قصيده للشاعر فيصل الرياحي

قصيده مختاره للشاعر الكبير فيصل الرياحي

ياوديع السر خل السـر خافـي=أكبر من الظن ، أقل من الجريمه
المباراه إنتهت والستـر ظافـي=ياحبيبـي كـل غلطـه بتعليمـه
لاتلاعبني على الشوط الإضافـي=إلا واللعبـه قواعدهـا سليمـه
قبل تدخل في نظـام الإحترافـي=طيع شوري عدّل اخطاك الجسيمه
علق أمالك على قلـب السنافـي=يعتني بك حب وإخلاص وعزيمه
لاتعلقها علـى رقـاب الزرافـي=أعتقد مافي زراف الغاب شيمـه!
من عذاب الغدر يسلم كل وافـي=والوفاء منهاج الأفكار الحكيمـه
غلطة الجاهل لها سبعين رافـي=وغلطة العاقل عواقبها وخيمـه
والقلوب اللـي نواياهـا نظافـي=ماتلاقا مـع قلـوبٍ مستهيمـه
نجم ساطع ماينور نجـم طافـي=لو يعود النور للعيـن الكريمـه!
ومن يريد المقبلات من المقافـي=مثل طلاب العداله من خصيمه !
والسمان اللي تلفـت للعجافـي=بينها تفرق وسيمه عن وسيمه!
دورة الدنيـا دليـل الإختـلافـي=مامع الأيـام حالـه مستديمـه
كـل ماقلنـا يلحفهـا اللحافـي=ترفع الجلسه ويقفا السيل ديمـه
لوعقدنا مؤتمر فـض الخلافـي=مؤتمرات العـرب دايـم عقيمـه
إترك إسلوب التنازع والتجافـي=وإلتحق بالركب يامـال الغنيمـه
الهوى راعيه لو قيـل متعافـي=الوله يقـلاه والفرقـا تضيمـه
ياحبيبي خل جـو الحـب دافـي=وأرسل القلب يتمتع فـي نعيمـه
ماعليك من العـذول ولاتخافـي=إتركه يعزف على دقـه قديمـه!
مثل الأخـلاق والبعـد الثقافـي=تنتصر في عالـمٍ كلـه هزيمـه
ياهواي العذب يازيـن الملافـي=يالحنان اللي عسى ربي يديمـه
جوهره ياجوهره والوصف كافي=أنت قيمه مايعادلهـا أي قيمـه
ياذهب يالول يامرجـان صافـي=ياخلاصة كل الأحجـار الكريمـه
لاتعاند، خل جـو الحـب دافـي=وأرسل القلب يتمتع فـي نعيمـه

صح لسان الشاعر الكبير فيصل الرياحي

اختيار رائع


الرهاوي

تسلم على النقل الله يعافيك

الله أكبر .. قصيدة بالفعل رائعة .. صح لسان فيصل

و

مشكور أخوي الرهاوي . على النقل الوايد حلووووو

قصيدة من عيون الشعر..لاهنت..
على النقل!!

صح لسان الشاعر فيصل الرياحي

إختيار رآئع أخوي الرهاوي

يعطيكـ العافيه

الله يسلمك ويجمل حالك على ايراد هذه الرائعه الشكر لجهودك
..

قال الشاعر من غاص غبات البحر جاب درا
والرهاوي غاص وجاب من الدرر اغلاها
صح لسان القايل
وسلم بنان الناقل

موفق جداً في الاختيارات يالرهاوي

الله يسلمك ويبارك في عمرك

صح لسان الشاعر ولاهنت اخي الكريم

اختيارك راااااااااائع تحيتي لك

مشكور يا الرهاوي على الإختيار وصح لسانك ولسان الرياحي