خفافيش الظلام

سمع الكثير منا ماحصل بكتاب الله ..... من ايدي كفره ملحدين ملعونين

والكل منا حصل به ماحصل بكل مسلم

وهذا ماحصل بعد الموقف



( خفافيش الظلام )


أورنس الهذال

قلت اذكروا قولوا معي منهم خفافيـش الظـلام؟=قالوا سؤالك وش يبي؟كلـه غموضـك يحتويـه
قلت العفو من فلسفـه صعبـه ولكـن لاتضـام=قلت السفيه ابن السفيه شلون تعريـف السفيـه؟
قالوا سفيه أصل السفه ماخوذ من كثـر الكـلام=يعني كلامه هرطقـه مايفعـل اللـي قيـل فيـه
قلت اسمعوا شرح القصيد الأبجـدي والمستهـام=شرح المعاني المبهمـه يمكـن ذكرهـا سيبويـه
اضحك ولا تزعل وخل الظيـم ملعـون العسـام=لاتلتفـت للهافيـه حنـا عـرب سيـد... وبيـه
خبـول لكـن همنـا جمـع الدراهـم والغـرام=ماهمنا موت الرضيع اللـي رصاصـه تكتويـه
مانشتكي على السفيه اللـي رمـاه بـلا مـرام=بل نشتكي على الرضيع وشلـون كبـر منكبيـه
وشلون ابوه بلا سبب خلاه مـن غيـر احتكـام=شارون يزعـل ياعـرب! إزاي نلعـب ياأبيـه؟
هـذي فصـول المفـرده اول معانيهـا حـرام=خلونا من هالمرفـده القـدس مبطـي مانبيـه!!
قالوا نبي نحرر بـلاد الرافديـن إمـن النظـام=قلنا هلا باللي حضـر يعنـي نقـول إنـه نبيـه
حنا نقول إنه نبيه مـن يـوم ضـاع الاحتـرام=في ذمتـي ماهـو نبيـه كـل السخافـة تعتليـه
خلاص طيحنا النظـام وقسمنـا كـل الاقتسـام=في عندنا علـمٍ جديـد.. تقريـر وزع مهتويـه
بغداد نامـت قالهـا كوفـي انـان وراح نـام!=والنـوم فارقهـا وحنـا نسلـك دروب المتيـه
صكت بلوت ونفتخر احلى عرب احلـى سـلام=واحلى مواضيـع التفـه فـي ذمتـي ماتهتديـه
وهذا ملـفٍ نقفلـه ليـه التعـب ليـه الهيـام؟=قلت اصبروا باقي معي بعض الحكي من غير ليه
شلـون حنـا نفتخـر وقلوبنـا ضـد الـوئـام=شلون تطلع ضحكتي من قلب صعـبٍ ترتضيـه
إلا الكرامه تختفـي عنـد الرجـال إبـلا مـلام=صعب الدموع العابـره تنـزل تغطـي وجنتيـه
صعب الملامح تندثر فـي ظلمـة الليـل إكتتـام=وسهلٍ علينا ننضـرب مـن كافـرٍ تبـت يديـه
قرأننـا هـو ذكرنـا هـو ديننـا هـو الوسـام=سهلٍ نشوف الاجنبـي بكـل الحقـاره يرتميـه
متى نقول إنا عرب بحـق مـن غيـر إكتضـام=متـى نـرد لديننـا هيبتـه ونـصـد مايجـيـه
تدرون خلوكم معـي لحظـه وشيلـوا هالغمـام=من هاننا في ديننـا بـدري عليـه بـدري عليـه
أدعوا معي رب الكتاب المُنزل أدعـوا بإلتـزام=يـارب ياقيـوم يارحـمـان خــذ ماأشتكـيـه
أبـي تهـز جبالهـا وأبـي تزيـد الإرتـجـام=وأبي تنـزل معجـزه تحـرق منـازل ماوطيـه
ونشوف يومٍ كلنـا فـي هالسفيـه إبـلا رحـام=ياربنـا أقـبـل دعـانـا يامجـيـبٍ نرتجـيـه
قولوا معي آآمين يامنهو حضـر فـي هالمقـام=واختام فصل حكايتي ودي انـا اذكـر ماصفيـه
اللحين قولوا من جديد منهـم خفافيـش الظـلام=قالوا عرفنا وش تبي سـؤال صـادق محتويـه
أو مجمل فصـول الحكايـه والحقيقـه لاتـلام=إن السفيه إبن السفيـه بالقـول لايعمـل مافيـه
قلت العفو في هالقصيد شـرح واقسامـه قسـام=واعذروا تقصير حرفي يمكـن الهيبـه إتعصيـه

مرحبا

بصرحه ذهلت لما قريت العنوان القصيده هذي ابيها واليوم طرت على بالي

مشكور ياسلطان عساك عالقوه يارب

حياك الله أختي نور الفيصل ويا هلا بك

وأشكرك على حضورك ومشاركتك لي

قصيدة أورنس الهذال

قصيده رائعه بحق

صح لسان شاعرها وسلم ناقلها

ويبقى أملنا الأكبر وتوجهنا الأعظم لربنا جل في علاه

بأن ينصر دينه ويرفع شأن المسلمين

صح لسان الشاعر

وتسلم يدينك على نقلها

وتقبل مروري

شداديه 2009

الأخوات شجون & شدادية 2009

يا هلا والله بحضوركن ومشاركتكن لي هذا الموضوع

وألف شكر لكن

الله الله الله



مشكووووووووووووور يالسلطاني وااااااااااااااايد



قصيدة عصماااااء من شاعر راااائع



من قديم الشاعر ويتجدد بينكم بكل روعه


شكراً لك يالسلطان

بيض الله وجهه ووجهك يا أبو نوره

قصيده رائعه جدا

صح إلسانك وصح فكرك وذوقك

يا هلا والله بكم وبكل من شاركني الرد على الموضوع

لا خلا ولا عدم فقد أضاف تواجدكم رونقاً خاصاً عليه

احسنت النقل الوافي يا السلطان بارك الله فيك تحياتي