تهنئة للشيخ سلطان بن على الحارثي بالمشيخة

الاخوه الكرام اداري واعضاء
(شبكة الشدادين الرسمية)
اسعد الله اوقاتكم بكل خير
اتشرف بطرح هذه القصيده المتواضعه بمناسبة صدور الامر السامي بتعيين الشيخ/سلطان بن على الحارثي
خلفا لاسلافه شيخاً لقبيلة الشدادين، وأسأل الله العلي القدير له التوفيق والسداد بعد ان تم تكليفه بالمسئولية
والسلام عليكم ورحمة الله وبركاته

التهنئة للشيخ سلطان مرسال=شعر المشاعر واحترام الجزالي
ياقوت شعري من اصوله بميصال=شامخ على قدر المقام المقالي
للشيخ سلطان ابن مهرس بالاقبال=شيخ الشدادين الأصيل القبالي
خير الخلف وريث الاسلاف الابطال=سلطان بن مهرس زبون التوالي
شيخ وسليل شيوخ ومعرب الخال=فخر الندى شبل السلف والمثالي
والشيخ من ربعه وعدله فالأحوال=واليا اعتزى له عزوة ما تبالي
شيخ الشدادين المؤصل بالافعال=مـن طيب تأصيله قراح الزلالي
جين الشياخة جين سلطان لازال=وللـدم ثـابت من أصـول السبالي
أخذت عن بوك استقامه بالاعمال=ومكارم أخلاق وعلوم الرجالي
واخذت عن مهرس تفاصيل رجال=همام شامخ فالمرام وخصالي
والعلم زادك هيبة شيوخ بالفال=ودماثة أخلاق وشرف واحتمالي
بيت الشياخة ما توارى بالأجيال=وفصل الشياخة بـالمقام المثالي
وحولك ومن حولك شدادين كمال=روسا على الميقاف مثل الجبالي
اهل القنا والسيف بعصور الاهوال=ولا كبرت الـهيات قـوم القتالي
خيـالـهـم ينـطح ثمـانين خيـال=ورجالهم بـالفـعل والـحق صالي
خويهم والضيف والجار باجلال=يقلط صدر دونه صمول ونضالي
ومن يعتزي بالاد شداد يختال=مبدى ومـعدى واحتكـام ومنـالـي
بنيوس ربعك والشدادين كمال=صفوة بنى الحارث كمال الجلالي
وحنا بني عمك ومحزمك فالحال=فـخراً بـعزك لاعتـزازك مـوالـي
الدم واحد والمذاهب والأسبال=والجنب جنبي والمقام احتفالي
أجيك عن شمسان مقال واقبال=واجيك عانــــي من خلال الخلالي
والجين واحد والكريات بافضال=واصلك وفصلك فالشموخ المعالي
التهنئة والعذر بقصور الاقوال=شرف مقامك فاق وصف المقالي

كفو والله يا شاعرنا العزيز أبو محمد
ولا هنت على هذه القصيدة وهذه التهنئة
للشيخ سلطان بن علي بن مهرس
يستاهل كل طيب وتستاهل التقدير يا أبو محمد
ولا هنت وصح لسانك وارتقى شأنك

يستاهل شيخنا ابو علي وعساه على القوة
وما قصرت اخوي الشاعر جزل البيان وعسى عمرك طويل

ارحب يا أبو محمد وعسى عمرك طويل
كفيت ووفيت وما قصرت
وأبو علي يستاهل كل علم غانم
وصح لسانك ملايين

ونعم بابن مهرس وربعه
اهل تاريخ وبطولات وشداد وعناد
والله يجعلهم على العز وصح لسانك
يا صبي بني الحارث جزل البيان ولا هنت

يستاهل الشيخ القصيده الجزله

وصح لسانك اخي الكريم على هالرائعه

لاهنت

يستاهل أبو علي شيخة
ويستاهل المدح والتقدير
ولا هنت يا أبو محمد وصح لسانك
وبيض الله وجهك

::
الله يسعدك شاعرنا جزل

ويستاهل الطيب والمدح من اثنيت عليهه

الله يوفقهه لي ماهو به

صح لسانك جزل البيان والسبعة أنعام بالشيخ سلطان وربعه وربعنا الشدادين
ونتمنى له التوفيق ونسأل الله له العون.

		المشاركة الأصلية بواسطة : السلطان اقتباس
	كفو والله يا شاعرنا العزيز أبو محمد ولا هنت على هذه القصيدة وهذه التهنئة للشيخ سلطان بن علي بن مهرس يستاهل كل طيب وتستاهل التقدير يا أبو محمد ولا هنت وصح لسانك وارتقى شأنك

اخوي العالي
((السلطــــــــــان))
ماعليك زود ياسنايدي
ابيض وجه ولاهنت يالغالي
شكرا على الاطراء العطر والمرور الزاكي
تفضل بقبول خالص
تحيـــــــــــــــــــــــــــاتي