مجاراتي للأمير محمد بن أحمد السديري (رحمة الله)

هذه القصيدة للشاعر الأمير محمد بن أحمد السديري (رحمة الله)


أرسلت لي للمجاراه .

حنت خلوج وقلت كفي عن النوح=يا ناق مابك ما يعادل خلاجي



ياناق انا قلبي من الود مجروح =وجرح الموده بين الاضلاع لاجي


على الذي من بدت البيض مملوح=حي بغاراته لقلبي يفاجي



عبث سلب عقلي على غير مصلوح=عكشن رموشه شرعن بالحجاجي



حبه بمكنون الحشا جاحني جوح=حب شكاه عقاب ولد العواجي



اغليه لو انه خطير على الروح=عيني تبي شوفه وقلبي يراجي



وعليه جاوبت الحمامه عن الدوح=واللي جرى لي جارين للخفاجي

فاجاريتها

---

العام قلبي عن هوى البيض منصوح = وأشره على غيري وبيتي زجاجي
والرجل صوب بيوتهم دايم تروح = والقلب مشعوفِ يحب المداجي
واليوم شفني بالشرابيك مطروح=أبغى أتخارج بس مابه خراجي
أنا أحسب إنه تقضيت وقت ومزوح=وأثره مرض ماله طبيب وعلاجي
أثر الهوى سيسان وبيوت وصروح= تبنى ولا يثر عليها العجاجي
وفي الصدر مبناها ولا باب مفتوح=متمكنه مالي عليها أحتجاجي
ليته يسامحني وأنا أقول مسموح=ومن بيننا تقطع حبال التناجي
يارب تفـرج قبـل للعالـم أبـوح=إللي بصدري مثل شعل السراجـي
يوهج بتال الليـل وأفـز وأطـوح=بالصوت والطوحات تزعج مزاجي
صحيح مايأتيـك مكتـوب باللـوح=وغير الولي ماني بداعي وراجـي

وسلامتكم


أخوكم / فارس بن عايض بن علي الحارثي .

صح لسانك يابوعايض كلها رووووووعه ياشنب

اعجبتني اربع بيوت الاولى

تحياتي

صح لساااانك

مجاراة جدا رائعة

الله يعطيك العافيه

مجاراة رائعة جداَ


صح لسانك وعلا شانك


يعطيك العافية
دٌمت بحفظ الرحمن

صح لسانك ولاهنت يالذيب
مجاراه أكثر من رائعه

وكل عام وأنت بخير

بيض الله وجهك على هذه المجاراة

ابدعت وصح لسانك

دمت بخير

الله الله يا أبو عايض
والله ما أنت سهل يا ذيبان
ونعم القصيدة ونعم ما جاريت به
ويكفي انها للشاعر الكبير محمد السديري

رائع جداً

يعطيك ألف ألف عافية وصح لسانك

ماقصرت

صح لسانك


ومجاراة رائعة جداً

		المشاركة الأصلية بواسطة : اقتباس
	وفي الصـدر مبناهـا ولا بـاب مفتـوح متمـكـنـه مـالــي علـيـهـا أحـتـجـاجـي

رائعه بروعة الشاعر فارس ..

يعطيك العافيه ...وصح لسانك ..