اعيش يومي

أعيش يومي مااتغلب في بكـــره=بكره على اللي يعلم السر والغيب
اللي جعل لللعبد يسره وعســره=يــقــلّــب الأيـــــام بالـحـــق تقليب
واللي جــعــل للعـبد نفـعـه وضره=حــيــاتـنـا مـن عـنـد ربـي مـكـاتيب
وأعجب لناس في ملامه وحسره=تـجــري ورى الــدنيا بليّا مكــاسيب
الله خــلق عـبـده وعـمـره وقــدره=رزقـك يجـي مـن دون شـك ولاريب
مايـظـلمك لــوكــــان مـثـقـال ذره=علمك محسّب في صحيفتك تحسيب
والعبد مــاله عــذر لو سـاق عذره=في يــوم تسأل وانت ماتقدر تجيب
جلد الفتى يشـــهد ورجله وظفره=باللي مضى حــق وعــــدل وترتيب
خــل الـزمن يمشي بفكـره ودبـره=يـاعـبـد يامـخلـوق وفّـي المطـاليب
وفّـي حـقـوق الله وذكــره وشـكره=فـي شـيبتك إلين يالطيّب تشـــيب
ولاتـحـتـقـر للــذنب مــن زود صغره=لابــــد مــاللـــذنب شــر الـعـواقيب
والمجتمع مـيّـز غـــرابـــه وصــقــره=وبيت الــردا هيهات تلقى به الطيب
والصــقر يـنـجــب له شـياهين حره=أحـــرار مـبـداها بــروس الـمــراقيب
وأمــا الـغـراب غــراب طـبـع ونـظـره=أقشــر وفــاله فــال ســود الغـرابيب
وإحــذر لسـانك فـي كـلامك تجــرّه=يرميك فـي ســود الـدروب الغياهيب
والـهـرج لـــه دل وســـلـم وخــبــره=وإسأل رجـال العرف عكف الأشانيب
أوزن كــــلامــك ألـــف مـــره ومـــره=وأعلم تـــرى للـهـرج رهـبـه وترهيب
والبخــل لــراعـي البـخــل مــايســـــره=إحـــذر مـنـه لاتـقـفـل الـبـاب والـجــيب
كــم من رجــل هـــامه وقـــــامه ونظره=لكـــن فــيــه البخـــل يــــاصــاحبي عيب
وتـــرى البخــــــيل إن قــــام ينهـــد جدره=وقــلبــك على الـطـاعـات درّبــه تـــدريب
وخـــذ مــن الأحـــداث فـــكــره وعــبــــره=ومن هوالذي مخطي ومن هواللي مصيب
وراعــــي الـتـكـــبر لاتــــأثــــر بكبره=مــريض جـيـبـوا لـــه طبيب وتطبيب
والســـر خـــلـــه بالســويــدا مـقـره=إحـــذر تــذيـعـه وإجـتهـد في المواجيب
والضـيف رحّـــب بــه ببشـر ومســرّه=الضــيـف كـــثّر لـه تـحـيه وتــرحيب
والجـــار لايشـكـي الأذى والـمضــره=ولايـلــحـقـه ظـنـه ولـــــوم وتثـريب
ومـــن يــــوصـــــل الأقــــراب لله دره=ياصــله ربـي يــــوم فـتـل اللــواليب
وراعي النميمه إكفي الناس شـــره=خـــله يـــروح بـحـــاميات اللـواهيب
لاتســـمـعـه وأقــفــل بحـوره وبـرّه=يمكــن يـسير ولايـلاقـي معــازيب
والصبر راعي الصبر مشـــكور صبره=حـكـيــم مـــدرك ســرّها والتراتيب
وصــلوا عـلـى مـن وضّـــح الله امره=أوجب لنا الإســـلام بالعدل توجيب

منقوووووووول
تقبلووووو تحياتي

مشكور اخي على اختيارك

لكن الرجاء تنسيق القصيدة بالطريقه هذي القصيدة غير مرغوبه

دمت بود

مكشور اخوي على الابيات

وصح لسان شااااعرهاااا

اختيار جميل جداً أخوي بندر

الله يسلمك ويطول عمرك

ومشكور على حسن الاختيار

مشكور اخوي على النقل

واللاختيار الرائع

ولاهنت يالغالي

تقبل مروري الغربي

حياكم الله جميع

وصحت ابدانكم نيابه عن الشاعر


وتقبلووو تحياتي

اختيار جميل اخوي بندر صح لسان شاعرها وسلمت يداك على النقل
بانتظار جديدك
دمت بود

سلمتي يانور وهذا من ذووقك الرفيع


تقبلي تحياتي