..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين > المنتديات الخاصة > فرسان الشدادين وأبطالهم
 
أدوات الموضوع
موضوع مغلق
قديم 02 Feb 2009, 09:56 PM [ 101 ]

تاريخ التسجيل : Sep 2005
رقم العضوية : 447
مواضيع : 6
الردود : 49
مجموع المشاركات : 55
معدل التقييم : 25أبن فارس is on a distinguished road

أبن فارس غير متصل




الشدادين هم هم الي يومنا هاذا فيه شباب على عادات اجدادهم كرم وحكمه

الد شداد مايتغيرون الى ؟"

الأعلى
قديم 03 Mar 2009, 11:56 AM [ 102 ]

تاريخ التسجيل : Jun 2008
رقم العضوية : 9128
مواضيع : 0
الردود : 12
مجموع المشاركات : 12
معدل التقييم : 25ابن ضيغم is on a distinguished road

ابن ضيغم غير متصل





الله لايهينك يابن مهرس والربع كلهم واكثر كلام مؤرخ السلاطين لادليل عليه وأما وسالفة ان واحد من العجمان راح صوب قحطان وغرز الشلفا بينه وبين ابن هادي اذا ماخاب ظني ان البزر هاذا اسمه "داي الشجاع"او"سنشيروا المغوار" وين ذا البزر من حمد راعي الحصان يوم قطع خشم الطويل في هية الريع يوم الطويل لابس لبس الاتراك واول هية سلم وراح عند الامام وقال شف ضرب راعي الحصان في مؤخرتي(......) وجات في خاطر راعي الحصان وقال لربعة ال شهوان لاشفتوني طرحت الطويل من حصانه عليكم به يعني اذبحوه والتقى الطرفان وماكان يبين في الطويل إلا عيونه وخشمه وقطع خشمه حمد وطاح على حصانه وشافوه الشهاوين ويحسبونه مات وقال قصيدته حمد:

يا ليتني يوم التقن الشنيفين *** أني على اللي خاطري بيتمنا

لو أن أهل خيلي الشورى مطيعين *** أن كان غوجه ما أسلمه من طعنا


أو سومنا بخشومهم بالعرانين *** في الريع يوم أقفو هل الخيل منا


كله لعنا لابسات السباهين *** واللي بعيد ويرقب العلم منا


أمدح نهار الكون ربعن شهاوين *** ربعن على راس المصوب تثنا


وراحت وسم على الطويل وثانيا ًمعركة جنيح يوم اقبلوا بني هاجر على راسهم ناصر ابن خليل على العجمان وكسر شوكتهم وقال فيها"



الفارس حرفاش بن ناشي الكدادي قال:


شمالي الشناين قبلة من جنيح *** جاء هية غبي السماء من كتامها


رعدها دوي الخيل وسيولها الدمي *** وبردها رصاص والقريزي غيامها


مخيلة هلت من الشرق وأمطرت *** وصلت بعيدين المنازل علا مها


في جو فزران من الظهر للعشي *** مخيلة هلت وثور كتامها


جيناهم بنمرا مع الجو تدهر *** يقدع شباها أبو خليل زمامها


ومبارك بن جريو مسواط عجها *** لا عسمت الاريا وبثق بكامها


اولاد منصور هل المدح والثنا *** ربع مصاقلت الحرايب غرامها


غب النكوفة كن حن سيرة الحول *** نشعا مظاهير تباري جهامها


لاكن عشاوي لابتي غب كونها *** فرادها بشهودها وقتسامها


جيناهم مع الصبر مع العصر نعتلج *** مثل السباع بهوشها وضطرامها


سؤ البلا دفناه لعيال فاضل *** على النضا والخيل عجل ولامها


منهم خذينا كل سودا مدللة *** حض الشمالة زاهي في سنامها


متيهات مابعد زيع نشرها *** صيام وحنا اللي جرحنا صيامها


نغض من الأيمن والايسر نجنبه *** نبغي نقلطها لغالي حشامها


وفرج لهم ربي ولا انوا قطيعه *** غبي السفر والشمس غبا علامها


لو كان حن يوم السفر متلينهم *** كان النفوس الطايلة جا عدامها


ذي هية الله فكافي شرها *** فهي من قديم قد كلانا عرامها


كم من هنوف قد تجدد حزنها *** ورملا تنقلنا دعاها واثامها


وقال حرفاش ايضا:-


ذيب ياللي جويع وبارقك لايح *** جاتك أرزاق ناسٍ ما هقيت أبها


لاضوى الليل من نفود جنيح رايح *** كل عين بكت فرقا حبايبها


قبلةٍ من نفود جنيح رايح *** ملعب الخيل يوم الموت يدبها


كم صبين قعد في وردنا طايح *** والجنايز تحّذْف في مقاصبها


كله لعينك يا اللي عنبرك فايح *** هيت العصر مكنا ضرايبها




ووين راحت هية بنيان والظاهر انكم جحدتوها مثل اللي قبلها يوم كان على راسكم بن حثلين ونكسرتوا فيهاوقال الشاعر راشد بن عفيشه"




شمالي بنيان من الملا إيلا الغضا *** قنوف تلاقت والهنادي بروقها


رعدها القهر والوبل درج محبب *** وشخاتيلها لدن القنا من عروقها


وحفها دوي الخيل في دكدك الوطا *** وأصوات حمران النواظر حقوقها


وغثيرها البارود والعج إيلا سكب *** ازريت اميز حمرها من شفوقها


ساقوا لنا كل أبلج ينطح القنا *** ربع تخلى في الوهايل طروقها


وسقنا لهم من كل نمر مجرب *** درع صوايدها وحمر شدوقها


قصاصيب ملك الموت يامر ونمتثل *** بافات الانفس يومجانا يسوقها


وان هافت اوراق الجنايز من السماء *** حنا سببها يوم ربي يعوقها


بشرية يا حظ من هم رفاقته *** هل البل ليمنها تبرت ارفوقها


من جايبيها عرضوه اشهب اللضا *** برماح تشابه ضربها في مروقها


وآلاد منصور هل المدح في اللقا *** اللي نهار الضيق توفي حقوقها


ومخاضيب أجهل من جهل كل جاهل *** واشر اهل بقعا ومن حل فوقها


هل سربة تورد على الموت لقبلت *** وان دبرت لا هي تعفت عنوقها


بإيماننا اللي يمتني الذيب وقعها *** على الرد تمنع حردها من طفوقها


عاداتنا عند المزين نردها *** نتسوق في الهيجا إلى حمى سوقها


بشلف مضرين عسلهن على اللحم *** وخناجر دفق الدمي من فتوقها


كله لا عني هجننا يوم حدرت *** اللي شلايلها لفت في حلوقها


وإلا لا عني كل غر مترهف *** اللي تهل الدمع من حجر موقها


وال لا عني فطر شمخ الذرى *** اللي يعدي للمنارة غبوقها


هبا اللاش ليمن اسعفت ذي ومثلها *** رسوم المراجل لعرضت ما يذوقها


لهامن يقوم بها إيلا كبر حملها *** بني هديب اللي تعلق علوقها


ووين راحت العضبا وكان على راس العجمان الدامر وابن فاران ونكسرتوا فيها وقال راكان يذم الدامر وابن فاران ويمدح بني هاجرويقول لو انه حاضر الهيه كان كسبها ويقول
"


العذر يالعضبا ترا البعد خوان .......سترش بعيد وغايب ن من محله
من طاوع الدامر وشور ابن فاران......اقفى وخلا حلته في المذله
يستاهلون اخوان عقارة الضان..........من كان منهم مفلس ن جاب حله
ربعن مخاضيب ن على العسر كرمان........بشرية للحرب ماهي تمله


ورد عليه عمير بن راشد العفيشه ويقول قبلها بنيان وانكسرت ياراكان ويقول""




يا راكب من فوق سلكات لقران *** عوجاً كما القيسان كنهن لا هله


فج المرافق عقر حثفات لثفان *** يا ماشبن من راس ريدا مزله


مثل القطا لا واعدوهن بمعطان *** وإن حركوهن جن بالجرى كله


من البحث تنشر مع وقت الآذان *** العصر في أم حويض دربك تدله


والصبح ضربهن على بدو راكان *** ويلا لفيته يا نديبي فقله


لو نسفهه في هرجته قال حقران *** إلا نولم ردها حشمة له


قل ويش عذرك من فلاح وكمعان *** وعرج وخيل الجوف عقرت عما له


وقل له ترى العضبا تقفت بنيان *** ومنين ما راح علة جات عله


هواجر من راس جنبا وقحطان *** نلحق شبوب الحرب شهباً وسله


وبشرية من حربهم شاعفة جان *** وضياغم ما خلقوا إلا عناً له


من وقعنا اللي يمتني الذيب سرحان *** كم راس شيخا من متونه نشله


إيلا تلاقينا والارياق يبسان *** لا كلحت لنياب خطر محله


ساروا علينا عقب ما بان فجران *** العين شافت والفنى قرب حله


بمصقلات شغل صناع نجران *** نروي المغلب والوديدي نعله


كله لعني الغر سحاب الأردان *** أبو دليقا فوق متنه يهله


أزبن عكف باشه يردد لك الشان *** والغلب طوع وباقي الهرج خله


ويوم سمع البيت الاخير قال عسى اللي خذا عيونه ياخذ قلبه وللعلم كان عمير اعمى واسمحوا لي ياربعي كاني طولت عليكم وهذا الرد للعجمان ومؤرخ السلاطين واما كنزان الذليل هو المنهزم وهاذا شي معروف والظاهر انك تعرف قصة جلبان ومرته وولده ولاتخليني انفض بشتي يالعجمي




توقيع : ابن ضيغم
الأعلى
قديم 09 Mar 2009, 05:21 AM [ 103 ]

تاريخ التسجيل : Feb 2009
رقم العضوية : 18472
مواضيع : 2
الردود : 38
مجموع المشاركات : 40
معدل التقييم : 25كلمتي بنظرتي is on a distinguished road

كلمتي بنظرتي غير متصل




تسلم اخوي على القصه والقصيده

امتعتنا ربي يعطيك العافيه

ولا يحرمنا منك

تقبل مروري لاهنت

الأعلى
قديم 09 Mar 2009, 09:53 AM [ 104 ]

تاريخ التسجيل : Jun 2008
رقم العضوية : 9128
مواضيع : 0
الردود : 12
مجموع المشاركات : 12
معدل التقييم : 25ابن ضيغم is on a distinguished road

ابن ضيغم غير متصل




مشكوره اختي الله لايهينس على المرور العطر

الأعلى
موضوع مغلق
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
احتفالية منتدى الشدادين في عامه السادس وكلمة خيال الشدادين خيال الشدادين تغيب عين الشمس ومنتدانا ما يغيب 29 24 Dec 2009 12:35 AM
خيال الشدادين يسب منتدى ربعه الشدادين خيال الشدادين تغيب عين الشمس ومنتدانا ما يغيب 14 20 Apr 2009 12:25 PM
خيال الشدادين جاءكم يهنيء ويبارك لاأهل العز والمجد(الشدادين) خيال الشدادين تغيب عين الشمس ومنتدانا ما يغيب 11 02 Jan 2009 09:56 PM
يستاهل المدح فاعله .. ابن الحارث وسبيع الغلبا ابن مهرس قبائل بني الحارث 8 06 Dec 2008 09:28 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

04:04 AM
Powered by vBulletin® developed by Tar3q.com