آآآآآآآآه يا كبر القهر ..!

آآه يا كبر القهر لا صار ما باليد حيله=والجروح من القــرايب والخطا مني وفيني!!






ان نويت اشفي غليلي ما لقيت اية وسـيله=كيف ابلقى دام جرحــي سبته طعنه يميني؟!





وان نوت تبكي عيوني صارت الدمعــهـ بخيله!!=كبرها لامن تجمـــع هم قلبـــي وهم عيــني..



ياهمـــوماً بي تعدت حدهـا صارت ثقيلــه=خذ مني كم ســؤال ولو سمــحت جاوبني..



ليه من بعد الوفـــا والطيــب وفعولاً جليله=من يدين اللي حشمتهـ اول طعـــوني تجيني؟؟





وليه لاضاق الفضــا في عيــن من خانه دخيله=مالقيت الا المــلامهـ انتهيها وتبديني؟!





ياهمومي ياجــروحي يا صدى الروح العليله=والله ان الـــظــلم قهره قيّد لسانـــي ويديني!!





يوم قيل ناظر حسودك زاد في قوله وقيله=ما طــرالي غير قولت آآآخ يا دنيــا ارحميني..





ان تكلمت وحـــكيت وجبت برهاني ودليله=ما تضــرر كود منهو قد لفانــي منتخيني!!





وان سكــت وقلت هانــت هــم وسنيني تزيله=اكتشفت ان السنين تزول والهم محتويني!!





بس لجــل اللي انتخى في جد جــدي والقبيله=والله اني لاشــرب المــر واتحــمل ما يجيني..





ودام ما بالكــون صــدراً ارتمي به واشتكــيله=ودام مابــه عين تقـــرى حزني اللي مبتليني!!





ما لي الا بيت شـــعراً اذكــره في كل ليله=لا انتهى جـــدال المعاتــب بين قلبي وبين عيني..

يا الله دخيلك من الهم والقهر
ويا الله تكفينا الهم والحزن

قصيدة جميلة جداً يا عسولة
والله يسلمك على هذا
الذوق الفريد

من جد صعب وقهر إذا تندم الأنسان
على شي يده التي عملته وقامت بصنعه
لأمور أخرى وتأتي النتائج بالعكس
أختي عسوله إنتقاء جميل ورائع والله يعطيك العافيه

شكــــــــــــــــراً لمرورك العطر ابو عبدالله ......

البرس شكـــــــــــــــراً لمرورك الطيب

		المشاركة الأصلية بواسطة : اقتباس
	ليه من بعد الوفـــا والطيــب وفعولاً جليله=من يدين اللي حشمتهـ اول طعـــوني تجيني؟؟

وآآآه ياكبر القهر ..

قصيدة لامست الواقع ونفوس البشر وتعاملاتهم الخانقة ...

وجروح القرايب أصعب من جروح الأغراب وماباليد حيلة

لاصار الشخص منك وفيك ويقرب لك ...

والجروح كثار والمجروح يبرى

		المشاركة الأصلية بواسطة : اقتباس
	ودام ما بالكــون صــدراً ارتمي به واشتكــيله=ودام مابــه عين تقـــرى حزني اللي مبتليني!!

عين الله لاتنام وماأجمل بث الأحزان والهموم بسهام الليل التي لاتخطيء

فلن يرأف بحال المهمومين والمحزونين غير خالقهم ولو تخلى جميع البشر

من بعض هناك من يسهر وينزل للسماء الدنيا ويلبي دعوات محتاجيه ...

ماألطفك يالله وماأرحمك يالله ..

....

ألف شكر لك عزيزتي على هالنقل المميّز والاختيار الجميل ..

ويعطيك العافية ...

ترف....يسعدني جداً مرورك لك الف تحية عزيزتي

لـيـه مـــن بـعــد الـوفــا والـطـيـب وفـعــولاً جلـيـلـه

مـن يديـن اللـي حشمتـهـاول طعـونـي تجيـنـي؟؟
................................................

ليه ادور لسبايب والسبب فينا ومنا ****النفوس وماتسوي واليدين ومحصدنا

شكرا ياعسوله على الذوق الرائع

دخيل..شكـــــــــــــراً لمرورك الطيب