ملفي ولـد مفلح ليـا رد من وين

بديت بإسم اللي لـه الخلق راجين= الواحـد المعبود عــالي المكـانه
ومن بعد ذكـره بستعيذ الشياطين = وبختار من بـالي كــلام الـرزانه
واجاوب اللي سـآل وين الشدادين= وفـي المنتدى حـط السؤال بتقانه
لقيت مكتوبه وانـا اقـرأ العناوين = وفهمت مـوضوعه وسهل امتحانه
وكتبت لـه من خاطري حول بيتين = عـن لابتي والهرج خيره سمـانه
واقول حنا ساسنا من القحــاطين = وجـدي مع أهل الطيب ياكبر شانه
ملفي ولـد مفلح ليـا رد من وين = الضيغمي معـروف بـأول زمـانه
يوم إن جاره مــات بين الموالين = سبعه ذبحهم من ربـوعه قــرانه
سبعه نقاهم كــل ابوهم شجيعين = من شـان مايـذكر بفعلـه جبـانه
وعــذر على جـاره بعذر الوفيين = ولاقال فـي جـاري قبلت اللعـانه
وقال العذر ياجــار محنا براضين= ولاارضى عليك خـلاف ولامـهانه
وودع من دياره وأخذ وقت وسنين = واليوم ذكره حـان قوله بــاوانه
وغارم مع رجـال شيوخٍ سلاطين = وفـي الحارثية جــاء لملفي بطانه
قبيلةٍ ســاروا عـلى منهج الدين = والطيب لـزموا مقعده مـع عنانه
ذبـاحة الحـايل وسقم المعـادين = أهــل العقول الـواعيه والذهانه
الاد شـداد هــل الماقف الزين = وخير الكـلام اللـي صحيحٍ بيــانه
وصلاة ربي عــد جمـع الملبين = على الرسول اللـي بعث باالأمـانه

بيض الله وجهك وانا ولد عمك يا ابن هليل عز الله انك شدادي عريب الجد والساس لاعدمناك تسلم يا الغالي ............... ابن مهرس

	الطيّب انتعزوابه لا عدمناه = والا المهبل يا عساها تولي

	ربعي بني شداد كرب وعواقيب = على العدى والا الصديق امحشومي

ووجهك ابيض وانا اخوك وصح بدنك ياعريب الجد....
وشكرا على مرورك.

صح لسانك يابن هليل

القصيده رائعه من افضل

القصايد لاهنت ويعطك العافيه

صح لسانك يابن هليل القصيده رائعه 0 تحياتي

		المشاركة الأصلية بواسطة : ابن هليل اقتباس
	واقول حنا ساسنا من القحــاطين = وجـدي مع أهل الطيب ياكبر شانه ملفي ولـد مفلح ليـا رد من وين = الظيغمي معـروف بـأول زمـانه

ابن هليل صح لسانك وبيض الله وجهك وقول وفعل يا أبنا العم

وتقبل تحياتي
ضاوي العبيدي

وودع من دياره وأخذ وقت وسنين=واليوم ذكره حان قولـه باوانـه
وغارم مع رجال شيوخٍ سلاطيـن=وفي الحارثية جاء لملفي بطانـه

والله والنعم .. فيك وفي السلاطين ..
القصيدة تشعرك بالحماس والفخر

ذباحة الحايـل وسقـم المعاديـن=أهل العقـول الواعيـه والذهانـه
الاد شـداد هـل الماقـف الزيـن=وخير الكلام اللي صحيـحٍ بيانـه

صح لسانك يا ابن هليل وحياك الله بين ربعك وجماعتك

شرفتنا بحضورك ومشاركتك

وما هو غريب على مثلك من الرجال مدح جماعته وعيال عمه

قلت وأجزلت ووضحت وما قصرت

وما أقول إلا الله يعيطك العافية وبيض الله وجهك

ننتظر منك المزيد والجديد وما نسمح لك أبداً تغيب.

صح لسانك يابن هليل

وبيض الله وجهك

يعطيك العافيه وفي انتظار القادم

صح لسانك يابو طراخم قصيدة رائعة
ولاهنت يامسلط.....