ياللي غرامك......... سعد علوش

ياللي غرامك جاريٍ في وريدي =لا وش غرامك جاريٍ في وريدي
استغفر الله لو بقول ان غرامك =ما باقي إلا يطبع اسمك على ايدي
لأنك بصدري و أنت منته بصدري =تطلع مع أنفاسي و ترجع يا سيدي
اليا طلعت أحس كني أشوفك =وآنقص أنفاسي ذكا يا ضديدي
أخاف لا تطلع و لا عاد ترجع =واشفق على شوفتك و اقول زيدي
فهل علمت عن جنوني يا آنف =اني لمجنون النشاز المجيدي
لبيك يا سلكا حملت الفضائل =أوعز لصاحبك بتحرير قيدي
يعني بحكينا لبى و الله عروقك =متى تعيد في عيوني يا عيدي
ثقفني بوصلك مثل ما تثقف =شعّار جيلي من ثقافة قصيدي
لو ضلع عيني حس موطى وصالك =لا طاح حيده و لا طاح حيدي
تخيل اني من كثر ما اتخيل =اتخيلك تدعي و احسب انك ميدي
يا خي ترى جننتني بالمفارق =جننتني و انا بعدني يا جيدي
لكن مع الله كل بلوى بخيره =أنا ذكاي من التجارب رصيدي
اذكرني اليا من سمعت بغرابه =اليا سرى فعروق مخك جديدي
و أنا بعد لا من ذكرتك يا غالي =باسجد لوجه الله و باقبل ايدي

الشاعر / سعد علوش

أخوي صقار
أشكرك ع تميزك في اختيار القصائد
لاهنت

صقار
الأنتقاء متميز وتشكر عليه
وفقك الله

صح لسان سعد

وتسلم ياصقار

على الاختيارات المميزة

اختيار راقي
وحضور مميز
لاهنت أخي صقار


تحيااااتي

احسنت الاختيار يا صقار عتيبة
رغم إني والله ماني من هواة سعد علوش
لكن تستاهل الشكر على طيب المشاركة
وروعة التواصل

أشكر الجميع والله لايهينكم
حبيبي السلطان ودنا طال عمرك نرضي الجميع وبيض الله وجهك

رائع إختيارك يا أخوي ..
تسلم يمينك
والف شكر لك ..

,’

انتقاؤك الرائع الجميل

من القصائد اعتدنا عليه منك

راؤولة عسير وشمس الاصيل مشكورين على المرور
والله يعطيكم العافية