قصيدة الشاعر مطر في اللواء سلطان بن عايض

سلطان بكتب فيك جزلات الابيات=وصوغ من صعب المعاني هديه
الطيب له مبدى وغايه ووقفات=عند الرجال اهل الكرم والحميه
وانته كسبته من جدود وسلالات=واضفت عليك السيره العامريه
قايد قطاع ومن رجال المهمات=اللي تحدو للصعاب القويه
والعارض الصحي سمعته سلامات=عافاك رب العرش رب البريه
عسى حياتك للفرح والمسرات=وعساك سالم يازبون الونيه
من جاب مثلك قالو الناس مامات=نادر حرار ووقفتك صيرميه
كم واحد علق لواء بس هيهات=مامثل ابو ثامر يقود السريه
وكم واحد يدرس علوم الفضاءات=وعلم الفلك والثوره النيزكيه
لاكن مايسقي من الجم شربات=ردي خال وعلته داخليه
ياشيخنا لاجاء نهار المثارات=ياكاسب الطالات في كل هيه
حنى قبيله والمواقف بطولات=وانته تعرف السابقه والرديه
نسير باسمك في الوطن والامارات=وتخضع لنا الروس الطوال الابيه

صح الله لسانه وماقصر ويستاهل ابو ثامر كل خير والف شكر لك صقر الشدادين

ما شاء الله تبارك الله
يستاهل والله أبو ثامر كل خير
ويستاهل الفخر والمدح
لا هنت أخوي صقر الشدادين
وصح لسان شاعرنا مطر بن مهمل

سلطان بن عبدالله
والاخ
السلطان
اشكركم على مروركم العطر
وارق التحايا واعذبها مني