ثمان الاحتفال

السلام عليكم ورحمة الله وبركاته
نظراً لعدم مقدرتي على التواجد اثناء وقت الاحتفال اطرح بين ايديكم مشاركتي هذه
بمناسبة احتفالية المنتدى بعامه الثامن والف الف مبروك للسلطان والقائمين
ونهنئ انفسنا ايضاً ومن تقدم الى تقدم
على مر السنين

فالبدايه كل هالدنيا زوال= والعجايب مسرح احداث الحياه
ومن يبا زين الحياه وزود مال=ومن يبا لمس السحاب وطيب جاه
والذهول اللي هتك صبر الرجال=والمثول اللي على هدي الصلاه
وانقسام الوقت واجهاض الخيال=واحتكار الجهد لشباع السعاه
احيت الخطوه على طرح السؤال=كيف يوصل كل شخص لمبتغاه؟؟
لكن الكبوه تصير بكل حال=والحضيض اللي سلك درب النجاه
والثمان اللي عليها الاحتفال=هي سنين المجد وبنوك الغناه
هي ثمان البذل مافيها جدال=تحيي الخد السناوي والسراه
اضرب بقوقل وتعرف وش يقال=منتدانا واصل سويس القناه
واضرب الانتر ويدعيك الشمال=وعيدها مره وتلفيك الحصاه
انتشار الصيت بحدود الكمال=وانبثاقت نور وانقاذ النواه
والحقيقه واضحه واخذ المثال= كل رجمٍ عاليٍ يدفي ذراه
دامه السلطان قاده باعتدال= جعل ربي مايخيب له رجاه
اوهبه وقته وجنبه الهزال=لين وثق فالخضيرا منتداه
عقبه الاعضاء في كل المجال=كل واحد يلفتك صيغة عطاه
جيت اشارك والقوافي كالجمال=تلفي الطيب على كل اتجاه
والنهايه صفوة احلام المنال= جعل ربي يرحم الكون برضاه

فايز بن مشحن

صــــــــــــــــــح لســــــــــــــــانــــكــ
مـــــــــــدد بلا عــــدد
وبيض الله وجهك

تقبل مروري

		المشاركة الأصلية بواسطة : مسافرة والجو غيم اقتباس
	صــــــــــــــــــح لســــــــــــــــانــــكــ مـــــــــــدد بلا عــــدد وبيض الله وجهك تقبل مروري

صح بدنك
وتشكرين على اطلاعك وحضورك
لاهنتي
والمنتدى يستحق منا مثلها واكثر
دمتِ
بخير

الله الله الله




يسلم بؤك ومبروك العام الثامن ياسلطان المنتدى


يتربى ف عزك ويكبر ويكبر وانت بكل عافيه






تحيتي لكم

صح لساااانك

الف مبروك العام الثامن وعقبال الميه عام


شكري وتقديري

صح لسانك ياخوي ,, وبيض الله وجهك

سلمت ودمت

,
صح الله لســـانك مدد بلا عدد

ابيات جميله كــاجمال روحك شاعرنا العزيز

ومنتدانا يستاهل ويستاهل

ربي يسعدك
,

لله درك فائز
صح لسانك وبيض الله وجهك شاعر
جزل ولا يجي منك غير الجزل
إبداع يضاف من شخصك الكريم
للعام الثامن من إحتفال المنتدى
وليس غريب الطيب على اهل الطيب
نفتخر بمشاركتك وعطاءك المستمر
وفقك الله وسدد خطاك.

يا هلا والله وألف مرحبا بشاعرنا
العذب الرائع والجميل

فايز بن مشحن

والله يحييك في منتداك شاكراً لك حضورك ومشاركتك الطيبة
والله يحفظك ويرعاك وصح لسانك ملايين ولا توفيك يا القرم

صح لسانك يا بن مشحن

وبيّض الله وجهك

قصيدة جزله من راسٍ جزل

لاهنت ولاهان غاليك