كبر ذرة

السلام عليكم ورحمة الله وبركاته
اعضاء وزوار شبكة الشدادين ابيات متواضعه جديده اتمنى لها القبوول

يا النسانيس هبّي ضاق بحره وبرّه=الصدر يلتهب والفقد جرّح جفونه
غــاب من في حضوره فا النظر ما يسرّه=نظرةٍ منه مثل الغيث تحيي غصونه
شوف عينه غنى والفقر لا غاب مرّه=ويش يغنيه عن فقده وعزفة لحونه !
الشقى مطعمه والشرب يمرضه مرّه=ما لقى في حياته ما يبيّن سنونه
لا غفى لاحت بروقٍ تنسيه ضرّه=وان صحى ودّه انه من شقى يقبروونه !
فا المنام يتلذذ في دقايق تجرّه=لسعد والطرب واللون ما مثل لونه !
يسعده من بحلم الليل دايم يمرّه=" نظرته ضحكةٍ له " دايمٍ يسعدونه
وان صحى ضــاق من شوفات ياهي تفرّه=بين " نظره وضحكه " كيف عايش بدوونه !
يا حياة الشقى كلّن سعد في مقرّه=والمفارق " قليلين الادب " يجرحونه
يحسبوون المفارق ما يسرّيك شرّه=ما درو من يفارق بالشين بـ جنونه !
باول الليل يونس ما يسرّيه حرّه؟=واخر الليل محد من الاهل ياجدونه !
ذي حياتي وويل اللي فقد من يسرّه=" لا فرح لا طرب واللون ما هو بلونه
ما رجينا من الدنيا ولو كبر ذرّه ؟=بعد ما غاب عنّي من دواي بـ عيونه .. !!

حيّاك أخوي
صح لسانك ملايين
كل الشكر والتقدير لك

صح لسانك
لاهنت على القصيدة يا شاعرنا

صح لسانك
ويعطيك العافيه عالقصيده

يا مرحبا تراحيب المطر يا شاعرنا
أبو سلطان
والله يبيض وجهك على هذا النص الشاعري الجميل
الذي أبدعت في نظمه واخراجه لنا بهذا الشكل الجميل

لا هنت وصح لسانك

احمد اعجبتني جدا كلماتك
لاخلا ولاعدم يامبدعنا : )

.



الفُقد موُجِع جِداًوَ كأنهُ يَنتشِلْ الروُح منْ عُمقهَا !
الروُقيْ أَحمّد إِحساسُكْ قوُيْ جِداً بـِ كُلْ مَافيِه منْ معانٍ مَعزوُفة
علىْ ألحانٍ بـِ ترانيمْ عَذبّة .

صّح الله منطوُقكْ ألفاً بَعد المِئّة وَ لا هِنتْ
وَ مَلحمّة فُقد تَستحِقْ وَشمْ التميّز وَ لايِكْ +

يا مرحبا با الجميع وشكراا لمروركم المتميز والله يسعدكم جميع