الشعر يحلو في حضور الشدادين

قصيدة القيتها في حفل زواج الشاعر فارس بن عايض الشدادي

بسم الله الرحمن رب الثقالين=منزل(ن )عما و سبع المثاني
اطلق هجوس الفكر مثل الشياهين=واهدها على سمان المعاني
الشعر يحلو في حضور الشدادين=و في مدحهم يصيرله طعم ثاني
لو انهم عن المدايح غنيين=افعالهم يعجز يصفها الساني
ما هي بمحتاجه شهود وبراهين=شمسن تجلت بينه للعياني
وقت العرب بسياسة الغاب ماشين=ايام ضرب المرت و الجبخاني
اعجير بن مهرس زبون المخلين=اليا اعتلا وربعه بنات الحصاني
تربع بمركاضهن السراحين=وعدوهم عشرة تعود ثماني
خذو لهم صيت(ن) بكل الميادين=وسمعه كما سمعة سهيل اليماني
واصبح لهم هيبة ملوك وسلاطين=فارض الجزيره عند قاصي وداني
احلالهم لضيف ماضي وهالحين=مثل البحور اللي عليها المواني
من خيرها مسترزقين الملايين=ولا تشح و لو يشح الزماني
-واكبر دليل اليله انشوف باالعين=الحفله اللي كنها المهرجاني
جينا لها من كل فج امتعنين=حشمه لكم يا طيبين المجاني
نبي نهني مع جموع المهنين=وانسوق لك يا فارس احلا التهاني
سوق الدلال بمجلس اشيوخ وافين=يفوح منها الهيل و الزعفراني
بسمي وبسم مرجحين الموازين=سمو العرابيه طوال اليماني
ولاقصور فالرجال الميامين=طيب ووفا في كل وقت مكاني

ارحب محمد في محلك منتدى الشدادين
وصح لسانك يالعرابي الشدادين يستاهلون
وانت تقدر فمرحبا بك اليوم ودوم.

.





حُييتْ مَرحبا وَ أَهلاً بِ حضوُركْ وَ أَوُلْ قِطافْ لكْ هُنا
صّح الله منطوُقكْ ألفاً وَ لا هِنتْ أَنعِمْ وَ أَكرِمْ بِكما جميِعاً

يا هلا والله وألف مرحبا بأخونا
محمد العرابي
والله يحييك في منتداك بين ربعك
وإخوانك الشدادين
وبيض الله وجهك على قولك ومنطوقك
وصح لسانك ملايين

الاخ محمد العرابي
صح السانك شاعرمتمكن
بيضالله وجهك لاهنت

ماشاءالله تبارك الرحمن الله يسعدك وصح لسانك ملايين محمدالعرابي تقديري واحترامي

ياهلا ومرحبا
يـ محمد

انعم واكرم بك وبربعك
وانعم واكرم بربعنا الشدادين
.

صح لسانك انت تقدر وهم يستاهلون
ونعم بالمادح والممدوح

ونسال الله التوفيق لفارس الامسيه
فارس
وان يرزقه الذريه الصالحه


الله يجمعنا على العز والطاعه
.
ولا غرابه ان تبين امجاد وبطولات ربعك
ومأثرهم

بيض الله وجهك
والله لايهينك
دمت
بخير

الله يسلمكم ويبقيكم صحت ابدانكم
لي الشرف ان اكون عضو في منتدتكم العامر باهله
وتفضلوا بقبول فائق التقدير والإحترام