إلى الشاعر/ سعد العضياني مع التحية

إلى أخوي الشاعر / سعد العضياني


أنت قامه شعريه ولي شرف مساجلتك ومراسلتك


وأرجو أن تسمح لي بذلك

وهذه أبيات مجرد دعابه بسيطه للضحك والتنفيس عن الروح وتغيير الجو فقط .






مني رساله على اسرع وجه فورياً

......................................... للشاعر اللي يغيب وقصد يتواجد

مثل إتفاق أوسلو مرفوض قطعياً

..................................... حنا جماعه وربع وصفنا واحد

حي الله اللي يشيل المجد حصرياً

................................... والظاهر إنه على أغلب ظن متقاعد

.ويطرد ورى البل حب أعماق جذرياً

................................... وهاذيك ضاعت . وهذي دوبها والد

مفروض أشوفه هنا . موجود يومياً

................................... شاعر وفيصل ولعيون الشعر ناقد

المجد قمة سهل واكيد حتمياً

................................ صعب المحافظ عليه ألا مع مجاهد

وبطل حركات الأكشن ماش عفوياً

................................... الله هو اللي على نياتنا شاهد

هذا من الرأي ولي حق شعرياً

.................................. أقول ماجا على بالي بلا ناصد

وإن كان ماهمك اللي قلت فرضياً

................................. أنا على حق وأنته شاهد وجاحد

وأنا بنافس كبار الروس نفطياً !

.................................. وأنته على قولة الشيبان مت قاعد

كفو والله يا أبو علي
شاعر كبير ومتمكن وصح لسانك

ويستاهل شاعرنا أبو نواف كل خير
وننتظر حضوره ومشاركته

الله يبيض وجيهكم

اخي ساير
تشرفت بهذه المشاركة
واليك هذا الرد الكيبوردي والمعذره على التقصير

مني جواب الرسالة ضرف سّرياً=للشاعر اللي رصيده في الشعر واجد
فحوى الرسالة سند وإقرار خطياً=أنا وساير سوات السيف والساعد
أصحاب ما بيننا موقف عدائياً= الجد واحد ودايم جمرنا واقد
ياصاحبي لا تجيب العلم ظنياً=ثلاثه عقود مرت والعمر صاعد
يهزنا الشوق يوم يهل وسمياً=مزناً تسوقه رياح البرق والراعد
غيري مؤكل من الاجواد رسمياً=وان غاب يومين لازم يفقده فاقد
ما نطلع المجد فوق بدعم قومياً=والرزق قسمه لكن ما حصله راقد
أفلام الاكشن ما اتابعها نهائياً=اتبع خطى اللي لربه راكع وساجد
وان كان ياصاحبي توك بدائياً=بعطيك درس الحياة وعيش يالواعد
احسب خطاويك شرقياً وغربياً=وعاهد على سيرة أبطال العرب عاهد

نسق يابندر النايف لاهنت

اخوي/وحى الالم
لله درك من شاعريمتلك عنان القصيده
بهذه الحرفنه وهذا السهل الممتنع
ولله در شاعر المنتدى على هذا الردود الوافي والمتقن
استمتعت حقا بهذه المساجله الخفيفه الراقيه
لاخلى ولاعدم يابني عمي
وصحت السنتكم وبيضان وجيه
تقبلو مروري المتواضع وخالص تحياتي

الشاعر / سعد العضياني

ونعم وصح لسانك ولاهنت


ونتعلم منك طال عمرك


وهذا هو الهدف والظن السوء الله يبعدنا عنه جميع

تشرفت بردك وتقبل جزيل تقديري

اخوي السلطان

اخوي جزل البيان


سلمتوا ولاهنتوا

اخي وحي الالم
تحياتي لك يالغالي
شاعر كبير ومنك نستفيد
ومثلك مكسب حقيقي
للمنتدى واعضاءه وزواره
سجل احترامي ومتابعتي
تحياتي لك

صح لسانك وحي الالم وبيض الله وجهك
ويستاهل شاعرنا سعد العيضاني
والله يبيض وجيهكم ولاهنتو جميع

سلمتي يا غلا ولاهنتي

نسيت الموضوع توي افتكر


وامر على القصيده


شكرا على المرور

ابو علي
.
سعد العضياني
.

صحة السنتكم مبدعين وجميله هذه المساجلات بينكم
وهي حتما تصب في مصلحة الشاعر
بلا شك ان اخوي وحي الالم يطرحها لتعم الفائده للجميع
موفقين ان شاء الله
دمتم
بخير