هم ..وآلم

مدخل

هي ليست قصيده

هي مجرد الآم يعتصرها قلبي

الآم دخلت فوادي واستقرت به بعد ان طاب لها المقام بداخله

فقلبي يضم كل من دخله في راحتيه

ويجعله يستقر بأمان

وبعد ان حلت به واخذت النصيب الآكبر من الراحه والطمانينه

..ولهت واستمتعت

استطاع قلبي ..ان ينزف لكم بعضا من ..اضرار ومخاطر

هذه الآلآم والهموم التي اصبحت جزءٍ منه

على الله ياعيونٍ ساهره عيت تذوق النوم=على الله ياهواجيس الزمان وكل لوعاته
على الله ياهمومٍ .. بالعنا صارت علي تحوم=على الله ياتعاسة قلبي اللي جر وناته
اساير خاطرٍ ضايق واهدي صرخة المظلوم=واطمن كل مفجوعٍ فقد صبره وحيلاته
عطيت الناس بيديني ..وصرت من العطا محروم=رسمت الصوره بعيني..وجاب الوقت طعاته
وثقة بقلبه الوافي..وصرت..من الثقه مصدوم=صدمني حظي العاثر .وعوقني بصدماته
رميت هموم قلبي..ثم جتني دنيتي بهموم=ضحكت لوقتي القاسي.ولاشاهدت ضحكاته
اشوف ..الوقت يعصاني ويطرح من سماي نجوم=واقول الله من وقت سقاني كاس نكباته
غرابيل الزمن دارت على قلبي لها كم يوم=واشوف الناس كل مختلف طبعه وعاداته
رضيت بقسمتي والعبد لازم يقبل المقسوم=ليامنه بغا توفيق مولانا ومرضاته
ولكن النفوس استوحشت والعلم فيه علوم=وانا قلبي يغطيه الوفا في كل حالاته
بخيط جرحي المدمي..بسبة خنجرٍ مسموم=واعالج طعنتي ..وانسى الم ..جرحي ونزفاته
لجل مايفرح الشامت..ولايحسب همومي كوم=لاجل ماينطق الصامت..وفيني يتعب شفاته
بصدر من عذاب القلب ..للي يعذره مرسوم=واوقف دمعي بعيني قبل تزداد قطراته
شموخي ماجرفني في دروب مغتشيها اللوم=طموحي مايوهقني ..بوقت زاد هفواته
ولكن الهموم ..القاسيه تفتزني بحلوم=ولكن القلوب الناسيه..بالحيل شماته
على الله ياتعاسة دنيتي ياحظي المحروم=على الله ياجروح زودت للقلب حسراته

مخرج

الله من قلبٍ همومه كلها دايم ثقال

اشقت حياتي واتعبتني لين شانت دنيتي

دنيا بها غدر وهجر بعد النصب والاحتيال

وابها الخيانه واللعانه زودت لي حسرتي

الغربي

صح السانك ملايين بل هي قصيدة

اخي الغربي وخواطر
شكرا

وما منك قصور

والله ماأدري وش أرد عليك ياأمير القوافي
دمت بخير

		المشاركة الأصلية بواسطة : اقتباس
	عطيت الناس بيديني ..وصرت من العطا محـروم

		المشاركة الأصلية بواسطة : اقتباس
	رسـمــت الـصــوره بعـيـنـي..وجـاب الــوقــت طـعـاتــه وثـقـة بقلـبـه الوافي..وصـرت..مـن الثـقـه مـصـدوم صـدمــنــي حــظـــي الـعــاثــر .وعـوقــنــي بـصـدمــاتــه

قصيده راااااااااااااااااااااائعه

و بيض الله وجهك يا الغربي

الله يعطيك العافيه

ماهي غريبه عليك

ياشاعرنا

تقبل مروررررررررري

صح لسانك يالغربي وبيض الله وجهك
وهاذي هي الدنيا يوم لك ويوم عليك
والله يعطيك خيرها ويكفيك شرها

قصيده راااااااااااااااااااااائعة حيل
وعسى الله يعطيك راحت البال دوم ويبعد عنك الهموم ياااااااارب

الغربي...

رائع ماسطرته لنا بالرغم من حـزنـهـ

دام نبض قلمك وبوحك الراقي

لك ودي

دائمة السمو..

وثـقـة بقلـبـه الوافي..وصـرت..مـن الثـقـه مـصـدوم
صـدمــنــي حــظـــي الـعــاثــر .وعـوقــنــي بـصـدمــاتــه
رمـيــت هــمــوم قـلـبـي..ثـم جـتـنــي دنـيـتــي بـهـمــوم
ضـحـكــت لـوقــتــي الـقـاسـي.ولاشـاهـدت ضـحـكـاتــه

تعودنا الإبداع منك يا الغربي ..

بـخـيــط جــرحــي المدمـي..بـسـبـة خـنـجــرٍ مـســمــوم
واعـالـج طعنـتـي ..وانـسـى الــم ..جـرحـي ونـزفـاتـه
لـجـل مـايـفـرح الشامت..ولايـحـسـب هـمـومـي كـــوم
لاجـــل مايـنـطـق الصامت..وفـيـنـي يـتـعـب شـفـاتــه

الله على قوة الجرح الممزوج بالشموخ
ألم بصمت
وعزة تصدح في الآفاق

صح لسانك مليون ولا يوفون ..

صحّ لسانك يالغربي

مبدع كعادتك

لاهنت إن شاءالله ........

		المشاركة الأصلية بواسطة : معاند الجرح اقتباس
	صح السانك ملايين بل هي قصيدة اخي الغربي وخواطر شكرا وما منك قصور

صح بدنك يامعاند الجرح

ولاهنت على مرورك