من عاش شاف وميز المر والخوخ

السلام عليكم ورحمة الله وبركاته
هاذي قصيده لشاعر :عيد بن سعود الشدادي الحارثي

من عاش شاف وميز المر والخوخ=وانا شباب وشفت عالي وراخــــي
شفت القرابه عودها صار مشــلوخ=وشفت النفوس إبهاكبر وانتفاخي
وش عاد له وش عاد بالكبر والجوخ=مادام تالية العمر للتراخـــــــــي
وشفت العمى لو عينه تشوف صلبوخ=عمى بصيره ماينوخ ويناخـــــي
والأصقه اللي سمع أذانيه مـكموخ=تهرج وتنصح كن باذنه صماخي
كنك تعبي بالعسل سطل مشـــروخ=ماتستفيد وفالعقول أنشراخــــــي
وكثر التجارب والتعرف بمطنــوخ=مثل الذواري والليالي مناخــــــي
عزوتك لا وقف على دربك فخــوخ=بفضل من الرحمن وبليس صاخي
والا التوحد يرث خبول ودلـــوخ=راعيه من كثر الهواجيس باخي
لو يستره ثوبه من العقل مفصــوخ=ولو ركز بهرج الرياجيل داخــي
بين الزمن والطيب الذيب مصلـوخ=ولا على الرديان هون وراخــي
بس آتفكر في بـــلاويه وادوخ=وأرجي الستر والعافيه والتواخي
ورفقت مشاكيل بها الطيب منســوخ=ياخي هذي رغبة النفس ياخي
من رامها يرسي مثل راس شمـــروخ=ماحركت هبت هبوب وزخاخي
شفنا وأخذنا علم ماضي ومـــتروخ=مترخ في راس شايب وشاخي
طيب الابو والجد يرث له شـــــيوخ=وطيب الخوال إيورثوه البناخي

ياهلا والله اخوي سلطان وحياك معنا

رائع مانقلت لنا وصح لسان عيد مليوووووون

تحياتي لك

مشكور اخوي على مرورك

		المشاركة الأصلية بواسطة : سلطان اقتباس
	طيب الابو والجد يرث له شـــــيوخ=وطيب الخوال إيورثوه البناخي

نعم...كلٍ يعود لأصله..
الفتى وأن جاد جوده من خواله!!!!
صح لسانك..وبيض الله وجهك!!

مشكورررر سعود على مرورك

سلطان

مشكور وصح السان الشاعر عيد

ارق التحايا

صح لسان الشاعر ... ابيات فيها تجارب من الحياة الشكر لمن وافانا بها الشكر والشكر قليل .. ..

هلا والله اخوي ابو محمد وشاكرين على مرورك

اشكرك اختي بنت مطير على هالمرور

ماشاء الله تبارك الله

قصيده جزله وقافيه نادره

ويعجز الكثير من الشعراء التغني بها

شكرا لك ياسلطان

وصح لسان الشاعر الكبير

عيد بن سعود