مطلوب قصيدة للشاعر المرحوم / عايض بن شجاع

الاخوه في منتديات الشدادين


السلام عليكم ورحمة الله وبركاته وعلى قبيلتكم الغاليه


اخواني الاعزاء ابحث عن قصيده لأحد اعلامكم وشعرائكم واتمنى ان اجدها لديكم

وارجو من اي شخص يستطيع ايجادها ان يبحث لي عنها ويأتيني بها وله مني الشكر الجزيل


القصيده للشاعر عايض بن شجاع رحمه الله

ومنها هذا البيت


خلي على شوك الهراس استحبني 000 سحب الحضير الهمد من بين الاطناب



ولكم شكري وتقديري ومحبتي

وافي العتيبي

ستجد طلبك في العاجل القريب ياذيبان


وحياك في منتديات الشدادين ,

هلابك يابو مشعل


والله انك ما تدري وش كثر فرحتي اذا لقيت هالقصيده كامله


ويبا الله ييسر الامور ان شاء الله ونلقاها عندكم


شكري لشخصك

يا هلا والله بأخونا وافي
والله يحييك في منتدى أخوانك الشدادين
قصائد المرحوم الشاعر / عايض بن شجاع
وقصصه وسواليفه وسيرة حياته
سيفرد لها بإذن الله صفحة كاملة تشمل كل شيء خاص به
وهذه القصيدة سنأتيك بها في أقرب وقت بإذن الله
تابع معنا وسوف توضع في أقرب فرصة

اخوي السلطان

الله يبقيك ويبارك فيك

اخي العزيز

والله انه يسعدني جدا ان تؤرخ قصائد هذا الشاعر العظيم ويوضع له في هذا المنتدى صفحات وصفحات

وسأحرص على البحث عن قصائده بشتى الطرق

وكلي أمل ان ارى القصيده في اقرب وقت ممكن لأنني اكره الانتظار كثيراً


ولك كل ودي وتقديري

هذه هي القصيدة أخوي وافي
والشكر الجزيل لشاعرنا
فارس بن عايض الشدادي
الذي كان له الفضل بعد الله
في إحضارها لنا
والله يجزاك خير يا أبو عايض

البارحه نوم الكرى ما قربني = بان السفر وأنا أتقلب تقلاب
من هاجسٍ حدر المناكب نسبني = كنه يدق بداخل الجوف منساب
الأمر لله كيف خلي نهبني = نهب السروق إلي للأطماع نهاب
جوّد معاليق الفؤاد ورتبني = رتب الشطير اللي يجره بمجذاب
صبرت لين إن الحبيب ضربني = ضربة عديمٍ ما تفيد به الاطباب
بغيت أخفّي ضربته لو ضربني = جارت علي ولا حدٍ شاف مضراب
ورّد سهومه في الضمير وشذبني = كنه يحرك ثومة القلب مشذاب
ودي بغلبه مير خلي غلبني = ما أظن لك يا ناعم العود غلاب
العفو من بد القبايل كسبني = زين الوصايف صار للروح كساب
على هواه إن باعني وإن جلبني = أنا معه في سوق شاري وجلاب
هو شاربٍ حبي وحبه شربني = وش لون يرضى صاحبي حكم الأرهاب؟
أقفيت عن عنق المهاة وطلبني = ما يسلم الجاني وقافيه طلاب
غديت له مثل القضيب وقضبني = طاوعت به ما عاد يحتاج قضاب
عنق الغزال اللي بشوفه صلبني = اللي يقود الريم تلعات الارقاب
خلي على شوك الهراس استحبني = سحب الحضير الهمد من فوق الاطناب
إن كان مجلي الرهايف غصبني = ماني فرير إليا بلت بأم غصاب
قعد يعمّر في ضميري ويبني = عمّر ودمّر واستلم ضبة الباب
حسبي على اللي عن عشيري حربني = لو كان ما ينفعك كثر التحسّاب
أنا أنذر الجاهل ترى الود غبني = قدام يدرع في المشاكل والأنشاب

سلمت يمناك اخوي السلطان على ايراد القصيده وبيض الله وجهك
قصيده رائعه رحم الله من قالها
دمت بود

السلطان

فارس بن عايض

قبيلة الشدادين الغاليه


الله يبيض وجيهكم بياضٍ كلٍ يشووفه

وعزالله ما قصرتواااااااااا ووفرتوا علي العناء


كل وردة عطر وكل كلمة شكر لا تعبر عن ما في قلبي لكم


اخوكم

حياك الله أخوي وافي العتيبي
سعدنا بحضورك وبإهتمامك بقصائد الشيخ
عائض بن شجاع الشدادي رحمه الله
وسلمت يمناك أخوي فارس الشدادي ولا يهون أبو عبدالله
وعساكم على الطيب والمعزة
وإن شاء الله نرى سيرة هذا الشاعر وقصائده
في هذا المنتدى عن قريب
كما وعدنا بذلك الشاعر فارس الشدادي

دمتم بحفظ الرحمن
أبو حسام

عنـق الغـزال اللـي بشوفـه صلبنـي
اللـي يقـود الريـم تلعـات الارقـاب
خلي علـى شـوك الهـراس استحبنـي
سحب الحضير الهمد من فوق الاطنـاب
أنا أنذر الجاهـل تـرى الـود غبنـي
قدام يـدرع فـي المشاكـل والأنشـاب
الأخوة الأعزاء:
( السلطان , فارس الشدادي , وافي العتيبي )
لكم جزيل الشكر والتقدير على البحث والتذوق الشعري
الجميل . وبيًض الله وجيهكم . تقبلوا مروري .
دمتم بخير ,,,