|
||||||||||||||||||
بارق التنهات..
.
. القصيدة ذات مغزى والمعنى في بطن الشاعر (وجعلنا لكل شيء سبباً )
أنا خلت بَراقٍ على روضة التنهات = رعد راعده ومسلهم الرمش بحروفه سرى الليل لين أرهى في فياضه العذيات = وكن الجمال الدر منثور بصنوفه بعد ما أجدبت والسرح في الأرض راح شتات = حتى دقيق الخصر مارد نفنوفه وغدت الأرض توحش من بغى يتبع الضيعات = مغير الجهام و رهبةٍ قضت إكتوفه إلى جا يشل الصوت ويردد الشيلات = زفر زفرةٍ بآهات في لحن معزوفة و ثارة هواجيسه مع حرة التنهات = تذكر فراق أحباب للقلب معروفة و تاليه نداى وينكم ياهل الشيمات = و أفصح بمكنونه وذا جاش في جوفه صدى صوته تردده الأفاق والحِلات = وكن البشر عن راعي الصوت مصروفة مضى الليل و أصبح ساري الليل ماقد بات = تلوفه رياح البرد وتكتف إكفوفه و عوى الذيب الأغبر في فجاج الخلا الخليات = قنب مالقا له سرح يغزيه و إيطوفه فعسى البارق يعله و يوحيه ذا قد فات = و تشوف السما بالعقربيات مسقوفة وعساي الربيع يجيب ربعٍ لهم غيبات = يجي سرهم في خايع الروض و إنشوفه يعطّرك شذو الزهر لا ذعذع النسمات = وريح الخزامى و النفل فاح بعطوفه و نشر البوادي في البراري لهم سجات = غدى نشرهم مثل الطوابير مصفوفة وذيب الخلا ما عاد يلقى لهم غرات = إلى واق في غراتهم يذهبه خوفه و يزّين بيوت الشعر و خدورها النقشات = و مجالس شرف في شوفت الضيف ملهوفة و دلالٍ على جمر الغظي تذهب العلاّت= وتراحيب و علومٍ على الطيب مألوفه تمنيت هذا و الأماني لها غايات = و كلٍ يراه الرب ويقدر ظروفه وهذي أماني رابعة تبهج النيات = و حلو الأماني غاية الشخص و إشفوفه أبوفيصل آخر جمعه من هذا العام 1433 هـ .
التعديل الأخير تم بواسطة ! سارة الغيد ! ; 11 Nov 2012 الساعة 11:21 AM
سبب آخر: تنسيق القصيدة
|
09 Nov 2012, 10:31 PM | [ 2 ] | ||||||||
شاعر
|
رد: بارق التنهات..
صح الله لسانك شاعرنا ابوفيصل كفو |
||||||||
|
|||||||||
10 Nov 2012, 08:49 AM | [ 3 ] | ||||||||
شاعر
|
رد: بارق التنهات..
صح الله بدنك أخي الغالي هائل ويشرفني لطفك وإشادتك وسعيد بشرواك.... |
||||||||
10 Nov 2012, 12:08 PM | [ 4 ] | ||||||||
مؤسس شبكة الشدادين
|
رد: بارق التنهات..
كفو والله يا أبو فيصل شاعر كبير وغزير وعلومك كلها غانمة والله يبيض وجهك اليوم ودوم وأتمنى تنسيق القصيدة من قبل إحدى المشرفات |
||||||||
|
|||||||||
10 Nov 2012, 03:37 PM | [ 5 ] | |||||||
|
رد: بارق التنهات..
.
. الله عَليِكْ نَّصُ جَزلْ بكُل مآفيِه منْ وَصفْ وَ مَعنىْ صَّح الله لسَآنكْ حَتىْ تَرضىَّْ ، وَ يسعدكْ آلرحمَّنْ وَ تقِر عيِنكْ بشوُفْ منْ عيِنكْ تَرجآهـ |
|||||||
11 Nov 2012, 11:30 AM | [ 6 ] | ||||||||
شاعر
|
رد: بارق التنهات..
أشكر كل من علق على الموضوع أسعد الله قلوبكم أحبابي .... شكر خاص للأخت الفاضلة المشرفة سارة الغيد على جهودها وتنسيق النص بالشكل البديع وممنون لها وفقها الله تعالى ...... |
||||||||