قايد وطنا عن ثمانين قايد

قصيدة في والدنا الغالي نلت بها شرف شاعر المنتدى لمن لم يطلع

هبت رياح الشعر والصدر مرباع=على ضفاف الجوف جزل القصايد
هجس القصايد وصل للفكر فزاع=وجمر القصيد الجزل عندي وقايد
توارد الأفكار من كل الأنواع=اعسف خيول الفكر والقاف كايد
لأجل أبو متعب سيدي جيت في ساع=بالنادرات الشاردات الفرايد
القايد اللي يصدر الأمر ويطاع= قايد وطنا عن ثمانين قايد
طب المريض اللي شكى هم الأوجاع= سنايد اللي ما لقا له سنايد
عون الضعيف اللي من الوقت ملتاع=الطيب يأخذ منه سلم وعوايد
ملك قلوب الشعب من بين الأضلاع=قدره على كل المخاليق زايد
مدة شماله تطعم وتشبع جياع=ومدة يمينه تترك الفقر بايد
درع الوطن عن كل حاسد وطماع=يبطل عمل من يرسمون المكايد
صقر العروبه له على العز مطلاع=في عهده الخيرات والأمن سايد
يدعم مشاريع التطور والإبداع=ومن دعمه الأجيال تجني فوايد
للشرق الأوسط حصن عالي ومناع=بين العرب موقف سموه محايد
الرأي رايه يوم للحق قطاع=يحل صعبات الأمور الشدايد
يالله يامحيي من المزنة القاع=تحفظ لنا القايد سنينن مدايد
سعد العضياني=

صح لسـانك ملايين
وبيـض الله وجهك
والله يحفظ بلادنا وقايدها من كل شر
الله يوفـقك

صح لسااانكـ..شاعرنا
ابياات في قمة الروعه والجمال
والف مبرووك الفوزو اللقب (شاعر المنتدى)
ربي يسعدك

صح لسانك وشكرا لك

.

.

.

الله يعطيك العافية

كفو والله يا أبو نواف
تستحق الجدارة والصدارة
ويستاهل أبو متعب كل مدح وثناء
وصح لسانك ملايين

بيض الله وجهك ومرحباً بك يا جزل ويا مُبدع

حروف قوية وشامخة يستحقها خادم الحرمين الشريفين وأكثر ,.

صح إلسانك مدد بلا عدد ,.

.

سعد
صح لسانك وبيض الله وجهك
شاعر متميز ولك في الشعر الباع الطويل
نريد المزيد من شعرك الجزل

سعد العضياني
صح لسانك وسلم بنانك والله ياشاعر المنتدى
يستاهل ابومتعب كل خير
والف مبروك على الفوز(بشاعر المنتدى) وتستاهل والله بجداره
تفضل عزيزي بقبول فائق الاحترام

صح لسانك ياسعد
وبيض الله وجهك على القصيدة الجزلة

ولاهنت

الاخوان الذين شرفوني بالمرور والتعليق

شكراً لكم من الاعماق

وتحياتي لكم