أحلام

البارح الطرف عايف من لذيذ النوم . ما نام
سهران لين الفجر . وازعج منام النايمينا

والقلب محزون كم له عن كثير البهللة صام
صايم عن الضحك والسجه . مع اللي صايمينا

ماهو من الحب . والا هايماً من ضمن من هام
خلاص بطل طريقه . تاركه للهايمينا

ولا هي احلام تبنى . يا كثر ما جا من احلام
ما عاد يحلم . ويضحك لو يشوف الحالمينا

ما عاد يحلم بغير المغفرة من وال الاحكام
سبحانه المعتلي . حكمه يزيل الحاكمينا

اسباب حزنه من اللي قد حصل بديار الاسلام
ما حلُ فالارض من قتل وضياع المسلمينا

الوضع ماهو بحاجة فاهمِ . ويفهم افهام
شيئاً تبين . ولا يبغى اجتهاد الفاهمينا

_







صح لسانك
ولا هنت أخوي
كل الشكر والتقدير

يا هلا والله بشاعرنا
أبو فيصل
والله يحييك ويبارك فيك
ما قصرت يا بعدي وصح لسانك ملايين
منوّر المنتدى بحضورك ومشاركاتك

سلمت سلمت
يا أبو فيصل
والله يعافيك ويسلم قافك ومبناك
وصح لسانك

هلابك ابوفيصل والله يسعدك لحضورك وجديدك الجميل تقديري