لكل من قام بدعم المنتدى

بسم الله الرحمن الرحيم

السلام عليكم ورحمة الله وبركاته

هناك الكثير من الرجال اهل العلوم الغانمه

والمواقف التي لاتنسى في القبيله

وهذا اقل ما نستطيع ان نقدمه لهم نحن كشعراء

قصيده مهداه للرجال الذين دعموا المنتدى في عده مسابقات

وسامحونا على القصور

سر يا قلم واكتب جزيلات الأبيـات=فيها المدح والطيب وأحلى العبارات
من شاعرٍ عام البحور الغزيـرات=وله مع أهل الشعر منطق وأساليب
اكتب بيـوت كـل أبوهـا جزيلـة=فأهل الوفـاء والطايلـة والجميلـة
اللـي مواقفهـم تعـزّ القبيـلـة=وبأمجادهم عدّو بروس المراقيـب
مطلق ولد عالـي كريـم السبالـي=أبو بدر راعـي العلـوم الجزالـي
هو راعي الفزعات في كل حالـي=من عزوة وقت الملاقـا عواطيـب
ولخالد ابن عجير حشمه وتقديـر=نسل الرجال الغناميـن المشاهيـر
سلمت ياخالـد زبـون المناعيـر=ياراعي الطالات والجود والطيـب
والله يبيض وجهه زياد ابن عيـد=جمايله دايـم علـى العالـم تزيـد
أبو مشبب نسـل نـاس صناديـد=راعي الشهامة والكرم والمواجيب
والشكر بعد الله للشيـخ عايـض=رجل ٍ علومه ما تجيهـا النقايـض
رجل حكيـم وملتـزم بالفرايـض=ولا هو من اللي يقلب الهرج تقليب
وأحلى التحايا كلهـا لأبـو فـواز=محمد اللي بالكـرم والوفـاء فـاز
انجازكم يابن فهـد أعظـم انجـاز=ربعن قروم وتلطمـون الحواريـب
ولاهنت ياسلطان ياعالـي الشـان=عز الله إنك عشت فالوقت سلطان
واليا طريت اسمك عقب كل شيطان=والله يعزك دايـم الـدوم يالذيـب
وقفت معنا كـل لحظـة وساعـة=وعرفتنا بأهل الوفـاء والشجاعـة
الين ما صرنـا إخـوان وجماعـة=ولا بيننا شكـه ولا بيننـا ريـب
ذولا الرجال أهل الوفاء والشكالـة=وأهل المواقـف كلّهـا والجمالـة
يوم إن بعض الناس جـوّد ريالـه=لا نافع ٍ ربعه ولا رآيـه مصيـب
في ظل شيخ يكسب الطيب من زود=أبو حسين اللي له العـز مشهـود
هو راعي الطالات هو راعي الجود=من عزوة يرون حـد المقاضيـب
حنا وقفنـا صـف فـي منتدانـا=وندعي عسى ربي يثبـت خطانـا
ويعزنـا طـول الدهـر ويحمانـا=وإنه يقربنا مـن الخيـر تقريـب
والله يكافينا مـن أهـل النميمـة=وأهل الحسد والكذب وأهل الظليمة
ويجعـل نوايانـا جميعـا سليمـة=والله يجنبنا عـن الحقـد تجنيـب
والبارحة والجو هـادي وصافـي=قضيت ليلي فـي عنـاد القوافـي
واليا بدعت القاف ما أقول كافـي=إلاّ ليـا تعـب القلـم والمكاتيـب
شاعر قبيلة وافتخر فـي قصيـدي=واليا عطيت الرآي رايي سديـدي
ولاهمّني هرجـة حسـود بليـدي=وأبيات شعري كل أبوها بترتيـب
وصلاة ربي عـد وبـل الغمامـي=وعداد من صلى الفرايض وصامي
على رسـول الله رفيـع المقامـي=صلوا عليه وسلموا ياهل الطيـب

وسلامتكم

الغربي

	بيض الله وجهك يا أبو عبيد وصح لسانك ووقفات الرجال تتوالى ولم تتوقف عند حد أبداً وهم يقفون ويساندون المنتدى بكل ما يحتاج إليه من دعم فلهم منا جزيل الشكر ولا تفيهم حقوقهم ولهم منا خالص الدعاء بالتوفيق والسداد والله يكثر خيرهم ويبارك في رزقهم وصح لسانك يا عيد

صح لسانك وصح فكرك وذوقك
يستاهلون الخير والله يديم عزهم وعز منتدانا

بيض الله وجهك قصيدة

طيبة من شاعر طيب وجزل مثلك الف شكر لك

وعليكم السلام ورحمة الله وبركاته


عليه أفضل صلاة وأتم تسليم

تسلم يمناك اخوي على القصيدة الرائعة

عيد بن عبيد

صح لسانك وبيض الله وجهك يالنشمي على القصيدة

اللتي تعد في رجال المواقف من لابتي الشدادين الله يحفظهم


أبن عبيد اشكرك على إبداعك ياالبناخي

الغربي صح السانك


ويستاهلون الطيب لاهنت ولاهانو

تحيتي

كفو يا أبا عبيد
صح لسانك وعلا شأنك يالصنديد ولد الصنايد
على هذه القصيدة التي أتحفتنا بها في أهل المواجيب
رجال نذرت أنفسها لخدمة قبيلتها في أي زمان ومكان
فلهم منّا جزيل الشكر على ما قدموا ويقدموا لقبيلتهم
فبيض الله وجهيهم ومتعهم الله بالصحة وبارك لهم فيما أعطاءهم

دمت مبدع يا عيد
أبو حسام

صح لسانك
قصيدة راااائعهـ ..
ويستاااهلون والله ...

بيض الله وجهك يا أبو عبيد وصح لسانك