قصيدة في حفل ابناء فايز بن عفنان

بسم الله الرحمن الرحيم
هذة القصيدة بمناسبة زواج / عبدالعزيز فهد الحارثي
ونتمنى له التوفيق
ألف مبروك

في المحفل اللي جمعته جمعة العيد **** عند الـرجـال أهل الـوفـاء والعوايد

يــا مــرحـبـا ملـيون ملـيون ويـزيـد **** وبكل الحضور وحضرة الشيخ زايد

شيـخ لـه أرقـاب المـراجـل مسـانيد **** عوق الخصيم اللي عن الدرب حايد

وباسم بن مـهـرس ردد القول ترديد **** عـلـي بـن مـحـمـاس لـلـطـيـب قـايد

حـلال صـعـبـات الأمــور المـعـاقــيد **** مـواقــفــه بـيـن الــخـلايــق فــرايد

وفهـد زبون الطيبة من دون تـحـديد **** مــن شـان قــدره جـوه كـل الـبـدايد

جـوه الـرجـال الـطيـبـيـن الـصـنـاديد **** أهـل الـمـواقـف بالـظروف الشدايد

وحـنـا بــنـي شــداد يــوم الـتـمـاجـيد **** إنـا عـلـى الــطـالات سـلـم وفــوايد

سـيـوفـــنـا ورمـاحـــنـا والــبـــواريد **** لـهــا مـع الأجــواد ذكــر وشـهــايد

وخـتـامـهـا تـرحـيــب ونـقـول ونـعـيد **** تـرحتيـبـةٍ تـسـوى جـمـيع القـصايد

الشاعر / سعود معيش الحارثي

بسم الله الرحمن الرحيم

هذه قصيدة مشاركة من قبيلة بني الحارث في حفل قبيلة العنزة بمناسبة زواج الشاب سويلم العنزي

من الطائف المأنوس جـينا إلى حائـل --- نـزف التــهـانـي والـفـرح لـلـعـواجـيـة

سـلامـي عـليـكم كـلكـم يـابـنـي وائــل --- أهل المـجد والتاريخ وأهل الشهـاميـة

ومـدح عنـزة وشيـوخها يتعـب القائـل --- رجـال البـطـولة مـن عـصور الهلاليـة

أهل جيرتن زينة وأهل مذهـبـن طائـل --- وأهـل قالـتــن عـنـد الريـاجـيـل معنيـة

طـيـب العـواجـي مايـسايـل به السائـل --- شيوخ على أثر شيوخ وافعولهم حيـة

وعن بني الحارث جينا لحفل الاصائـل --- ورثنا الفـخـر والمجد ماهـوب عاريـة

دون الخوي والجار والضيف مانحائل --- ونسقـي عـدانا صـافـي الـسـم جبـريـة

نتـعـب ظهور الخـيـل ونـنطـح الصائـل --- ونـروي حـد الـسيــف لاثـارت الـهـيـة

زحول الرجـال مضيعة طـمعة العائـل --- جمـرة عرب معروفـة في الـسعـوديـة

ولا جـابـنـا إلا طـيـبـكـم يـافـخـر وائـل --- وجيرتكم اللي ترفع الـرأس شخصيـة

صلو عدد ماسـأل رب الـسماء سائـل --- على المرسل اللي جاب أوامر إلاهية

الشاعر : سعود معيش الحارثي

مشششششششكور ياسعود بن معيش الف شكر لك وبيض الله وجهك
اخوك /سلطان عبدالله