الخطا موتها

اخواني واخواتي اعضاء هذا الصرح الشامخ

اضع بين ايديكم هذه الابيات والتي ارسلتها ووجهتها للشيخ سليمان الجبيلان

اتمنى ان تحوز على رضاكم واعذروني لانني سأغيب عنكم فتره وان شاء الله ماهي طويله

ياسلامي على سليمان رديه=للجبيلان شيخ الطيب منصاها

شيخنا اللي شهر صيته وطاريه=متًبع سنة الهادي وممشاها

من رجالٍ صفوا لله بالنيه=اكرمو الدين يالله تكرم لحاها

بعد تسليمةٍ جاتك ومثنيه=ويش حال الرعيه جوف مرعاها

العرب بالخصوص وبالسنه ذيه=عن هل الدين قفت تسحب خطاها

روحت تتبع الموضه ومعميه=يالله انك تجازي من هو اعماها

روح الدين واهله راحو ضحيه=من هل الغرب هذي ليه نكناها

مابقى منهم الا نصف وشويه=حسبةٍ راية التوحيد تحماها

يوم تشرى النصيحه غير مهديه=كل مسلم مشى فيها وقداها

لكن اليوم مهديه ومعطيه=واكثر الناس ياخذها وينساها

ياعرب حطو ايديكم مع ايديه=وكل نفسٍ عن الزلات ننهاها

التلاحم وصيه واكبر وصيه=قال محمد المبعوث واوصاها

والشهادة ترا بصدورنا حيه=الخطا موتها والصح محياها

يالله اني دخيلك من ردى النيه=وان نفسي عن الشهوات تحداها

كلمات/ سامي عايض الشدادي

صــح لسانك وبيض الله وجهك ,,
يستاهل الجبيلان ,,

ودي

كفو والله يا أبو عايض
وصح لسانك ملايين

يستاهل والله الشيخ سليمان الجبيلان
كل خير وكل مدح وثناء
الله يعافيك ويبارك فيك

حياك الله ومرحبا فيك وعسا سلامك وصل الشيخ ووصيتك وتساؤلاتك ..

صح إلسانك يا مبدع وقصيدتك بالحيل أعجبتني ...

..

سلمت ودمت

يالله اني دخيلك من ردي النيه
وان نفسي عن الشهوات تحماها
الله يجزاك خير يابو عايض ويبيض وجهك على هالقصيده الراقي وهالمعاني الجميله ويستاهل الجبيلان والله انه من الشيوخ المحبوبين اللى لكلامهم ومحاضراتهم تاثير وبالذات في الشباب سلمت وسلم راسك والله يعطيك الف عافيه تقبل تحياتي,,,,

صح لسانك بالذيب على هالجزاله من راس جزل
بيض الله وجهك

احترامي