الف اولف له قصيدة عريضه

ألف أولف له قصيدة عريضة= أبياتها تكتب عليه فريضة
والبا بدت لي جروح قلبي نقيضة= وزادت عليّ جروح بعده وفرقاه
والتا تراني مرخص الروح دونه= روحي ترى والمال تفدى عيونه
وأغارمن أقرابه اللى يجونه= وأبيه عندي دوم وأشوف حلياه
والثا ثمرقلبي ولاني بناسيه= ذكره على بالي وتطري طواريه
وأشتاق لعيونه وقلبي يسليه=بصوتٍ رقيق ومخرجه من شفاياه
والجيم جمر الحب يكوي فؤادي= وعن باقي الأحباب يحديه حادي
والشوق في قلبي تعاظم وزادي= للي حياتي رهن أمره وتفداه
والحا حسن خلي يفوق الخيالي= واليامشى ياناس كنه غزالي
والخا خلي الراي يضحك لحالي= يقول كب العشق أنا من ضحاياه
والدال دمي صاربالحب مسموم= وصارت حياتي عشق وآهات وهموم
والذال ذاك الزين مايلحقه لوم= لومي على قلبٍ هوى الزين مغزاه
والراء رحيل الزين يثّر عليّه= ويجعل حياتي كنّهامنتهيّه
والزاي زاد الوجد والشوق بيّه= وحملي ثقيل وعيت النفس تقواه
والسين سهّرني ليالٍ كثيره= وأصبحت أهوجس والفكر فيه حيره
والشين شاب الراس يالله خيره= وحالي نحل والقلب يكفيه ماجاه
والصاد صبري طال والقلب مجروح= من سبة اللي يملك العقل والروح
والضاد ضريته على قول مسموح= وقام يتومّروالخجل في محياه
والطّاطلبت الله يعجّل بالإسعاف =والله كريم وللخفيات عرّاف
والظا ظبيّ الريم به كل الأوصاف=ونوره مثل نور القمر عند مبداه
والعين عزالله ماني سعيدي= من يوم خلي راح عني بعيدي
والغين غاب الحب بأقصى وريدي= والقلب من زود العنا عمست إرياه
والفا فقدت الصبر يالله تعيني =وترحم غريقٍ في الهوى له سنيني
والقاف قافي في هذا البيت إيني=لازم على خلي يشوفه ويقراه
والكاف كل البيض يفدن خلي= يفدن طفلٍ في الهوى مخلصٍ لي
واللام لاجيته تبسم ضحك لي= وفل الجديل اللي كما الليل ظلماه
والميم من حبه ترى القلب ماتاب =حسنه سلب عقلي وللشوف جذاب
والنون نساني همومي والاتعاب= ومامر يوم ألا أذكره وأتمناه
والواو وده صاب قلبي من العام =وخلى حياتي كلها أشكال وأقسام
وأصبحت أسير الحب من ذيك الايام= والله يعين القلب يا كبربلواه
والهاهويت الزين وإله العهودي = إني مااخونه دامني في الوجودي
أغليه من قلبي وأحبه بزودي= وقلبي هدية حب تهدى لعيناه
واليا يلبي مطلبي لا طلبته = يقول آمر كل عمري ملكته
وعده قراح وباقي ماوردته=بأصبر لين القلب تعطش حناياه
والختم ليت الزين يبقى معايه =وبخده المشرق ينور سمايه
وصلوا على المختار ياأهل الهدايه= شفيعنا لا صار كلٍ له جزاه

[blink]بقلم الحجري[/blink]

الحجري ونعم
وبيض الله وجهك وماقصرت
شكرا على هذه المعلقة
والى الامام..

حلوه يالحجري
لو سمحت طلب ؟؟
ممكن تسوي قصيدة في اعضاء المنتدى ابتداءبالسلطان وانتهاء بأخر عضو
تذكر فيهااسلوب كان من الاعضاء او صفه او اي شي
بحيث لكل عضو بيت واحد فقط !!!

بيض الله وجهك يا الحجري وصح لسانك
( القصيدة أكثر من رائعة )


أشكرك ولك تحيااااااااااااااتي

صح لسانك يالحجري

وتسلم يمينك

وفي انتظار القادم باذن الله