيتها بين القبايل "

تــــرف لله لا يهينك على المرور العطر

المريري


شكرآ لك على تنزيل قصيدتي

والشكر للجميع على المرور

ولكن القصيدة قد سبق تنزيلها من قبل

وأرجو التأكد قبل تنزيل القصيدة


لا خلا ولا عدم

قصيدة فخرية من الطراز الأول .

صح لسانك يا محمد .
ولك حق تفتخر .

لله لا يهينك يامحمد على المرور العطر