يا أجمل حروف الغلا واعذب مراسيله

مـجـمـوع الأوسـمـة · توقيع : *ملاك*

يا وجعة القلب يا مكثر غرابيله
لا طال ليل الحزين وخاطره ضاقي

يا ضيقة الخاطر المكسور من هي له ؟
الدمعه اللي تجر الويل باحداقي

قال : اعتبر دمعة المشتاق تعليله
عن شرهة الورده اللي ضامهاا الساقي

قلت : اشرب الدمع واغنّي مواويله
من خلقتي و الزمان ايدوّر ارهاقي

لو كل شيٍ حدث ، صدّقت تحليله
تشوّهت صورة الوجدان باعماقي

ما طيّب اخلاقي الا كبر حبي له*
ولا فعوله تناقض طيبة اخلاقي*

انا على كثر ماقفي منه و أجي له
في غربة اشواقي ابكي غربة اشواقي

كم مرةٍ حث شوقي عظم ساقي لـه
ايسابق أقدام رجلي نبض خفّاقي

و رجعت وادموع عيني في مناديله
ابكي على عمري اللي ضاع والباقي

و لا من طرى لي زمان الليله الليله*
يوم الغلا عاش ذروة جوّه الراقي*

حسبت بالمسبحه مليون تهليله
و قامت هبوب التوجّد تصفق اروواقي

ياجمل حروف الغلا و اعذب مراسيله*
يا داي يا دواي يا مصلي وترياقي

الله يغربل غلاك اللي مسوي له
مستوطنات احتلالٍ داخل اعماقي