النصيـــــحه بلاش

الاخوه الكرام
ادارة واعضاء
((شبكة الشدادين الرسميه))
اسعد الله اوقاتكم جميعا بكل خير
وكل عام وانتــــــــــم بخير
اتشرف بطرح هذه القصيده المتواضعه والتمس العذر عن الغياب والذي كان لعدم قبول دخولي للمنتدى واملي ان تحوز على رضاكم
والسلام عليكم ورحمة الله وبركاته

اكثر الناس مايحسب لنفسه مقام=ومعظم الناس مايعرف كمال الوجوب
والسوالف تناقض والمواقف زحام=والمعارف تناوب والمجمل ينوب
والحكايه تشاغب والحقيقه سلام=والذنوب المويقه ماتحاول تتوب
وفالدقيقه ثواني ماعليها ملام=والعراض الطويله وسعت فالدروب
وكل ماتعرض السكه يطول الكلام=عايد الشرق فالدنيا خلاف الغروب
واختلاف العوائد يتفق لاحترام=وكل واحد على معناه يعنا بصوب
والمعاني وثيقه والعريق التمام=لاتهاب الخطوب وتعتمد للهروب
منت ضاوي بفيد ولاسلمت العدام=النصيحه بلاش لكل صدرا رحوب
ومن وضوح الحقيقه مالها بالضلام=وعن صريح العباره مايدوم الكذوب

جزل البيان

عوداً حميداًوانت ابخيروصحة وسلامة

صح بوحك وابيات رائعه وطيبه منك وطابت ايامك

بخير وسعادةة وباانتظار جديدك

ارحب ارحب يا أبو محمد ويا هلا بك
شرفتنا من جديد في منتداك والله يحييك
شاعر كبير ووجودك بيننا مطلب اليوم ودوم
قصيدة أكثر من رائعة وما هو غريب الابداع عليك
ولا هنت وصح لسانك ملايين

عشقك خفوقي
صح بدنك ولاهنتي
شكرا على الاطراء العطر
تقبلي خالص
تحيـــــــــــــــــاتي

		المشاركة الأصلية بواسطة : السلطان اقتباس
	ارحب ارحب يا أبو محمد ويا هلا بك شرفتنا من جديد في منتداك والله يحييك شاعر كبير ووجودك بيننا مطلب اليوم ودوم قصيدة أكثر من رائعة وما هو غريب الابداع عليك ولا هنت وصح لسانك ملايين

اخوي الغالي
((السلطــــــــان))
صح بدنك وسلمت يالغالي
شكرا على مرورك الزاكي وطراءك العطر
تفضل عزيزي بقبول فائق
الاحتـــــــــــــــرام