أسباب الصمت

لك كم سـنه تسأل وانا اقول بعدين
 لاعاد تسألني عن أسباب هالصمت !!
بيني وبين الصمت عشرة من سنين
واخاف اخون الصمت لامن تكلمت !!
بعض الحكي يوجع ولوكان حرفين
وش ينفعك لا من حكيت وتندمـت !!
واجد جـروحي بس والله غاليـن
من كثر ما اغليهم الا شفتهم قمـت !!
جرحي ليا اقبل قلت ياجرحي اهلين
معروفه اني من عذابه تعـلمـت !!
وإلا زماني لوضحك عارفه زين
ماهوب يبطي لو بوجه تبسمـت !!
لاعاد اجل تطرح عليه سؤالين)
( وش فيك ماتضحك ..ووش فيك مانمت )

قصيدة في غاية الروعة
لاهنت أخوي ع الإيراد
كل الشكر والتقدير

صح لسان قايلها وناقلها
لاهنت اخوي

حضوركم الراقي ياسرني لان انتقى اجمل العبارات وارقى السطور واميز الكلمات لاضمن وجودكم الدائم في متصفحاتي لاسعد ويزيد انتشاء عروقي بالنبض لابدع لاجل ارضاء ذائقتكم ،، لاعدمت طلتكم

طبت وطاب حضورك وروعة اختيارك
لهذه القصيدة أخي العزيز
هتان الدمع
وأشكرك الشكر الجزيل على تواجدك معنا
وننتظر منك المزيد