غالي باسم المحبة

صباحكم / مساكم فل وورد وجوري


هاذي اول مشاركه لي فالمنتدى واتمنى ان تنال اعجابكم

غالي باسم المحبة

وين أنت ياللي مشغل البال وين انت=فكري خذيته ما بقى له بقايا
عذبتني وانا على صوتك ادمنت=ولك الغلاء من بين كل البرايا
حبك ثبت في داخل القلب واعلنت=مسكنك في وسط الضلوع الحنايا
يا زين ياللي في حياتي تمكنت =جددت في قلبي جروح وخفايا
تعال وامسح دمعة العين لاهنت=وارفق بقلب فيه عدة كوايا
عزا الله انك في عذابي تفننت=وسويت في شخص يحبك سوايا
وانا معك يازين وافي ولا خنت=وجيتك وفي صدري علوم وحكايا
وش كنت انا يا صاحبي وانت وش كنت=توي دريت ان الهوى له مزايا
ملكتني من غير ما اختار واذعنت=واسري بحبك في جميع النحايا
وياما بدت من القصايد ولحنت=واهديتها لك ياجميل السجايا
يا غالي باسم المحبة تسلطنت=وردتني بأيديك حوض المنايا
في عينك اليمنى خطر حيث عاينت=وفي عينك اليسرى جيوش وسرايا
يا من على حبك مع الناس راهنت=مدري متى تروي كبود ضمايا

اختكم : اماني الجدعاني (ام بدر )

ام بدر
مررررررررره رووووووووووووعه
يعطيك العافيه يالغاليه ^_^

يا هلا والله بشاعرتنا أماني الجدعاني
والله يحييك في منتداك
سعدنا بحضورك ومشاركتك معنا
وصح لسانك على هذه الرائعة
ونتمنى أن نقرأ لك المزيد دائماً

الله يعطيكـ العافيه لكـ مني كل الأحتراموجزيلالشكر لعطائكـ المميز دمتي دوووما متمـيزةودام ابداعكـ وعطائكـ بإنتظارالقـادم الأجمـل تقبلي مروري

مبدعة بارك الله فيك يا أم بدر

صح لسانك وعلا شانك

ننتظر جديدك

أم بدر


قصيدة في قمة الجمال والروعة تسلمين

وينطيك العافية

		المشاركة الأصلية بواسطة : اقتباس
	يــا غـالــي بـاســم المـحـبـة تسلـطـنـت وردتــنــي بـأيـديــك حــــوض الـمـنـايــا فـي عينـك اليمنـى خطـر حـيـث عايـنـت وفـي عينـك اليسـرى جـيـوش وسـرايـا يـا مـن علـى حبـك مـع النـاس راهنـت مـــدري مـتــى تـــروي كـبــود ضـمـايـا

اتمنى من كل قلبي ان تكسبي رهانك

اختي اماني

صح الله لسانك ابيات قمة بالشاعرية و الروعة


سلمت يمينك

حياك الله بين اخوانك وخواتك

وصح لسانك

حياك الله اختي ام بدر


قصيدة رائعة


الله يعطيك العافية

صح لسانك أختي ..
قصيدة رائعة جدا ..
تشكرين عليها ..