الشيخ ابن مهرس له القول لاقال

السلام عليكم ورحمة الله وبركاته

هذي القصيده قلتها عندما سيرت في الديره وتذكرت

منازل البدو الاولين ومساكنهم عندما كانوا يرعون ادباشهم

وياردون على العدود

واليوووم هي خاليه ماكن سكنها ولا حي

امس الضحى عديت في رووس الاطلال=في قمتٍ ترى المولع صعدها
وشفت الديار وشوفها يشرح البال=ولا همني شوف القرى مع بلدها
وضلع البقوم المعترض فشهب الال=شوفه يريح خاطري من عقدها
جبل مرسي مايجي مثله اجبال=في ديرة ابقومٍ قوين جهدها
وشفت الديار المخليه ماش نزال=وترى انزول الارض قالو عمدها
وشفت الخلي وبعد ماشفت مهتال=اخذتهم الدنيا وقفو بيدها
ماغار اشوف اجبال واشعاب وارمال=من بعد حيٍ ياحسوفي فقدها
الباديه تقطعو قطعت احبال=حبلٍ بعد قوه قصر ما وردها
راحت خيام البدو ياريف الحال=سبع سنواتٍ بعد قلع وتدها
يالله تبدل حالة الناس بحوال=شبت سنينٍ والغلا ثم طردها
وشفت الفنود اللي تورخ للجيال=وعدن عساه بسيل سحب ورعدها
والباضه اللي دارها افكار عقال=واهل الحسد ماعندها الا حسدها
حنى شدادينٍ هل الخيل والمال=واهل الكرم محدٍ بقوله جحدها
تكاتفوا يالربع والدهر ميال =ميل على الشجعان موت وحصدها
ياشيخنا ياعلي من روس الابطال=يوم السنين الشهب يالع وقدها
الشيخ ابن مهرس له القول لاقال=شيخ القبيله للقبيله سندها
واليوم دنياً تجمع الوان واشكال=وشفت الحصاني تلتفت في فهدها
واليوم شعار الشدادين تنهال=وعان الخطيبه مار وينه ولدها
من دونها حارس معه عدته اقفال=وسبعة سيوفٍ للمقابل جردها
حارس ويعرف كل مطلع ومدخال=وحراسته من فكرته وعتمدها
حارس تبهذل في زمانه تبهذال=وعند الوعيده ما يغير وعدها
والله يعزك يابو متعب لنا اضلال=جتنا العطايا مابنحصي عددها
وسلطان مع نايف شجيعين ورجال=واحمد وسلمان الرجوله رصدها
وصلو على محمد عدد نبت وخيال=شفيعنا من هول نار ونكدها

صح لساااانك ملاييييين

وبيض الله وجهك يابوعلي

قصيده جزله من شاعر جزل

لاهنت

		المشاركة الأصلية بواسطة : بحر القوافي اقتباس
	صح لساااانك ملاييييين وبيض الله وجهك يابوعلي قصيده جزله من شاعر جزل لاهنت

صح بدنك ياعبدالله وحياك الله

لاهنت

يا مرحبابك والله يا بو علي

صح لسانك وعلا شانك
قصيدة جزلة من راسٍ جزل

لاهنت يالذيــــــب
والله يخليلنا أميرنا ابن مهرس ويطول في عمره

الله يعطيكت ألف عافية يا أبو علي على هاذي

الأبيات الجزلة وماألومكـ في القصيدة



تحياتي لشخصكـ الكريم

صح لسانك
يابو علي
نص وافي
والله لايلومك
يوم
قلتها
والله يرحم الاولين
ولا يضرك

يا مرحا تراحيب المطر يا شاعرنا الجزل
أبو علي
والله إن الديرة تغيرت وأهلها راحوا عنها
اللي رحل عنها واللي توفي الله يرحمه
كل شيء تغير

صح لسانك ملايين يا الذيب
ولا هنت

		المشاركة الأصلية بواسطة : ابن الأمير اقتباس
	يا مرحبابك والله يا بو علي صح لسانك وعلا شانك قصيدة جزلة من راسٍ جزل لاهنت يالذيــــــب والله يخليلنا أميرنا ابن مهرس ويطول في عمره

ياهلا يابن الامير

صح بدنك

لاهنت

الشيخ بن مهرس له القول لاقال
شيخ القبيله للقبيله سندها
كفو والله يطول في عمره ويجعله على القوه دايم وصح لسانك مليارات يابو على والله يسقي الدير عموم ويردعليها اهلها ويجمع الناس على المحبه والوفا والعلم الغانم ويلعن ابليس واعوانه
تقبل تحياتي,,

صحت ابدانكم ووجيهكم بيض
ماقصرتوا والله لايهينكم