حطاب المعاني

مساء الخير للجميع
اليكم

من الارشيف
احدى المساجلات
بيني وبين الشاعر
زعيم الحب
آمل أن ترتقي إلى حد
إرضاء ذائقتكم الشعريه
يقول نفــل

الثقيلة ليّ ..وانا اللي .. كل مـا غنيـت قافـي=قام حطاب المعاني .. يحطـب الجـزل ويكيلـه
لا حضر داعيه هلت .. مزنة الشعـر الخُرافـي=سيلها (سيل الدمار) .. ومـن تحدهـا تشيلـه
في تبجحها ملاك .. وفـي تواضعهـا عفافـي=غيضها من فيض جاشٍ ..ما عطـاك الا قليلـة
اعتزي ما فوق راسك راس .. وفعالك تشافـي=وكل شاعر بعد سطواتك .. يميز فـي حصيلـة
علميهم كيف .. سكراتي ..وصبري .. وانعطافي=وان نزلتي ساحةٍ للقـوم ..لا تبطيـن ..ليلـة
ارعـدي ثـم امطـري .. والله رزاق الفيافـي=دندني لك شاعراً لا قام .. مـا عـد الهزيلـة
واسرفي .. في كل شي .. الا محاصيل الخِرافي=وعرجي للشيخ تركي ..سيـد الشعـر ووكيلـه
واسئليه اسؤال واحد ..عـارفٍ كـل الخوافـي=ليه غربتنا؟ .. مـع الايـام .. سكتهـا طويلـة
كلمة الكذاب ترجح .. فـي موازيـن الخفافـي=وانت تعرفني بنِيَّـة .. مانـي ابعشـاق حيلـة
والعلوم اعلوم .. وسنيني ..تواليها .. عجافـي=والله اني ما عرفت البوق .. ومشعلة الفتيلـة
ولا حسبت حساب .. هذرتهم ..وميلت الرهافي=لين شفت ان القلوب اللي تخاطبنـي ..عليلـة
ميزوا ياعارفين القـول .. والشعـر احترافـي=ما عسرني قافي المطنـوخ .. لا ارد ..الدبيلـة
مير هب النود .. بعد .. النود ..عاقبها سوافي=والوسوم الها على المخطيـن .تأثيـر ودليلـة
والخشوم اللي من التكفيخ .. صايبهـا رعافـي=ما لها غير ..اسفه النباح .. و(ازيـده فشيلـة)

رديت عليه أقول

مرحبا من هاجس ٍ للهزل واهل الهـزل نافـي=مايشوش الا على انغام القـواف المستحيلـه
لاعزفها شاعر ٍ بثه مـع التشويـش صافـي=صاغها صوغ الذهب واسرج لسبك الجزل خيله
شاعر ٍ لا سجل اسمه تحت قاف الشعـر كافـي=لإندراجه في سجلات اجمل اصـدارات جيلـه
من فياض الفكر يقطف ورد جـزلات القوافـي=من بلاغه سحر قافه كـل هاجـس يستميلـه
وصفه الباذخ رغم ما يعتريـه مـن التجافـي=يرسم احساسه لنا لوحـات فنيـه جميلـه
له على شاطي محيطات الشعر عـدة مرافـي=وفي مياديـن الادب تشهـد قوافيـه الجزيلـه
شاعر ٍ قافه غيـور وللشعـر بالشعـر وافـي=شاعر ٍ مهمـا تزايـد جـور حملـه يرتكيلـه
مايضره من قدم رجله مع اهل الشعـر حافـي=شاعر ٍ غرسه هشيم ودايـم ٍ يرعـد مخيلـه
سفهته تدفن غليلـه فـي ضميـره يالسنافـي=والعنب يرجع زبيب وحبتـه تصبـح هزيلـه
المعادن لو تسـاوى وزنهـا فيهـا اختلافـي=الثمن يظهـر فـوارق نوعهـا وش ينتميلـه
والمشاكل ماوراهـا خيـر والدعـوى عوافـي=الكدش لـو اسرجوهـا ماتلـز مـع الاصيلـه
دفن نار الشر قبل تشـب كـان اخيـر رافـي=مايغيب الشر غير ليـا انقطـع دابـر سبيلـه
لجل ماتلقا هـل النمـه مجـال لمـا يضافـي=مختصر يغنيك عـن كثر الحكـي زبـدة قليلـه

وَ المشَاكِل ماوراهَا خير وَ الدعوُى عوافي
الكدّشْ لوُ أَسرجوُها مَاتلِز مع الأصيِلة !


وَ سلامٌ لِ المعانيِ وَ لأعيُن القافية سَلامْ
ملامِحُ العِز إِقتبسّت منْ شُرفة القافية هُنا
وَ تسلّل الفرحُ حيثُ هذا النوُر وَ الجمال
مُساجلة عَميقة جِداً بِ كُل مافيِها منْ عِطر
يُشبه المطر .


صحّت الألسُن وَ دام هذا النوُر البهيّ
حيثُ الثُريا تَستوُطن وَ بِ وشمْ التميّز تُزيّن

الله الله يا أبو سلمان
شاعر كبير ومبدع وكذلك الأخ زعيم الحب

ما قصرتوا يا بعدي
والله يبيض وجيهكم ويعلي قدركم
وإن شاء الله ستعود تلك الأيام قريباً بعون الله

تركي صح لسانك وبيض الله وجهك
على قصيدتك.
وايضا نفل ابن عايض
ولكم وافر التقدير

		المشاركة الأصلية بواسطة : ! سارة الغيد ! اقتباس
	وَ المشَاكِل ماوراهَا خير وَ الدعوُى عوافي الكدّشْ لوُ أَسرجوُها مَاتلِز مع الأصيِلة ! وَ سلامٌ لِ المعانيِ وَ لأعيُن القافية سَلامْ ملامِحُ العِز إِقتبسّت منْ شُرفة القافية هُنا وَ تسلّل الفرحُ حيثُ هذا النوُر وَ الجمال مُساجلة عَميقة جِداً بِ كُل مافيِها منْ عِطر يُشبه المطر . صحّت الألسُن وَ دام هذا النوُر البهيّ حيثُ الثُريا تَستوُطن وَ بِ وشمْ التميّز تُزيّن

الاخت الفاضله
سارة الغيد
صح بدنك
وسلمت يداك
شرفتي المتصفح

هلاومرحبا بشاعرنا تركي والله يسعدك لحضورك وجديدك وصحت الالسن وفقكم الله ومساءكم ورد

		المشاركة الأصلية بواسطة : السلطان اقتباس
	الله الله يا أبو سلمان شاعر كبير ومبدع وكذلك الأخ زعيم الحب ما قصرتوا يا بعدي والله يبيض وجيهكم ويعلي قدركم وإن شاء الله ستعود تلك الأيام قريباً بعون الله

مرحبا يابو عبدالله

شرفني مرورك

لاعدمتك

الـــلــه يــعــطــيــك الــعــافــيــة

		المشاركة الأصلية بواسطة : خيال الشدادين اقتباس
	تركي صح لسانك وبيض الله وجهك على قصيدتك. وايضا نفل ابن عايض ولكم وافر التقدير

صح بدنك يابو مشعل
ووجهك ابيض
لاعدمتك

		المشاركة الأصلية بواسطة : تركي الشدادي اقتباس
	مساء الخير للجميع اليكم من الارشيف احدى المساجلات بيني وبين الشاعر زعيم الحب آمل أن ترتقي إلى حد إرضاء ذائقتكم الشعريه يقول نفــل الثقيلة ليّ ..وانا اللي .. كل مـا غنيـت قافـي=قام حطاب المعاني .. يحطـب الجـزل ويكيلـه لا حضر داعيه هلت .. مزنة الشعـر الخُرافـي=سيلها (سيل الدمار) .. ومـن تحدهـا تشيلـه في تبجحها ملاك .. وفـي تواضعهـا عفافـي=غيضها من فيض جاشٍ ..ما عطـاك الا قليلـة اعتزي ما فوق راسك راس .. وفعالك تشافـي=وكل شاعر بعد سطواتك .. يميز فـي حصيلـة علميهم كيف .. سكراتي ..وصبري .. وانعطافي=وان نزلتي ساحةٍ للقـوم ..لا تبطيـن ..ليلـة ارعـدي ثـم امطـري .. والله رزاق الفيافـي=دندني لك شاعراً لا قام .. مـا عـد الهزيلـة واسرفي .. في كل شي .. الا محاصيل الخِرافي=وعرجي للشيخ تركي ..سيـد الشعـر ووكيلـه واسئليه اسؤال واحد ..عـارفٍ كـل الخوافـي=ليه غربتنا؟ .. مـع الايـام .. سكتهـا طويلـة كلمة الكذاب ترجح .. فـي موازيـن الخفافـي=وانت تعرفني بنِيَّـة .. مانـي ابعشـاق حيلـة والعلوم اعلوم .. وسنيني ..تواليها .. عجافـي=والله اني ما عرفت البوق .. ومشعلة الفتيلـة ولا حسبت حساب .. هذرتهم ..وميلت الرهافي=لين شفت ان القلوب اللي تخاطبنـي ..عليلـة ميزوا ياعارفين القـول .. والشعـر احترافـي=ما عسرني قافي المطنـوخ .. لا ارد ..الدبيلـة مير هب النود .. بعد .. النود ..عاقبها سوافي=والوسوم الها على المخطيـن .تأثيـر ودليلـة والخشوم اللي من التكفيخ .. صايبهـا رعافـي=ما لها غير ..اسفه النباح .. و(ازيـده فشيلـة) رديت عليه أقول مرحبا من هاجس ٍ للهزل واهل الهـزل نافـي=مايشوش الا على انغام القـواف المستحيلـه لاعزفها شاعر ٍ بثه مـع التشويـش صافـي=صاغها صوغ الذهب واسرج لسبك الجزل خيله شاعر ٍ لا سجل اسمه تحت قاف الشعـر كافـي=لإندراجه في سجلات اجمل اصـدارات جيلـه من فياض الفكر يقطف ورد جـزلات القوافـي=من بلاغه سحر قافه كـل هاجـس يستميلـه وصفه الباذخ رغم ما يعتريـه مـن التجافـي=يرسم احساسه لنا لوحـات فنيـه جميلـه له على شاطي محيطات الشعر عـدة مرافـي=وفي مياديـن الادب تشهـد قوافيـه الجزيلـه شاعر ٍ قافه غيـور وللشعـر بالشعـر وافـي=شاعر ٍ مهمـا تزايـد جـور حملـه يرتكيلـه مايضره من قدم رجله مع اهل الشعـر حافـي=شاعر ٍ غرسه هشيم ودايـم ٍ يرعـد مخيلـه سفهته تدفن غليلـه فـي ضميـره يالسنافـي=والعنب يرجع زبيب وحبتـه تصبـح هزيلـه المعادن لو تسـاوى وزنهـا فيهـا اختلافـي=الثمن يظهـر فـوارق نوعهـا وش ينتميلـه والمشاكل ماوراهـا خيـر والدعـوى عوافـي=الكدش لـو اسرجوهـا ماتلـز مـع الاصيلـه دفن نار الشر قبل تشـب كـان اخيـر رافـي=مايغيب الشر غير ليـا انقطـع دابـر سبيلـه لجل ماتلقا هـل النمـه مجـال لمـا يضافـي=مختصر يغنيك عـن كثر الحكـي زبـدة قليلـه

شاعران كبيران
ومعاني ساميه بالبدع والرد
نوعيه ياقوتيه غاليه بالاثمان
يجيد صياغتها شعراء محدودين
قصيدتان استثنائيتان لشاعران غنيان عن التعريف
تحياتي لمثل هذا البوح القيم
تفضلوا بقبول مروري المتواضع
وخالص
تحـــــــــــــــــــــــــــــــــــاتي